2 Timɔte 3:3 - Fana Ngbangɔ 1987

³ Ala du gbanda awa zaga, azi mɛ ta ndoma vundu tɛ zo ma, awa dingɔ azi, awa karangɔ ló, azi mɛ ta ndofɔ̃ bɛ la ma, awa tɔmbɔkɔ, awa kɛ̃ngɔ nzɔ̃ lo.

2 Timɔte 3:3 Iomraidhean Croise

Matie 10:21

“Ambanga azi na kangɔ ayata la nvɛni ya, aho la. Ato ayangambi na lingɔ aya la nga so, ayangambi na sabangɔ tɛrɛ awa dúngɔ la, ala nga na kangɔ awa dúngɔ la ya, aho la.

Matie 4:1

So pɛni, Tɔrɔ Santo amu Yezo anɔ na lo ka bɛ ndo ya, Satana atara bɛ lo.

Luka 10:16

Lo pa nga hɛ̃ ava lo ya: “Zo ko la ama ĩ ko, afa ya, lo ma nga mbi. Zo ko la akɛ̃ ĩ ko, afa ya, lo kɛ̃ nga mbi. Wa zo ko la akɛ̃ mbi ko, afa ya, lo kɛ̃ nga wa tongɔ mbi.”

Luka 16:14

Afarizeo ndoma ndo tɛnɛ mɛ Yezo ndotɛnɛ zu, ko ala ndoe ndo lo, ta sanga ma, ala du azi mɛ aye faranga ma wo ma.

Yoanɛ 6:70

La Yezo agbinya hɛ̃ la ya: “Mbi ndo la mbi sara ĩ zu sui kɔi ndoni sɛ mbi kpa ya, ĩ ti ava mbi! Kanda mbanga fɔ̃ ĩ kɔi lo zo tɛ Satana!”

Roma 1:29

Bɛ la asĩ sĩngɔ na le asiɔ ye ndɛ̃ ndɛ̃ ndɛ̃, na gwɛ̃ ye tɛ afɔ̃ la, na siɔ bɛ na ndo afɔ̃ la. Ala ndoli sɔbɛrɛ, ala ndoho afɔ̃ la, ala ndopa pa, ala ndoli poroso. Ala ndoli afɔ̃ la siɔni, ala ndofɔnɔ na ili afɔ̃ la,

Roma 1:31

ta ala na kɔdɛ ma, ta ala ndoli ye na se kapa mɛ ala ndoko ma. Ta ala ndoye afɔ̃ la ma, ta ala ndoma nga vundu tɛ afɔ̃ la ma.

1 Kɔrinto 7:5

Ko ale ta kɔli na ya lo akɛ̃ngbi na tange ma. Kanda se ala mangbi ya, ani kɛ̃ngbi na pɛ nyi ngoi so sambelangɔ Nzapa, wadila ala kɛ̃ngbi na tange. Wa so pɛni ko, ale ala diri abombi na tange, so Satana ahanda la, ala ha gbengɔ bɛ la na lo gwɛ̃ ti tɛrɛ la gba, ko ala ti kɔmbɛ.

1 Kɔrinto 7:9

Wa se ala ha gbengɔ bɛ la na lo gwɛ̃ ti tɛrɛ la gba ko, ale ala du na kɔli bere na wali. Ta sanga ma, se zo adu na kɔli bere adu na wali ko, adu nzɔ̃ni aɔ omɛ lo ngbã mɔdo, ko lo ngbã na kota gwɛ̃ kɔli bere gwɛ̃ wali.

1 Tɛsalɔnikɛ 4:8

Ndani la zo ko la akɛ̃ mangɔ tɛnɛ olo ko, ta adu ya, lo kɛ̃ zo ma, kanda lo kɛ̃ Nzapa mɛ ahɛ̃ ĩ Tɔrɔ Santo.

1 Timɔte 3:11

Ale awe la adu nga awe ti ndima, awe mɛ ta ndodi zo ma, awe mɛ ndoli ye na nyɔ kpɔ̃ ni, awe mɛ ta ndoweza kwa kɔi mɛ ala na ni ma.

Tito 1:8

Ale lo ndoyamba azi zu mɛ ndosi ka tɛ lo nzɔ̃ni, ale lo ye lingɔ nzɔ̃ ye, lo du na nzɔ̃ kɔdɛ, lo du bɛta zo, lo du zo mɛ ndotɔndɔ Nzapa sĩ, lo du zo mɛ lo ndofɔ̃ nga bɛ lo.

Tito 2:3

Pa hɛ̃ atara bange ya, ale se li ye tɛ la adu nga ma se li ye tɛ azi tɛ Nzapa. Ta ala di zo ma, ta ala ti ambɛ ti nyɔngɔ kana ma. Ale ala ndohɛ̃ nzɔ̃ wangɔ

Zaki 2:6

Kanda tɛ ĩ ko, ĩ ndoba wa yɛlɛ ka lɛ ĩ samana. Azi mɛ ndohɛ̃ ĩ pɛnɔ, ndogia ĩ agwe na ĩ ka da ngbanga ko, adu awa nwa, ta seni la ma? Seni la!

2 Petro 2:14

Ala ndoye tɛ la bo gingɔ awe ngbabo, ta ala ndonzɛ̃ na lingɔ siɔ ye bɛ gbɔ ma. Ala ndohanda azi mɛ bɛ la woni na lege tɛ Nzapa ya, ala li siɔ ye. Tɛ la bɛ la bo na ndo luangɔ faranga. Nzapa apia azonga la we!

2 Petro 2:19

Awa hangɔ lo ti nvɛnɛ ni ko ndoko kapa hɛ̃ azi ni ko ya, ala na tingɔ abɔrɔ. Kanda ala nvɛni ko la ndotɛnɛ so ko, ala dɛ ambɛ ti asiɔ ye mɛ ndoto la ka ya kwá. Ta sanga ma, zo kɔi kɔi adu mbɛ ti siɔ ye mɛ ako ndo lo.

2 Petro 3:3

Ale ĩ hĩnga uzu ya, na ngoi mɛ gbanda sese adoli ti wɛngɔ ko, ambanga azi mɛ ndoli ye na se gwɛ̃ ti tɛrɛ la asi gbanda. Ala e gbanda ĩ,

Yudɛ 1:16

Ngoi zu ko, ta bɛ azi ni ko mɛ awa hangɔ lo tɛ Nzapa na nvɛnɛ ndode ma, ala ndoli ye na se gwɛ̃ ti tɛrɛ la, ala ndotɛnɛ tɛnɛ na baba, ala ndokara azi na tɛnɛ lɛkpɛ lɛkpɛ ya, ani lua ye na ti la.

Yudɛ 1:18

Ala pa ndo hɛ̃ ĩ ya: “Ngoi mɛ gbanda sese adoli ti wɛngɔ ko, ambanga azi ae gbanda ĩ, ala li nga gbanda aye bo na se gwɛ̃ ti tɛrɛ la.”

Suma 13:15

Ahɛ̃ sa ti sɛ nguru ya, lo ulu mbo ali ya tɛrɛ ngbilondo mɛ alɛkɛ nga ma sa ti kɔi. Lo ulu mbo ni ya, ngbilondo ni adu lɛ lo ngɛ̃, atɛnɛ tɛnɛ, akpɔ nga azi zu mɛ akɛ̃ vɔrɔngɔ lo.

Suma 13:17

Zo ko la ta aminya ye ni ko na ndo ti lo ma ko, ta lo lengbi ti vɔ̃ngɔ ye, bere kangɔ ye ma. Ye mɛ ndo aminya na ndo ti azi ni ko, adu ili sa ti sɛ, bere sifelo mɛ alengbi na ili sa ni.

Suma 16:6

Azi mɛ ndo akpɔ azi tɛ mɔ, akpɔ nga awa pangɔ nyɔ mɔ, mɛnɛ tɛrɛ la asa ko, na olo ko, mɔ hɛ̃ la mɛnɛ ya, ala nyɔ. Ko ala lua ye mɛ alengbi na la we!”

Suma 17:6

Mbi hũ zo wali ni anyɔ mɛnɛ tɛrɛ azi tɛ Nzapa mɛ ndo akpɔ la, na lo mɛ ya, ala ndo atemwɛ tɛ Yezo, ko mɛnɛ ni agbɔ̃ ndo zo wali ni ko nga ma kana. Ngoi mɛ mbi hũ zo wali ni ko, mbi bema sĩ nvɛni.