2 Timɔte 3:4 - Fana Ngbangɔ 1987

⁴ Ala du gbanda awa tɛngɔ gbe kuni afɔ̃ la, azi mɛ ndoli ye na ndo li la, azi mɛ ndoyakɛ tɛrɛ la sĩ. Ala kɛ̃ gbanda Nzapa, ko ala ye tɛ la alo mɛ ndode bɛ zo.

2 Timɔte 3:4 Iomraidhean Croise

Awa Pangɔ Kwa 19:36

Ta zo ti dɛngɔ kitɛ ni da ma. Wa ĩ zu na bɛ ĩ, ta ĩ li ye na ndo li ĩ ma.

Awa Pangɔ Kwa 7:52

Akotara ĩ ahɛ̃ ndo pɛnɔ hɛ̃ awa pangɔ nyɔ Nzapa zu! Ala ho ndo azi mɛ ndo apia apa lo ti gangɔ tɛ zo mɛ bo lo kɔi la bɛta Zo. Na olo ko, bɛta Zo ni aga wɛ. Lo ndo la ĩ ka lo na ngere, ĩ ho nga lo.

Roma 11:20

Seni la, biani. Afara ndo la, na lo mɛ ya, ta ala ye ndo lo tɛ Yezo ma. Ko akpa ĩ na panda la, na lo mɛ ya, ĩ ye lo tɛ Yezo. Wa ta ĩ gonda tɛrɛ ĩ na lo ni ma! Kanda ale ĩ kpɛ Nzapa.

Roma 16:18

ta sanga ma, ta gi tɛrɛ azi ni ko ndoli kwa hɛ̃ Gbia tɛ e Yezo Kristo ma, kanda ala ndoli ye mɛ ndode bɛ la nvɛni! Ala ndotɛnɛ anzɔ̃nzɔ̃ tɛnɛ, ala ndokara nga azi na tɛnɛ lɛkpɛ lɛkpɛ so handangɔ azi mɛ ta lɛ la azi ma.

1 Timɔte 3:6

Ale ta lo du zo mɛ agbinya bɛ lo fanani ma, so lo yakɛ tɛrɛ lo, ko Nzapa afa ngbanga abi li lo, nga ma se mɛ ndo Satana ayakɛ na tɛrɛ lo, ko na lo ni ndo la Nzapa afa ngbanga abi li lo.

1 Timɔte 5:6

Kanda we muã ko la ndoye dungɔ na ya dengɔ bɛ ti lɛ sese ko, abɛ se lo dɛ lɛ lo ngɛ̃ ko, tɔrɔ tɛrɛ lo akpi wɛ.

1 Timɔte 6:17

Hɛ̃ nyɔ hɛ̃ azi ko la na nwa ti lɛ sese na ti la ya, ta ala du awa yakɛ ma. Hɛ̃ la nyɔ ya, ta ala kpa nga bɛ la na ndo nwa ni ko ma, na lo mɛ ya, ta nwa ni ko ndoninga ma. Kanda ale ala kpã bɛ la na ndo Nzapa mɛ ndohɛ̃ e ye kwɛ ma wo ma. Lo ndohɛ̃ e aye ni ko ya, e saba na lo ni.

Yudɛ 1:19

Azi ni ko adu awa kangbingɔ popo tɛ azi, ala du azi mɛ gwɛ̃ ti aye ti lɛ sese ako ndo bɛ la, ala nga azi mɛ ta Tɔrɔ Santo na ya tɛrɛ la ma.

Yudɛ 1:4

Mbi tɛnɛ nga so, ta sanga ma, ambanga asiɔ azi ali na popo tɛ e na poroso. Ala ndogbinya tɛnɛ ti nzɔ̃ bɛ tɛ Nzapa tɛ e ati ndɛ̃, ala ndopa nga ya, e lengbi ti lingɔ siɔ ye mɛ bɛ e aye. Ala kɛ̃ Yezo Kristo mɛ bo lo kɔi la wa hangɔ e na lo tɛ Nzapa, lo nga Gbia tɛ e. Asu ndo ka ya Buku tɛ Nzapa gã ya, Nzapa afa gbanda ngbanga abi li azi ni ko.