2 Timɔte 3:17 - Fana Ngbangɔ 1987

¹⁷ wadila zo tɛ Nzapa ati zo mɛ alua aye zu mɛ lo lengbi ti lingɔ na nzɔ̃ kwa.

2 Timɔte 3:17 Iomraidhean Croise

Awa Pangɔ Kwa 9:36

Ka kɔdɔrɔ ti Yope ndo ko, mbanga wali kɔi aye lo tɛ Yezo, ili lo la Tabita. (Bi ni na yanga tɛ azi ti Grɛsɛ la “Dɔrkasi”, Dɔrkasi adu sa mɛ ili ni la “ba”.) Ngoi zu, lo ndoli ndo nzɔ̃ li ye tɛrɛ afɔ̃ lo, ko lo ndoka ndo nga kaye hɛ̃ awa yɛlɛ.

2 Kɔrinto 9:8

Nzapa alengbi ti hɛ̃ngɔ ĩ lɛ aye ndɛ̃ ndɛ̃ ndɛ̃ sĩ nvɛni ya, ngoi zu ko, ĩ du na ye zu mɛ ĩ na gwɛ̃ ni, ko ĩ ti ĩ ngbã na ye gba, ya ĩ li na anzɔ̃ ye zu,

Efɛzɛ 2:10

Nzapa la ali ya, e ti afana azi, na lo mɛ ya, e na Yezo Kristo e ti bo kɔi. Lo li so ya, e li anzɔ̃ kwa. Lo pia ndo lo kpã anzɔ̃ kwa ni ko ya e li ni.

1 Timɔte 6:11

Wa mɔ mɛ mɔ tɛ mɔ zo tɛ Nzapa ko, ale mɔ kpɛ asiɔ ye ko zu. Li kpengbani ya, mɔ li ye mɛ mbiri mbiri, ye mɛ ndode be Nzapa. Ngbã bo na yengɔ lo tɛ Nzapa, ye afɔ̃ mɔ, gbe bɛ mɔ, du na dede bɛ.

2 Timɔte 2:21

Ko se tɛ e nga la. Se zo akɛ̃ lingɔ siɔ ye zu mɛ mbi pa lo ni ko, lo ti nga ma nzɔ̃ ye ti tɛngɔ na tɛ mɛ andobata na lo ti lá ti kota yenga. To gbia lo na batangɔ lo na lo tɛ lo nvɛni ya, lo za ni, lo li nga anzɔ̃ kwa zu hɛ̃ ni.

Tito 1:16

Ala ndopa ya, ani hĩnga Nzapa, kanda ye mɛ ala ndoli ndofa ya, ta ala hĩnga lo ma. Ala abɛta asiɔ azi, ta ala ndoma nyɔ ma, ta ala lengbi nga ti lingɔ nzɔ̃ ye kɔi ma.

Tito 2:14

Lo nvɛni lo ka ndo tɛrɛ lo na lo tɛ e, so tɔ̃ngɔ e na ya siɔ ye zu. Lo li ndo so ya, e du na vuru bɛ, e ti azi tɛ ni, wa e li anzɔ̃ kwa na gonvɛnɛ.

Tito 3:1

Pa hɛ̃ azi tɛ Nzapa zu ya, ala bi tɛrɛ la hɛ̃ agbia kɔdɔrɔ, ala bi nga tɛrɛ la hɛ̃ agbia tɛ leta. Ale ala ma nyɔ la, aye nga lingɔ anzɔ̃ ye zu.

Aebreo 10:24

Ale e ndodu na kpengba lɛ na popo tɛ e ya, e tinga wá na gbe afɔ̃ e ya, e na la e yengbi aɔ ti uzu, ko e li nga anzɔ̃ kwa.

Aebreo 13:21

Nzapa mɛ ndoli ya, bɛ zo adu pii ko, lo hɛ̃ bɛ ĩ nguru ti lingɔ anzɔ̃ lo zu ma ke! Lo li bɛ so ya, ĩ li aye mɛ bɛ lo ndoye ma ke! Lo li bɛ nga ya, na nguru tɛ Yezo Kristo ko, e li aye mɛ ndode bɛ lo ma ke! E gonda bɛ Yezo Kristo buru na buru ma ke! Seni la.