2 Timɔte 4:11 - Fana Ngbangɔ 1987

¹¹ Bo Luka kɔi la e na lo e ngbã ge. Mu Marko mɔ ga na lo, ta sanga ma, lo lengbi ti zangɔ mbi na ya kwa tɛ mbi.

2 Timɔte 4:11 Iomraidhean Croise

Matie 19:30

Ko na olo, azi ma wo ma mɛ awa li ni na olo ko, ala na tingɔ nda ni, ko azi ma wo ma mɛ awa nda ni na olo ko, ala na tingɔ awa li ni.”

Matie 20:16

Yezo apa nga ya: “Na lo ni ko, azi mɛ awa nda ni ko, ala ti gbanda awa li ni, wa azi mɛ awa li ni ko, ala ti gbanda awa nda ni.”

Luka 13:30

Na ngoi ni ko gbanda ko, ambanga azi mɛ awa gesi na popo tɛ afɔ̃ la na olo, ati gbanda awa li ni, ko ambanga mɛ ndɛ̃ mɛ awa li ni na olo, ati gbanda awa gesi.”

Awa Pangɔ Kwa 12:12

Ngoi mɛ lo ĩ binga be lo, lo ĩ hĩnga nda ye mɛ fɛrɛ ali lo ko, lo hã nɔ, lo nɔ ka tɛ Maria mɛ ta Yoanɛ, mbanga ili Yoanɛ nga la Marko. Azi ma wo ma abombi tɛrɛ la so ndo ko, ko ala ndosambela Nzapa.

Awa Pangɔ Kwa 12:25

Barnabasi na Saulo ĩ onzi kwa tɛ la ka Yeruzalɛmɛ ko, ala lo kai adiri, amu Yoanɛ Marko aɔ na ni.

Awa Pangɔ Kwa 15:37

Barnabasi aye ya, ni na Polo, nga na Yoanɛ mɛ mbanga ili lo la Marko, ani gwe kwɛ zu ndoni kɔi.

Awa Pangɔ Kwa 15:39

Ala bimbi ndo tɛnɛ kpengbani, na lo ni la popo tɛ la akangbi. La Barnabasi amu Marko, ala fa ngu, asi ka ya zúa ti Siprɛ.

Awa Pangɔ Kwa 16:10

Bo so pɛ suma ni, Polo ĩ zingɔ ko, e gi lege hiɔ ti gwengɔ ka Masedoanɛ, ta sanga ma, e hĩnga ndo ya, Nzapa aili e ya, e nɔ e pa Nzɔ̃ Pa hɛ̃ azi mɛ kai.

Kɔlɔsɛ 4:10

Aristarkɛ mɛ e na lo ge ya bɔlɔkɔ, na Marko mɛ nyingambi tɛ nyita Barnabasi ko, ala bala ĩ. Se lo Marko lo si ka tɛ ĩ ko, ĩ yamba lo nzɔ̃ni. Adu tɛnɛ mɛ ndo mbi pia mbi pa hɛ̃ ĩ la.

Kɔlɔsɛ 4:14

Luka mɛ mɔnganga tɛ e ti kpɔ̃ bɛ e, na Damasi abala ĩ.

2 Timɔte 1:15

Mɔ hĩnga ya, awa Kristo zu ti sese ti Azia adɔ mbi azia, ko Eizɛlɛ na Hɛrmɔzɛnɛ nga na li nɔ tɛ la.

2 Timɔte 2:21

Ko se tɛ e nga la. Se zo akɛ̃ lingɔ siɔ ye zu mɛ mbi pa lo ni ko, lo ti nga ma nzɔ̃ ye ti tɛngɔ na tɛ mɛ andobata na lo ti lá ti kota yenga. To gbia lo na batangɔ lo na lo tɛ lo nvɛni ya, lo za ni, lo li nga anzɔ̃ kwa zu hɛ̃ ni.

Filemɔ 1:24

Marko, na Aristarkɛ, na Demasi, nga na Luka mɛ afɔ̃ mbi ti kwa tɛ Gbia Yezo abala nga mɔ.

1 Petro 5:13

Azi ti Eklezia ti Babilɔnɛ abala ĩ. Nzapa asara la akpã ya, ala ti azi tɛ ni, nga ma se mɛ ndo lo sara nga na ĩ lo kpã ya, ĩ ti azi tɛ ni. Nyi mbi Marko abala nga ĩ.