2 Timɔte 3:8 - Fana Ngbangɔ 1987

⁸ Se ko ndo la Yanɛsi na Yambrɛsi akɛ̃ na nyɔ Mɔizɛ ko, se mɛ nga azi ni ko ndokɛ̃ na bɛta lo tɛ Nzapa la. Azi ni ko adu azi mɛ kɔdɛ tɛ la agbɛ̃, lo yengɔ tɛ la adu nga gɛgɛrɛ.

2 Timɔte 3:8 Iomraidhean Croise

Awa Pangɔ Kwa 15:24

E ma ya, azi alo ge tɛ e anɔ ka tɛ ĩ, agia ya li ĩ, ko bɛ ĩ angbã ngbũ na ndo tɛnɛ mɛ ala tɛnɛ hɛ̃ ĩ. Ko ta e la e to la ma.

Roma 1:28

Nga ma la azi ni ko akɛ̃ hĩngangɔ Nzapa ko, Nzapa azia la ya, ala ngba na siɔ kɔdɛ tɛ la, wa ala li ye mɛ ale ta ala lengbi ti lingɔ ni ma.

Roma 16:18

ta sanga ma, ta gi tɛrɛ azi ni ko ndoli kwa hɛ̃ Gbia tɛ e Yezo Kristo ma, kanda ala ndoli ye mɛ ndode bɛ la nvɛni! Ala ndotɛnɛ anzɔ̃nzɔ̃ tɛnɛ, ala ndokara nga azi na tɛnɛ lɛkpɛ lɛkpɛ so handangɔ azi mɛ ta lɛ la azi ma.

Efɛzɛ 4:14

Wa se mɛ gbanda ta e ti e du nga ma ayangambi ma la. Ta e ti e yu gbanda ndo na lo ti nvɛnɛ mɛ awa poroso ndohanda na azi ya, ala yu ndo ma. Ta e ye gbanda ya, ye mɛ ala ndoha ayuru e, nga ma se mɛ ngu na yá ndoyuru na ngɔ yenge yenge ma.

1 Timɔte 1:19

Ngbã bo na yengɔ lo tɛ Yezo Kristo, ngbã nga na vuru bɛ. Ambanga azi akɛ̃ ndo batangɔ bɛ la vuruni, ko na lo ni ko, lo yengɔ tɛ la akpi kpɔɔ.

1 Timɔte 4:2

Awa nvɛnɛ mɛ nga awa poroso gbanda la ayu la na lege. Ala du azi mɛ vuru bɛ tɛ la akpi kpɔɔ.

1 Timɔte 6:5

ndobimbi tɛnɛ mɛ ta nda ni ndokɔ ma. Azi ni ko ndodu na siɔ dangɔ bɛ, ta ala ndohĩnga nga bɛta lo ma. Ala ndoda bɛ la ya, na lo ti lo Nzapa ko, ani ti awa nwa.

2 Timɔte 4:15

Bata li mɔ na Alɛkizandrɛ, na lo mɛ ya, alo zu mɛ e ndopa ko, lo kɛ̃ ndo ni kpengbani nvɛni.

Tito 1:10

Ale mɔ kpã awa batangɔ Eklezia, na lo mɛ ya, azi gba, mai bo Ayuda la ta ndoma nyɔ ma, ko ala ndohanda azi na abuba tɛnɛ.

Tito 1:16

Ala ndopa ya, ani hĩnga Nzapa, kanda ye mɛ ala ndoli ndofa ya, ta ala hĩnga lo ma. Ala abɛta asiɔ azi, ta ala ndoma nyɔ ma, ta ala lengbi nga ti lingɔ nzɔ̃ ye kɔi ma.

2 Petro 2:14

Ala ndoye tɛ la bo gingɔ awe ngbabo, ta ala ndonzɛ̃ na lingɔ siɔ ye bɛ gbɔ ma. Ala ndohanda azi mɛ bɛ la woni na lege tɛ Nzapa ya, ala li siɔ ye. Tɛ la bɛ la bo na ndo luangɔ faranga. Nzapa apia azonga la we!

1 Yoanɛ 2:18

Aya mbi, angbã yakere sese olo awe. Ĩ ma ndo ya, Wa kɛ̃ngɔ Yezo Kristo na gangɔ. Na olo ko, azi ma wo ma mɛ awa kɛ̃ngɔ Yezo asi wɛ. Ko gangɔ tɛ la ndofa ya, sese adoli ti wɛngɔ.

1 Yoanɛ 4:1

Aya bua, awa nvɛnɛ mɛ ndonɛ ya, ani awa pangɔ nyɔ Nzapa, asu kpaya kpaya ge lɛ sese. Na lo ni ko, ta ĩ ye lo tɛ azi ko ndomu tɛrɛ la ya, ani na Tɔrɔ mɛ alo ka tɛ Nzapa ma. Ĩ tara bɛ la uzu, so hĩngangɔ biani ya, ala na Tɔrɔ mɛ alo ka tɛ Nzapa.

Suma 2:20

Wa ĩ ba ye tɛ ĩ mɛ ni kɛ̃ lo mɛ: ĩ ye ló hɛ̃ zo wali mɛ ili lo la Yezabɛlɛ. Yezabɛlɛ ni ndomu tɛrɛ lo ya, ni wa pangɔ nyɔ Nzapa. Na lege ti aye mɛ lo ha na awa kwa tɛ ni Yezo ko, lo handa la ya, ala li siɔ ye ti kamɛnɛ, ala tɛ nga sa mɛ alu na ngbilondo.

Suma 2:6

Wa ĩ ba nzɔ̃ ye mɛ ni gonda ĩ na lo ni lo mɛ: Ĩ kɛ̃ ye mɛ ava Nikola ndoli, nga ma se mɛ ni kɛ̃ na ni.