2 Timɔte 4:1 - Fana Ngbangɔ 1987

¹ Mbi gbɔ̃ gɛrɛ mɔ na ili Nzapa, nga na ili Yezo Kristo mɛ gbanda afa ngbanga tɛ azi mɛ lɛ la ngɛ̃, nga na tɛ awa kwáni. Na ili Yezo mɛ gbanda aga so lɛngɔ gbia ko, mbi gbɔ̃ gɛrɛ mɔ ya,

2 Timɔte 4:1 Iomraidhean Croise

Matie 16:27

Mbi Nyi Zo mbi na aangelo tɛ To mbi e ga gbanda na ya ndima tɛ lo, ko mbi futa gbanda zo kɔi kɔi na se kwa mɛ lo li.

Luka 19:12

Matɔ ni lo mɛ: “Mbanga zo kɔi mɛ na ale tɛ gbia aye ndo gwengɔ ka kɔdɔrɔ mɛ yɔngɔrɔni ya, akpã ni gbia, wa so pɛni ko, ni diri ka tɛ ni.

Luka 19:15

“Ĩ kpã lo gbia wɛ ko, lo diri ka ya kɔdɔrɔ tɛ lo. La lo to kwa hɛ̃ awa kwa mɛ ndo lo hɛ̃ la nwa, ya ala ga afa ni na nwa mɛ ala lua na ndo omɛ ndo ni hɛ̃ la.

Luka 23:42

La wa lingɔ siɔ ye ko asana, apa hɛ̃ Yezo ya: “Yezo, ngoi mɛ gbanda mɔ ga so lɛngɔ gbia na ndo azi ko, da bɛ mɔ na mbi.”

Awa Pangɔ Kwa 10:42

Yezo ahɛ̃ ndo e nyɔ ya, e pa tɛnɛ tɛ ni hɛ̃ azi, e nɛ nga hɛ̃ la ya, ni la Nzapa akpã ni ya, ni fa ngbanga tɛ azi mɛ ade lɛ la ngɛ̃, nga na ala mɛ akpili we.

Awa Pangɔ Kwa 17:31

Lo ko ndo bi mɛ gbanda lo fa na ngbanga tɛ azi zu na seni. Zo mɛ na fangɔ ngbanga ni ko, lo sara nga lo, lo kpã wɛ. Ko lo fa ndo lo na azi zu, na ngoi mɛ ndo lo so zo ni ko na pɛ kwa!”

Roma 2:16

Oko asi gbanda yango na lá ko gbanda Nzapa ato Yezo Kristo ya, lo fa ngbanga tɛ azi na lo ti alo zu mɛ ala hɔndɛ ka ya bɛ la, nga ma se mɛ Nzɔ̃ Pa mɛ mbi ndopa ndotɛnɛ na ni.

Kɔlɔsɛ 3:4

Yezo Kristo lo bɛta du tɛ ĩ. Ko ngoi mɛ gbanda lo ga lo fa tɛrɛ lo ko, bɛta du tɛ ĩ asi yango, ko ĩ lua nga ndima ndoni kɔi na lo.

2 Tɛsalɔnikɛ 2:8

Siɔ Zo ni ko aga gbanda na nguru tɛ Satana. Ko lo li gbanda aye ti kpɛnɛ ndɛ̃ ndɛ̃ ndɛ̃, nga na aye ti ndima mɛ adu aye ti nvɛnɛ. Lo li gbanda asiɔ ye na se kɔdɛ ndɛ̃ ndɛ̃ ndɛ̃ so handangɔ azi mɛ gbanda Nzapa asa la ka lifɛlo. Nzapa asa la gbanda kai, na lo mɛ ya, ala ndokɛ̃ yengɔ lo bɛta lo tɛ lo. Se adu ya, ala ye ni ko, ale Nzapa aso la. Siɔ Zo ni ali gbanda aye ko zu, ko na ngoi mɛ gbanda Gbia Yezo adiri aga na ndima tɛ lo ko, lo ulu gbanda mbo tɛrɛ Siɔ Zo ni, ko mbo ni aho lo.

1 Timɔte 5:21

Na ili Nzapa, na ili Yezo Kristo, nga na ili aangelo mɛ ndo Nzapa asara la akpã ko, mbi gbɔ̃ gɛrɛ mɔ sĩ nvɛni ya, mɔ tɔndɔ tɛnɛ ko la mbi tɛnɛ hɛ̃ mɔ. Ta mɔ pia mɔ kɛ̃ tɛnɛ tɛ zo mɛ avɔ̃ to tɛrɛ lo ka tɛ mɔ, bere mɔ pia mɔ ye tɛnɛ tɛ lo ma. Ta mɔ ye zo kɔi, ko mɔ dɔ zo mɛ ndɛ̃ mɔ zia ma.

2 Timɔte 1:10

Ko lo fa nzɔ̃ bɛ ni na olo, na ngoi mɛ Wa songɔ e Yezo Kristo aga. Yezo Kristo abi ndo nda nguru tɛ kwá, ko na lo ti Nzɔ̃ Pa, lo fa ndo e na lege ti luangɔ du ti kaka.

2 Timɔte 2:14

Ale mɔ ndoda bɛ awa Kristo na atɛnɛ mɛ mbi tɛnɛ hɛ̃ mɔ. Gbɔ̃ gɛrɛ la na ili Nzapa ya, ta ala pa pa na lo ti abuba tɛnɛ ma. Ta pangɔ pa ndoza zo bɛ yakere ma, pangɔ pa ndogbɛ̃ tɛ lo bɛ azi mɛ ndoma ni.

2 Timɔte 4:18

Ko mbi hĩnga ya, lo hã nga gbanda mbi na ya asiɔ ye zu. Lo bata gbanda mbi nzɔ̃ni ngbĩi nga ka mbi si ka Kɔdɔrɔ Gbia tɛ lo mɛ ka yayu. É gonda lo buru na buru. Seni la!

2 Timɔte 4:8

Ko na olo ko, Gbia Nzapa abata mbana gɛrɛ mbi ka yayu so kungɔ na mbi. Lo mɛ wa fangɔ ngbanga na seni ko, lo hɛ̃ mbi gbanda mbana gɛrɛ mbi na lá ti fangɔ ngbanga, na lo mɛ ya, lo mu mbi ka lɛ lo ya, mbi bɛta zo. Ta bo mbi kɔi gbanda la lo hɛ̃ mbi mbana gɛrɛ mbi ma. Kanda azi zu mɛ aye ya, lo na diringɔ gangɔ, ko ala ndoku lo ko, lo hɛ̃ nga la gbanda mbana gɛrɛ la.

Tito 2:13

Ale e li so na ngoi mɛ e ndoku lá ti dengɔ bɛ mɛ e ndolɛndɛrɛ. Lá ni ko adu lá mɛ gbanda Wa songɔ e Yezo Kristo mɛ kota Nzapa tɛ e adiri na ni.

1 Petro 1:7

Apɛnɔ mɛ ĩ ndohũ ndotara bɛ ĩ so fangɔ ya, bere ĩ ye lo tɛ Yezo biani. Wɔrɔ adu ye mɛ ndowɛ. Abɛ nga so ko, azi ndotara ni na wá ya ani ba, bere adu bɛta wɔrɔ. Ko se mɛ nga Nzapa ndotara na lo yengɔ tɛ ĩ mɛ adu ngbondo ye aɔ wɔrɔ la. Lo ndoli nga so ya, na lá ko gbanda Yezo Kristo adiri aga ko, ni gonda ĩ, ko ni hɛ̃ nga ĩ ndima.

1 Petro 4:5

Kanda na mbanga lá kɔi gbanda ko, ala longa gbanda gbɛlɛ Nzapa so kambisangɔ aye mɛ ndo ala li. Angbã yakere, Nzapa afa ngbanga tɛ azi mɛ lɛ la ngɛ̃, nga na tɛ awa kwáni.

1 Petro 5:4

Wa na lá ko gbanda Gbia tɛ awa batangɔ angasã ngbaga asi ko, lo hɛ̃ ĩ mbana gɛrɛ ti ndima mɛ ta dɛ̃ngɔ ni ndowɛ ma.

2 Petro 1:11

Na lo ni gbanda la lo zi lege yango hɛ̃ ĩ ya, ĩ si ka Kɔdɔrɔ ti kaka mɛ Gbia tɛ e Yezo Kristo ndole gbia da, lo mɛ nga Wa songɔ e.

2 Petro 1:17

E ndo da na ngoi mɛ ndo To lo Nzapa mɛ ndima tɛ lo aɔ ndima zu, agonda na lo, ahɛ̃ lo ndima, apa nga hɛ̃ lo ya: “ĩ ba Nyi mbi ti kpɔ̃ bɛ mbi mɛ bɛ mbi ndode ma wo ma na lo tɛ lo lo mɛ.”

1 Yoanɛ 2:28

Biani, aya mbi, ale ĩ ngbã ndoni kɔi na Kristo, ko lá ko gbanda lo diri lo ga ko, ta bɛ e atitiri ma, ta kamɛne agbɔ̃ nga e na ĩ na gbɛlɛ lo ma.

Suma 1:7

Ĩ ba lo la lo ga na ya da baba! Azi zu na hũngɔ lo, abɛ nga azi ko ndo akpɔ katɛ lo ko, ala nga na hũngɔ lo. Azi zu ti lɛ sese na demangɔ so lo. Biani, se mɛ na dungɔ na ni la! Seni la.