2 Timɔte 4:10 - Fana Ngbangɔ 1987

¹⁰ ta sanga ma, Demasi adɔ mbi azia, agwe ka Tɛsalɔnikɛ, na lo mɛ ya, bɛ lo aye alo ti ngoi olo sĩ nvɛni. Krɛsana agwe ka Galatia, Tito agwe tɛ lo ka Dalmatia.

2 Timɔte 4:10 Iomraidhean Croise

Matie 12:32

Zo ko gbanda la atɛnɛ tɛnɛ siɔni na ili mbi Nyi Zo ko, Nzapa aka gbanda lɛ lo ndo siɔ ye tɛ zo ni ko. Kanda zo ko gbanda la atɛnɛ tɛnɛ siɔni na ili Tɔrɔ Santo ko, ta Nzapa aka gbanda lɛ lo ndo siɔ ye tɛ zo ni ko na ngoi olo, bere na ngoi mɛ na gangɔ ma.”

Matie 26:56

Wa ale ĩ gbɔ̃ mbi, wadila tɛnɛ mɛ awa pangɔ nyɔ Nzapa asu ka ya Buku tɛ Nzapa na lo tɛ mbi ati na seni.”

Luka 14:33

Yezo apa nga ya: “Se mɛ nga se ta ĩ dɔ aye tɛ ĩ kwɛ zu ĩ zia ma ko, ta zo kɔi na popo tɛ ĩ na tingɔ va mbi ma la.”

Luka 16:13

“Ta wa kwa kɔi alengbi ti lingɔ kwa hɛ̃ agbia se ma. Se lo li so ko, bɛ lo akɛ̃ kɔi, ko bɛ lo aye omɛ ndɛ̃, lo ma nyɔ kɔi, ko lo samana na omɛ ndɛ̃. Ta ĩ lengbi ti lingɔ kwa hɛ̃ Nzapa, ko ĩ li nga kwa na lo ti luangɔ nwa ma.”

Luka 17:32

Wa ĩ da bɛ ĩ na lo mɛ ndo asi na ya Lɔtɔ. Lo sana ndo tɛrɛ lo so bangɔ ndo ka gesi, ko lo kpi ndo!

Awa Pangɔ Kwa 13:13

Polo na afɔ̃ lo ako ka ya masua ka kɔdɔrɔ ti Pafɔsi. Ala lo so ndo ko, agwe ka kɔdɔrɔ ti Pɛrgɛ ka sese ti Pamfilia, la Yoanɛ Marko adɔ la so ndo ko, azia, adiri ka Yeruzalɛmɛ.

Awa Pangɔ Kwa 15:38

Ko Polo akɛ̃ ya, oko Marko adɔ ndo ani ka Pamfilia azia, ta ani na lo ĩ kɔ nda kwa ma ko, ta ani na lo ĩ gwe ndoni kɔi ma.

Awa Pangɔ Kwa 16:6

Tɔrɔ Santo agbanzi ndo Polo na Timɔte ya, ta ala pa tɛnɛ tɛ Nzapa ka sese ti Azia ma, nda mɛ ndo ala fangbi ti sese ti Frizia na ti Galatia la.

Awa Pangɔ Kwa 17:1

Ala lo ka kɔdɔrɔ ti Filipɛ, aɔ ti lɛ sese mɛ ili ni la Amfipolisi, na ti lɛ sese mɛ ili ni la Apolonia, la ala si ka Tɛsalɔnikɛ, kɔdɔrɔ mɛ ndo Ayuda awa na da sambela tɛ la da.

Awa Pangɔ Kwa 17:11

Ayuda ti Berea adu anzɔ̃ azi aɔ Ayuda ti Tɛsalɔnikɛ. Ala ma ndo tɛnɛ tɛ Nzapa, ko ala ye lo ni sĩ. Bi kɔi kɔi ko, ala ndogi ndo nda tɛnɛ ti ya Buku tɛ Nzapa, so hĩngangɔ ya, bere tɛnɛ mɛ Polo ndotɛne hɛ̃ ani adu na seni.

Awa Pangɔ Kwa 17:13

Ko ngoi mɛ Ayuda mɛ ka Tɛsalɔnikɛ ĩ ma ya, Polo ndopa nga tɛnɛ tɛ Nzapa ka Berea ko, ala lo kai aga, ato nda tongbingɔ azi, sangɔ siɔ wangɔ be la ya, ala kɛ̃ Polo.

Awa Pangɔ Kwa 18:23

Lo ĩ la kai bi yakere ko, lo mu lege lo gwe, lo si ka sese ti Galatia, nga ka sese ti Frizia, ko lo so ndopa tɛnɛ tɛ Yezo hɛ̃ awa Kristo mɛ kai ya, nguru agbɔ̃ la.

2 Kɔrinto 2:13

Kanda bɛ mbi angbã ndo ngbũ nvɛni, na lo mɛ ya, kai ko, ta mbi tã ndo Tito mɛ nyita e wa Kristo ma. Nda mɛ ndo mbi zei azi ti Troasi, mbi zia la, mbi gwe ka sese ti Masedoanɛ la.

2 Kɔrinto 7:6

Ko Nzapa mɛ ndosa nguru bɛ azi mɛ anzɛ̃ ko, lo sa ndo nguru bɛ e, bo na lo mɛ ya, Tito aga ndo atã e.

2 Kɔrinto 8:16

E gonda Nzapa mɛ asa nguru bɛ Tito ya, lo hɛ̃ tɛrɛ lo so zangɔ ĩ nga ma se tɛ e!

2 Kɔrinto 8:23

Adu tɛ Tito ko, lo fɔ̃ mbi ti kwa, ko e na lo e ndoli kwa kɔi so zangɔ ĩ. Wa tɛ ayata e awa Kristo osɛ mɛ ala na Tito na gangɔ ka tɛ ĩ ko, azi ti Eklezia mɛ ge la ato la, ko ala ndoli kwa ya, azi agonda Yezo Kristo.

2 Kɔrinto 8:6

Nda mɛ ndo e gbɔ̃ gɛrɛ Tito ya, lo nɔ ka tɛ ĩ, lo kɔ nda nzɔ̃ kwa mɛ ndo lo to nda ni kai la.

Filipɛ 2:21

Azi mɛ ndɛ̃ zu ndoli ye mɛ nzɔ̃ni bo na lo tɛ la nvɛni, kanda ta ala ndoli ye mɛ nzɔ̃ni na lo tɛ Yezo Kristo ma.

1 Timɔte 6:10

Ta sanga ma, yengɔ faranga ndoili lɛ asiɔ ye ndɛ̃ ndɛ̃ ndɛ̃ na tɛrɛ zo. Ambanga azi adɔ ndo lege tɛ Nzapa azia, na lo mɛ ya, ala ye ndo faranga sĩ, ko bɛ la ndosɔ ndo nga na lo ni sĩ.

1 Timɔte 6:17

Hɛ̃ nyɔ hɛ̃ azi ko la na nwa ti lɛ sese na ti la ya, ta ala du awa yakɛ ma. Hɛ̃ la nyɔ ya, ta ala kpa nga bɛ la na ndo nwa ni ko ma, na lo mɛ ya, ta nwa ni ko ndoninga ma. Kanda ale ala kpã bɛ la na ndo Nzapa mɛ ndohɛ̃ e ye kwɛ ma wo ma. Lo ndohɛ̃ e aye ni ko ya, e saba na lo ni.

2 Timɔte 1:15

Mɔ hĩnga ya, awa Kristo zu ti sese ti Azia adɔ mbi azia, ko Eizɛlɛ na Hɛrmɔzɛnɛ nga na li nɔ tɛ la.

2 Timɔte 4:16

Ngoi mɛ ndo mbi kambisa na nyɔ mbi ti kɔzoni ka gbɛlɛ awa fangɔ ngbanga ko, ta zo kɔi agbɔ̃ ndo koko ndo mbi ma, azi zu adɔ ndo mbi azia. Wa Nzapa azia bɛ kpãngɔ bɛ lo ndo siɔ ye tɛ la ma ke!

Tito 1:4

Mbi to mbɛti olo hɛ̃ mɔ Tito mɛ mɔ nga ma bɛta nyi mbi, na lo mɛ ya, e na mɔ e ye lo tɛ Yezo Kristo. To e Nzapa na Yezo Kristo Wa songo e ali bɛ nzɔ̃ bɛ hɛ̃ mɔ, ali bɛ nga ya, bɛ mɔ adu pii ma ke!

Filemɔ 1:24

Marko, na Aristarkɛ, na Demasi, nga na Luka mɛ afɔ̃ mbi ti kwa tɛ Gbia Yezo abala nga mɔ.

2 Petro 2:15

Ala ĩ dɔ bɛta lege ĩ zia ko, ala yu ndo, ko ala mu lege tɛ Balamɛ mɛ ndo aye lingɔ siɔ ye ya, ni lua na faranga. Balamɛ ni ndo nyi Bɔzɔrɔ.