2 Timɔte 3:2 - Fana Ngbangɔ 1987

² Na ngoi ko gbanda ko, azi adu gbanda awa kinya, awa gwɛ̃ faranga, awa gwalo, awa yakɛ. Ala guru gbanda Nzapa, ala kɛ̃ gbanda nyɔ awa dúngɔ la. Ta ala hĩnga gbanda nzɔ̃ lo mɛ Nzapa ali tɛrɛ la ma. Ta ala tɔndɔ nga gbanda ye mɛ santo ma.

2 Timɔte 3:2 Iomraidhean Croise

Matie 15:6

Ĩ ba se mɛ ĩ ndogbɛ̃ na ngbondo tɛnɛ tɛ Nzapa, so lingɔ ye na sé du tɛ ĩ la!

Luka 12:15

So pɛni, Yezo apa hɛ̃ azi zu ya: “Ĩ bata li ĩ nzɔ̃ni na lo ti dungɔ na gwɛ̃ ye zu, ta sanga ma, bɛ se zo adu na ye sĩ ko, ta du tɛ lo adu na lo ti aye tɛ lo ma.”

Luka 16:14

Afarizeo ndoma ndo tɛnɛ mɛ Yezo ndotɛnɛ zu, ko ala ndoe ndo lo, ta sanga ma, ala du azi mɛ aye faranga ma wo ma.

Luka 6:35

Kanda ale ĩ ndoye awa kɛ̃ngɔ ĩ, ĩ ndoli nzɔ̃ lo tɛrɛ la, ĩ ndozɛ̃ nga la na faranga, wa ta ĩ lɛndɛrɛ ya, ala diri na ni hɛ̃ ĩ ma. Ĩ lua gbanda kota mbana gɛrɛ ĩ, ko ĩ ti nga gbanda aya Nzapa mɛ ka yayu. Ta sanga ma, lo ndoli nzɔ̃ bɛ hɛ̃ azi ko la ta ahĩnga nzɔ̃ lo mɛ andoli tɛrɛ la ma, lo ndoli nga nzɔ̃ bɛ hɛ̃ asiɔ azi.

Awa Pangɔ Kwa 5:36

Ta sanga ma, aɔ na olo bi yakere ko, mbanga kɔli kɔi aga ndo so ndo mɛ, ili lo Teudasi. Lo mu ndo tɛrɛ lo ya, ni kota zo. Ko azi aga ma ngbangbo siɔ aye ndo lo tɛ lo. Ngoi mɛ ndo aho lo ko, awa yengɔ lo tɛ lo zu adɔ lege tɛ lo azia, ada yenge yenge, la nda li nɔ tɛ la ati.

Roma 11:18

Nda mɛ ale ta ĩ samana na Ayuda mɛ adu nga ma akati kɛkɛ mɛ afara asa tise ma la. Ta ĩ gonda tɛrɛ ĩ ma. Ĩ nga ma akati kɛkɛ, ta ĩ la ĩ ndokã ambatana kɛkɛ ma, ambatana kɛkɛ la ndokã ĩ.

2 Kɔrinto 5:15

Lo kpi ndo so azi zu ya, azi mɛ ndodu lɛ la ngɛ̃ ko, ta ala du lɛ la ngɛ̃ na lo tɛ la nvɛni ma. Kanda ale ala du lɛ la ngɛ̃ na lo tɛ Kristo mɛ ndo akpi so la, aso nga so la.

Filipɛ 2:21

Azi mɛ ndɛ̃ zu ndoli ye mɛ nzɔ̃ni bo na lo tɛ la nvɛni, kanda ta ala ndoli ye mɛ nzɔ̃ni na lo tɛ Yezo Kristo ma.

Kɔlɔsɛ 3:5

Na lo ni ko, ĩ hã gwɛ̃ ti lingɔ asiɔ ye ti lɛ sese zu mɛ ka bɛ ĩ, ĩ zi. Asiɔ ye ni lo mɛ: siɔ ye ti kamɛnɛ, na pite, na gwɛ̃ ti tɛrɛ, na siɔ gwɛ̃ ye, nga na gwɛ̃ ye, (ta sanga ma, dungɔ na gwɛ̃ ye adu nga ma vɔrɔngɔ angbilondo).

2 Tɛsalɔnikɛ 2:4

Siɔ Zo ni akɛ̃ gbanda lo ti aye zu mɛ azi ndomu ni nga ma anzapa, lo kɛ̃ nga gbanda lo ti aye zu mɛ azi ndovɔrɔ. Lo pa gbanda ya, ni ɔ aye ko zu. Lo kɛ̃ gbanda kia, lo li ya kota da Nzapa, lo ko lo du, lo pa ya, ni Nzapa.

1 Timɔte 1:20

Imeneo na Alɛkizandrɛ nga na popo tɛ azi ni ko. Ko mbi zia la se na yamba ti Satana ya, ala hĩnga ya, ta ani lengbi ti gurungɔ Nzapa ma.

1 Timɔte 1:9

E hĩnga nga ya, ta Nzapa alu ndia na lo tɛ abɛta azi ma, kanda lo lu ni na lo tɛ asiɔ azi, azi mɛ ndosaba tɛrɛ lo, azi mɛ ndokɛ̃ nyɔ lo, azi mɛ ta ndokpe lo, ndokpe nga aye mɛ Santo ma, azi mɛ na siɔ bɛ, azi mɛ ndoho to la bere ta la, azi mɛ ndokpɔ azi,

1 Timɔte 3:3

Ale ta lo nyɔ kana agbɔ̃ lo ma, ale ta lo du wa gingɔ ló ma. Kanda ale lo du dede zo, zo mɛ ndomangbi na azi. Ale ta lo du zo mɛ bɛ lo kotani na ndo faranga ma.

1 Timɔte 6:10

Ta sanga ma, yengɔ faranga ndoili lɛ asiɔ ye ndɛ̃ ndɛ̃ ndɛ̃ na tɛrɛ zo. Ambanga azi adɔ ndo lege tɛ Nzapa azia, na lo mɛ ya, ala ye ndo faranga sĩ, ko bɛ la ndosɔ ndo nga na lo ni sĩ.

1 Timɔte 6:4

zo ni ko lo wa yakɛ sĩ, ko ta lo hĩnga nga ye kɔi ma. Lo nga zo mɛ lo ye bimbingɔ tɛnɛ sĩ, lo ye nga pangɔ pa ngbɔndɔ ngbɔndɔ na lo ti atɛnɛ. Na lo ni la azi ndoli sɔbɛrɛ, ndopa pa, ndoguru afɔ̃ la, ndodu na siɔ dangɔ bɛ ndo afɔ̃ la,

2 Timɔte 3:4

Ala du gbanda awa tɛngɔ gbe kuni afɔ̃ la, azi mɛ ndoli ye na ndo li la, azi mɛ ndoyakɛ tɛrɛ la sĩ. Ala kɛ̃ gbanda Nzapa, ko ala ye tɛ la alo mɛ ndode bɛ zo.

Zaki 2:8

Biani, se ĩ tɔndɔ ndia tɛ Gbia Nzapa na seni, nga ma se mɛ Buku tɛ lo apa na ni ya: “Ĩ ye afɔ̃ ĩ nga ma se mɛ ĩ ndoye na tɛrɛ ĩ nvɛni” ko, ĩ ba ye mɛ afa ya, ĩ ndoli nzɔ̃ni la.

Zaki 4:16

Kanda na olo ko, ĩ awa yakɛ, ĩ ndogonda nga tɛrɛ ĩ. Gi tɛrɛ yakɛ ko zu adu siɔni.

Zaki 4:6

Kanda Nzapa ti ndoli kota nzɔ̃ bɛ hɛ̃ e, ta sanga ma, Buku tɛ lo apa ya: “Nzapa ndokɛ̃ awa yakɛ, ko lo ndoli nzɔ̃ bɛ hɛ̃ azi mɛ ndongara tɛrɛ la.”

1 Petro 5:5

Ĩ aya kɔli, ale ĩ ndobi tɛrɛ ĩ hɛ̃ akangba. Ale ĩ zũ, ĩ ngara tɛrɛ ĩ hɛ̃ afɔ̃ ĩ, ya ĩ zangbi. Ta sanga ma, asu ka ya Buku tɛ Nzapa ya: “Nzapa ndokɛ̃ awa yakɛ, ko lo ndoli nzɔ̃ bɛ hɛ̃ azi mɛ ndobi tɛrɛ la.”

2 Petro 2:10

Azi mɛ gbanda lo hɛ̃ la etumbu ni, mai bo la azi mɛ ndoli asiɔ ye na se gwɛ̃ ti tɛrɛ la, ndosamana nga na lo gbia tɛ lo. Awa hangɔ lo ti nvɛnɛ mɛ ndo mbi pa lo tɛ la hɛ̃ ĩ ko, ta ala ndokpe mbɛtɔ ma. Ala du awa gwalo, ta ala ndotɔndɔ atɔrɔ ti ndima mɛ ka yayu ma, kanda ala ndokɛ̃ kia aguru atɔrɔ ni ko.

2 Petro 2:12

Awa nvɛnɛ ni ko adu nga ma asa ti ya ndo mɛ ta ndoli ye na kɔdɛ ma, ko azi ndogbɔ̃nɔ la, akpɔ la. Awa nvɛnɛ ni ko ndoguru aye mɛ ta ala hĩnga nda ni ma, ko ala na kpilingɔ nga ma se tɛ asa ti ya ndo.

2 Petro 2:18

Ala ndoyakɛ tɛrɛ la na tɛnɛngɔ abuba tɛnɛ. Ala ndohanda azi mɛ alo ka popo tɛ apaganɔ asi bo lo mɛ, ko azi ni ko ndoli ye na se gwɛ̃ ti tɛrɛ la.

2 Petro 2:3

Awa hangɔ lo ti nvɛnɛ ni ko ndodu na gwɛ̃ ti luangɔ faranga, ko na lo ni ko, ala na karangɔ ló ya, ani tɛ faranga tɛ ĩ. Ko ato ndo gã, Nzapa mɛ wa fangɔ ngbanga tɛ la, wa kpɔngɔ la ko, ta lo ndola langɔ ma, lo ndoku bo kungɔ ya, ni sa la ka lifɛlo.

Yudɛ 1:16

Ngoi zu ko, ta bɛ azi ni ko mɛ awa hangɔ lo tɛ Nzapa na nvɛnɛ ndode ma, ala ndoli ye na se gwɛ̃ ti tɛrɛ la, ala ndotɛnɛ tɛnɛ na baba, ala ndokara azi na tɛnɛ lɛkpɛ lɛkpɛ ya, ani lua ye na ti la.

Suma 13:1

So pɛni, mbi hũ sa mɛ ndɛ̃ alo ka ya kota ngu asi. Nza li lo sui kɔi, li lo mbara mbara, kpɔtɔ ti gbia alengbi na nza li ni kɔi kɔi zu. Asu siɔ tɛnɛ ti gurungɔ na Nzapa na tɛrɛ nza li lo ni kɔi kɔi zu.

Suma 16:11

Ala guru Nzapa mɛ ka yayu na lo ti pɛnɔ mɛ ala ndohũ, nga na lo ti kã mɛ na tɛrɛ la. Ko ala kɛ̃ gbinyangɔ bɛ la, ziangɔ asiɔ ye tɛ la.

Suma 16:21

Akokɛnɛ ngandangombe mɛ ndonɛ kilo sui siɔ, alo ka ndozu, asa na ndo azi ge lɛ sese. Ko azi aguru Nzapa na lo ti pɛnɔ mɛ ala hũ na lo ti ngandangombe, ta sanga ma, pɛnɔ ni adu siɔni buai.

Suma 16:9

La lá asũ ha ha ha, azɔ tɛrɛ azi. Azi ĩ hũ so ko, ala guru Nzapa na lo ko la lo na nguru ti tongɔ hɛ̃ la gi tɛrɛ apɛnɔ ni ko. Ko ala kɛ̃ gbinyangɔ bɛ la, gondangɔ Nzapa.