2 Timɔte 3:5 - Fana Ngbangɔ 1987

⁵ Ala ye tɛ la gbanda lo Nzapa ni bo na pɔrɔ nyɔ la, ala kɛ̃ nga gbanda bɛta nguru ti lo Nzapa. Azi ko nga so ko, ta mɔ li na popo tɛ la ma.

2 Timɔte 3:5 Iomraidhean Croise

Matie 7:15

Yezo apa ya: “Ĩ du na kpengba lɛ na ndo awa pangɔ nyɔ Nzapa na nvɛnɛ. Ala ndoga ka tɛ ĩ nga ma angasã ngbaga, kanda ka ya bɛ la ko, ala nga ma azɛ̃.

Efɛzɛ 4:14

Wa se mɛ gbanda ta e ti e du nga ma ayangambi ma la. Ta e ti e yu gbanda ndo na lo ti nvɛnɛ mɛ awa poroso ndohanda na azi ya, ala yu ndo ma. Ta e ye gbanda ya, ye mɛ ala ndoha ayuru e, nga ma se mɛ ngu na yá ndoyuru na ngɔ yenge yenge ma.

2 Tɛsalɔnikɛ 3:14

Se zo akɛ̃ tɔndɔngɔ alo mɛ e su na ya mbɛti olo ko, ĩ kpã lo na lɛ ĩ, ko ta ĩ na lo ĩ du ndoni kɔi ma, wadila kamɛnɛ agbɔ̃ lo.

2 Tɛsalɔnikɛ 3:6

Aya bua, awa Kristo zu ko la ndokɛ̃ lingɔ kwa, ndokɛ̃ nga lo mɛ ndo e ha na la ko, e gbɔ̃ gɛrɛ ĩ na ili Gbia Yezo Kristo ya, ta ĩ na la ĩ du ndoni kɔi ma.

1 Timɔte 4:7

Wa abuba tɛnɛ ti mbaye mɛ ta ndode bɛ Nzapa ma ko, ta mɔ ye ni ma. Li kpengbani ya, du tɛ mɔ ade bɛ Nzapa.

1 Timɔte 4:8

Akpengba wele mɛ zo ndole ya, gbe tɛrɛ ni ati kpengbani na lo ni ko, andoza zo yakere. Kanda se du tɛ zo ade bɛ Nzapa ko, andoza zo sĩ nvɛni, na lo mɛ ya, zo ni ahĩnga ya, na olo ko, ni lua fana du wɛ, ko fana du ni nga na ngbãngɔ kaka.

1 Timɔte 5:8

Se ta zo akã asongo lo ma, se ta lo kã mai bo azi ti nda se wa tɛ lo nvɛni ma ko, afa ya, lo kɛ̃ lege tɛ Nzapa, ko siɔ ye tɛ lo aɔ nga ndo siɔ ye tɛ zo mɛ ta aye lo tɛ Nzapa ma.

1 Timɔte 6:5

ndobimbi tɛnɛ mɛ ta nda ni ndokɔ ma. Azi ni ko ndodu na siɔ dangɔ bɛ, ta ala ndohĩnga nga bɛta lo ma. Ala ndoda bɛ la ya, na lo ti lo Nzapa ko, ani ti awa nwa.

2 Timɔte 2:16

Gɛgɛrɛ tɛnɛ, na tɛnɛ mɛ ta ndode nga bɛ Nzapa ma ko, ta mɔ yɔrɔ nyɔ mɔ da ma. Ta sanga ma, azi ko la ndotɛnɛ gi tɛrɛ atɛnɛ ni ko, ala ndoyu lege tɛ Nzapa, agwe yɔngɔrɔni.

2 Timɔte 2:23

Zia bimbingɔ agɛgɛrɛ tɛnɛ nga na atɛnɛ ti buba, na lo mɛ ya, azi mɛ ndobimbi gi tɛrɛ atɛnɛ ni ko, ala ndokɔ nda bimbingɔ tɛnɛ tɛ la na pangɔ pa.

Tito 1:16

Ala ndopa ya, ani hĩnga Nzapa, kanda ye mɛ ala ndoli ndofa ya, ta ala hĩnga lo ma. Ala abɛta asiɔ azi, ta ala ndoma nyɔ ma, ta ala lengbi nga ti lingɔ nzɔ̃ ye kɔi ma.

Tito 3:10

Zo ko la akangbi popo tɛ awa Kristo ko, tisa lo ti fani kɔi. Se ta lo ma nyɔ mɔ ma ko, tisa lo ti fani se. Wa se ta lo ti ma ko, bɛ lo katɛ.