2 Timɔte 4:16 - Fana Ngbangɔ 1987

¹⁶ Ngoi mɛ ndo mbi kambisa na nyɔ mbi ti kɔzoni ka gbɛlɛ awa fangɔ ngbanga ko, ta zo kɔi agbɔ̃ ndo koko ndo mbi ma, azi zu adɔ ndo mbi azia. Wa Nzapa azia bɛ kpãngɔ bɛ lo ndo siɔ ye tɛ la ma ke!

2 Timɔte 4:16 Iomraidhean Croise

Marko 14:50

La ava lo zu akpɛlɛ, adɔ lo azia.

Luka 12:11

“Na ngoi ko gbanda agbɔ̃nɔ ĩ, agwe na ĩ ka ya da sambela, bere ka ndo tɛ awa fangɔ ngbanga, bere ka gbɛlɛ agbia tɛ leta ya, afa ngbanga tɛ ĩ ko, ta bɛ ĩ angbã ngbũ na lo ti se kɔdɛ mɛ ĩ na bɛrɛngɔ na nyɔ ĩ, bere na lo ti tɛnɛ mɛ ĩ na tɛnɛngɔ ma.

Yoanɛ 16:32

Ĩ ma lu, mbanga ngoi na lengbingɔ, ko ngoi ni alengbi wɛ, ko ĩ na gundungɔ zu. Zo kɔi kɔi na diringɔ ka ya da tɛ lo, ko ĩ na ziangɔ mbi na kunɛ mbi. Ipɔ, ti biani ko, ta mbi na ngbãngɔ na kunɛ mbi ma, na lo mɛ ya, To mbi ndodu ndoni kɔi na mbi.

Awa Pangɔ Kwa 22:1

Lo pa ya: “Ato mbi na ayata mbi, ĩ́ ma tɛnɛ mɛ mbi na tɛnɛngɔ hɛ̃ ĩ na olo so bɛrɛngɔ na nyɔ mbi lo mɛ.”

Awa Pangɔ Kwa 25:16

La mbi gbinya hɛ̃ la ya, na se li ye tɛ awa Roma, uzu ti ala fangɔ ngbanga bingɔ li zo ko, ale zo ko asi so gbɛlɛ awa vɔ̃ngɔ to tɛrɛ lo, abɛre nga nyɔ lo, wa ala fa ngbanga abi li lo.

Awa Pangɔ Kwa 7:60

So pɛni, lo kuku, lo dɛ kɔngɔ kpengbani ya: “Gbia, ta mɔ kpã nda siɔ ye olo tɛrɛ la ma!” Lo ĩ kɔ nda tɛnɛ ni ko, lo kpi.

1 Kɔrinto 13:5

Zo ko ndoye afɔ̃ lo ko, ta lo lengbi ti lingɔ ye ti kamɛnɛ tɛrɛ afɔ̃ lo ma, ta lo ndogi bo ye mɛ nzɔ̃ni na lo tɛ lo nvɛni ma, ta lo ndoli ngɔnzɔ hiɔ hiɔ ma, ta lo ndokpã nga afɔ̃ lo ya lo ma.

1 Kɔrinto 9:3

Ĩ ma se mɛ se azi adi mbi, ko mbi bere na nyɔ mbi lo mɛ:

2 Kɔrinto 7:11

Ĩ da bɛ ĩ na Nzapa na lo ti vundu mɛ ndo agbɔ̃ ĩ, ko na olo ko, ĩ ba se mɛ Nzapa agbinya na bɛ ĩ hĩ! Ĩ ba se mɛ ĩ li kpengbani, ko na lo ni ĩ ndodu na nzɔ̃ dangɔ bɛ na ló ni hĩ. Ĩ ye fangɔ ya, ĩ kɛ̃ siɔ ye! Ngɔnzɔ na mbɛtɔ agbɔ̃ ĩ sĩ na ló ni. Ĩ separa sĩ ya, ĩ ba mbi fani mɛ ndɛ̃. Ĩ hɛ̃ tɛrɛ ĩ sĩ ya, ĩ li ye mɛ bɛ Nzapa aye. Ĩ ye nga sĩ ya, ĩ hɛ̃ etumbu hɛ̃ zo ko la ali siɔ ye. Ĩ fa na se kɔdɛ zu ya, ta ĩ na ya lo ni ko ma.

Filipɛ 1:17

Ala ko la ndoli sɔbɛrɛ hɛ̃ mbi ko, ala ndopa tenɛ tɛ Yezo Kristo bɛ la sɛ sɛ, ko ala ndoye ya, ani ɔ mbi. Ala ndoda bɛ la ya, se ani li nga so ko, pɛnɔ tɛ mbi aɔ ndoni na ngoi olo mɛ mbi ge bɔlɔkɔ.

Filipɛ 1:7

Adu na seni ya, mbi da bɛ mbi na ĩ zu nga so, na lo mɛ ya, mbi ndoye ĩ sĩ nvɛni. Ta sanga ma, Nzapa ali nga hɛ̃ ĩ zu nzɔ̃ bɛ mɛ ndo lo li hɛ̃ mbi. Lo li ndo ni na ngoi mɛ ndo mbi tɔndɔ na nda lo ti Nzɔ̃ Pa ka gbɛlɛ awa fangɔ ngbanga. Na ngoi ni ndo ko, mbi wa ndo nga la ya, ala ye lo ti Nzɔ̃ Pa ni na bɛ la kɔi. Ko lo li nga nzɔ̃ bɛ ni na ngoi olo mɛ mbi ge ya bɔlɔkɔ.

2 Timɔte 1:15

Mɔ hĩnga ya, awa Kristo zu ti sese ti Azia adɔ mbi azia, ko Eizɛlɛ na Hɛrmɔzɛnɛ nga na li nɔ tɛ la.

2 Timɔte 4:10

ta sanga ma, Demasi adɔ mbi azia, agwe ka Tɛsalɔnikɛ, na lo mɛ ya, bɛ lo aye alo ti ngoi olo sĩ nvɛni. Krɛsana agwe ka Galatia, Tito agwe tɛ lo ka Dalmatia.

2 Timɔte 4:15

Bata li mɔ na Alɛkizandrɛ, na lo mɛ ya, alo zu mɛ e ndopa ko, lo kɛ̃ ndo ni kpengbani nvɛni.

1 Petro 3:15

Kanda ale ĩ tɔndɔ Yezo Kristo mɛ Gbia tɛ ĩ. Ĩ lɛkɛ tɛrɛ ĩ so gbinyangɔ tɛnɛ hɛ̃ azi zu mɛ ndohũnda ĩ na nda mɛ ĩ ndolɛndɛrɛ Yezo Kristo.