2 Timɔte 4:12 - Fana Ngbangɔ 1987

¹² Mbi to Tisikɛ ka Efɛzɛ.

2 Timɔte 4:12 Iomraidhean Croise

Awa Pangɔ Kwa 18:19

Ngoi mɛ ala ĩ si ka Efɛzɛ ko, Polo azia Akilasi na ya lo Prisiyɛ, anɔ ka ya da sambela, lo na Ayuda abimbi tɛnɛ.

Awa Pangɔ Kwa 18:21

Ngoi mɛ Polo ĩ ga so ɔngɔ ko, lo zei la ya: “Mbi ɔ, wa se Nzapa aye ko, mbi diri mbi ga ge tɛ ĩ.” La lo lo so Efɛzɛ, lo ko ya masua, lo ɔ.

Awa Pangɔ Kwa 19:1

Ngoi mɛ ndo Apolɔsɛ ka kɔdɔrɔ ti Kɔrinto ko, Polo afangbi tɛ lo ti ndo hɔtɔ mɛ na lɛ sese ti kɔdɔrɔ ni ko, asi ka Efɛzɛ. Lo ĩ si kai ko, lo tã ambanga awa Kristo.

Awa Pangɔ Kwa 20:25

“Mbi fɔnɔ ndo na popo tɛ ĩ zu, so hangɔ ĩ na lo Lɛngɔ Gbia tɛ Nzapa. Kanda mbi hĩnga na olo mɛ ya, ta zo kɔi na popo tɛ ĩ ti hũ gbanda mbi ma.

Awa Pangɔ Kwa 20:4

Azi mɛ ndo lo ana la anɔ lege kɔi lo mɛ: Sopatɛrɛ mɛ nyi Pirusi, Pirusi ni wa kɔdɔrɔ ti Berea, na Aristarkɛ na Sekundusi mɛ ala awa Tɛsalɔnikɛ, na Gayusi mɛ wa Dɛrbɛ, nga na Timɔte, na Tisikɛ, na Trofimɛ mɛ ala azi ti sese ti Azia.

Efɛzɛ 6:21

Tisikɛ na pangɔ hɛ̃ ĩ pa tɛ mbi zu, wadila ĩ hĩnga se mɛ e ndodu na ni ge. Lo nyita e ti kpɔ̃ bɛ e, ko lo ndoli kwa tɛ Gbia Yezo na bɛ lo kɔi.

Efɛzɛ 6:22

Nda mɛ mbi to lo nvɛni hɛ̃ ĩ ya, lo pa hɛ̃ ĩ se mɛ e ndodu na ni ge, ko lo sa nga nguru bɛ ĩ la.

Kɔlɔsɛ 4:7

Tisikɛ na pangɔ hɛ̃ ĩ pa tɛ mbi zu. Lo nyita e wa Kristo ti kpɔ̃ bɛ e. Lo ndoli kwa tɛ Gbia Yezo Kristo na bɛ lo kɔi, lo nga la e na lo e ndoli kwa tɛ Gbia.

1 Timɔte 1:3

Mbi ye ya, mɔ ngbã ka kɔdɔrɔ ti Efɛzɛ nga ma se ko ndo mbi pa na ni hɛ̃ mɔ, na ngoi ti gwengɔ mbi ka sese ti Masedoanɛ. Ka Efɛzɛ ko, awa hangɔ lo tɛ Nzapa na nvɛnɛ da, ko ale mɔ gbanzi la na hangɔ lo ni.

Tito 3:12

Ngoi mɛ mbi na tongɔ Artemisi, bere Tisikɛ ka tɛ mɔ ko, li kpengbani, mɔ nɔ mɔ tã mbi ka kɔdɔrɔ ti Nikopolisi. Ta sanga ma, mbi separa ya, ngoi ti de alengbi mbi kai.