2 Timɔte 3:6 - Fana Ngbangɔ 1987

⁶ Ambanga azi na popo tɛ la ndoli ya da tɛ azi, ahanda awe mɛ bɛ la woni, ko awe ni aye lo tɛ la. Awe ni ko adu awe mɛ asiɔ ye ako ndo la, awe mɛ ndodu na gwɛ̃ ti asiɔ ye ndɛ̃ ndɛ̃ ndɛ̃,

2 Timɔte 3:6 Iomraidhean Croise

Matie 11:28

“Ĩ azi ko la ĩ nzɛ̃, ĩ nga na sɔngɔ bɛ ko, ĩ ga ge tɛ mbi, mbi zu na bɛ ĩ.

Matie 23:13

Yezo apa ya: “Siɔ lo ati na ĩ awa hangɔ ndia, ati nga na ĩ Afarizeo! Ĩ du awa poroso! Ta sanga ma, ĩ ndovĩ nyɔ gbágbá ti Kɔdɔrɔ Gbia tɛ Nzapa ya, ta azi ali kai ma. Ta ĩ nvɛni ĩ ndoli nga kai ma, ko ĩ ndogbanzi azi mɛ asepara lingɔ kai. [

Matie 23:14

“Siɔ lo ati na ĩ awa hangɔ ndia, ati nga na ĩ Afarizeo! Ĩ du awa poroso! Ta sanga ma, ye zu mɛ awe muã na ni ko, ĩ ndolɔ ni na ti la, ko ĩ ti ĩ sana bo na ngoi ko, ĩ sambela ayɔngɔrɔ sambela so fangɔ ya, ĩ anzɔ̃ azi. Nda mɛ gbanda etumbu mɛ Nzapa ahɛ̃ ĩ aɔ maka la!]

Matie 4:24

Azi ti sese ti Siria zu ama pa tɛ lo, ko ala ga ka tɛ lo na azi zu mɛ lɛ ngã ndɛ̃ ndɛ̃ ndɛ̃ tɛrɛ la, ala ga nga na ala mɛ lɛ pɛnɔ ndɛ̃ ndɛ̃ ndɛ̃ tɛrɛ la: ala mɛ na asiɔ tɔrɔ ya tɛrɛ la, awa pupuluka, nga na awa ngbengule, la lo sara la.

Marko 4:19

wa se sɔngɔ bɛ Ti alo ti sese olo, na dengɔ bɛ ti nwa mɛ alengbi ti handangɔ zo, nga na gwɛ̃ ti aye ndɛ̃ ndɛ̃ ndɛ̃ ako ndo bɛ la ko, avi tɛnɛ tɛ Nzapa kpu, ko ta se mɛ ya, tɛnɛ ni ale da ma.

1 Kɔrinto 12:2

Ĩ hĩnga ya, ngoi mɛ ndo ĩ dɛ apaganɔ ko, ĩ ndohɛ̃ ndo tɛrɛ ĩ so vɔrɔngɔ angbilondo mɛ ta ndotɛnɛ tɛnɛ ma, ko ta ĩ ndo na nguru ti kɛ̃ngɔ lo hɛ̃ la ma.

1 Timɔte 5:6

Kanda we muã ko la ndoye dungɔ na ya dengɔ bɛ ti lɛ sese ko, abɛ se lo dɛ lɛ lo ngɛ̃ ko, tɔrɔ tɛrɛ lo akpi wɛ.

1 Timɔte 6:9

Kanda azi ko la ndoye ya, ani ti awa nwa ko, Satana ndohanda la, ko ala ndoza sɔ̃ tɛ lo, na lo ti agɛgɛrɛ siɔ ye mɛ ala na gwe ni, asiɔ ye mɛ ndogbɛ̃ zo zu zu zu.

Tito 1:11

Ale mɔ gbanzi la, ta sanga ma, ala ndogbɛ̃ ambanga nda se wa zu, ko ala ndoha lo mɛ ta alengbi ma so luangɔ faranga na lege mɛ siɔni.

Tito 3:3

Ta sanga ma, ndo uzu ko, e ndo awa buba, ta e ndoma ndo nyɔ ma, e yu ndo lege. E ti ndo ambɛ ti gwe ye ndɛ̃ ndɛ̃ ndɛ̃, e nga ndo na gwɛ̃ ti aye ndɛ̃ ndɛ̃ ndɛ̃ mɛ ndode bɛ zo. E ndo asiɔ azi, e ndo na gwɛ̃ ti ye tɛ afɔ̃ e. E ndokɛ̃ngbi ndo,

2 Petro 2:18

Ala ndoyakɛ tɛrɛ la na tɛnɛngɔ abuba tɛnɛ. Ala ndohanda azi mɛ alo ka popo tɛ apaganɔ asi bo lo mɛ, ko azi ni ko ndoli ye na se gwɛ̃ ti tɛrɛ la.

2 Petro 3:17

Aya bua, na olo ko, mbi tisa ĩ wɛ. Wa ĩ du na kpengba lɛ ya, ta asiɔ azi ahanda ĩ ma, so ĩ mu lege tɛ la ti lingɔ siɔ ye, ko ĩ dɔ nga lege tɛ Nzapa mɛ ndo ĩ kpengba da í zia.

Yudɛ 1:16

Ngoi zu ko, ta bɛ azi ni ko mɛ awa hangɔ lo tɛ Nzapa na nvɛnɛ ndode ma, ala ndoli ye na se gwɛ̃ ti tɛrɛ la, ala ndotɛnɛ tɛnɛ na baba, ala ndokara azi na tɛnɛ lɛkpɛ lɛkpɛ ya, ani lua ye na ti la.

Yudɛ 1:18

Ala pa ndo hɛ̃ ĩ ya: “Ngoi mɛ gbanda sese adoli ti wɛngɔ ko, ambanga azi ae gbanda ĩ, ala li nga gbanda aye bo na se gwɛ̃ ti tɛrɛ la.”

Yudɛ 1:4

Mbi tɛnɛ nga so, ta sanga ma, ambanga asiɔ azi ali na popo tɛ e na poroso. Ala ndogbinya tɛnɛ ti nzɔ̃ bɛ tɛ Nzapa tɛ e ati ndɛ̃, ala ndopa nga ya, e lengbi ti lingɔ siɔ ye mɛ bɛ e aye. Ala kɛ̃ Yezo Kristo mɛ bo lo kɔi la wa hangɔ e na lo tɛ Nzapa, lo nga Gbia tɛ e. Asu ndo ka ya Buku tɛ Nzapa gã ya, Nzapa afa gbanda ngbanga abi li azi ni ko.