2 Timɔte 4:13 - Fana Ngbangɔ 1987

¹³ Na gangɔ tɛ mɔ ko, mu bɔngɔ ti de tɛ mbi mɛ ndo mbi zia ka tɛ Karpusi ka Troasi, mɔ ga na ni hɛ̃ mbi. Ga nga na abuku, mai bo abuku mɛ alɛkɛ na pɔrɔ sa.

2 Timɔte 4:13 Iomraidhean Croise

Matie 5:40

Se zo asepara singɔ na mɔ ka gbɛlɛ wa fangɔ ngbanga ya, ni mu ndozu bɔngɔ tɛ mɔ ko, zia lo mu nga kota bɔngɔ tɛ mɔ.

Awa Pangɔ Kwa 16:11

E mu masua so Troasi, e fa ngu, e si ka ya zúa kɔi mɛ ili ni la Samotrasɛ, e la so ndo ko bi kɔi. Ĩ la bu ndã ĩ de ko, e mu masua so ndo ko, e gwe ka Neapolisi.

Awa Pangɔ Kwa 16:8

La ala fangbi ti sese ti Misia, ala si ka nyɔ kota ngu ti kɔdɔrɔ mɛ ili ni la Troasi.

Awa Pangɔ Kwa 20:38

Vundu agbɔ̃ ndo la ma wo ma, na lo mɛ ya, lo pa ndo hɛ̃ la ya, ta ni ti hũ gbanda la ma. La ala nɔ asa lo ka ya masua.

1 Kɔrinto 4:11

Ato ndo gã, aga ngbĩi asi nga na ngoi mɛ ko, gwɛ̃ tɛ na gwɛ̃ ngu ndogbɔ̃ e. Ta e na bɔngɔ ma, andosɔ̃ e, ta e na da tɛ e nvɛni dazu ma.

2 Kɔrinto 11:27

Mbi li ndo akpengba kwa, mbi nzɛ̃ ndo nga. Fani sĩni ko, ta mbi ndola ndo langɔ na bi ma. Gwɛ̃ tɛ na gwɛ̃ ngu ndogbɔ̃ ndo mbi. Fani sĩni ko, mbi ndokɛ̃ ndo tengɔ ye. Mbi ndohũ ndo pɛnɔ ti de, ta mbi ndo nga na bɔngɔ ma.