2 Timɔte 3:16 - Fana Ngbangɔ 1987

¹⁶ Atɛnɛ tɛ Nzapa zu mɛ asu na ya Buku ko, adu atɛnɛ mɛ alo ka nyɔ lo. Ko atɛnɛ ni ndoza zo na hangɔ bɛta lo tɛ Nzapa, fangɔ zo na siɔ ye mɛ lo li, lonzingɔ zo, nga na fangɔ zo na lege ti lingɔ ye na seni,

2 Timɔte 3:16 Iomraidhean Croise

Matie 13:52

La lo pa hɛ̃ la ya: “Na lo ni la, zo zu mɛ wa hangɔ ndia, mɛ lo ti nga wa mandangɔ lo ti Kɔdɔrɔ Gbia tɛ Nzapa ko, lo kpa nga ma nvɛ̃ ye mɛ amu fana ye, na ngbina ye ka ndo mɛ lo ndobata na nwa tɛ lo, asi na ni.”

Matie 21:42

So pɛni, Yezo apa hɛ̃ la ya: “Mbi hĩnga nzɔ̃ni ya, ĩ di tɛnɛ mɛ asu ka ya Buku tɛ Nzapa. Tɛnɛ ni lo mɛ: ‘Tɛ́nɛ mɛ ndo awa wangɔ da akɛ̃, abi tise, La ati tɛ́nɛ ti nda ngɔrɔ da. Ĩ ba ye mɛ ndo Gbia Nzapa ali la, Ko e hũ ya, adu ye ti bemangɔ!’ ”

Matie 22:43

Yezo apa hɛ̃ la ya: “Wa kɔdɛ mɛ ndo Tɔrɔ Santo azi kɔdɛ li Davidi, ko Davidi aili lo ya lo Gbia sia? Ta sanga ma, Davidi apa ndo ya:

Matie 26:54

Wa se mbi li nga so ko, ta tɛnɛ mɛ asu ka ya Buku tɛ Nzapa na lo tɛ mbi ati na Seni ma. Buku tɛ Nzapa apa ya, ale alo ni ko asi na mbi.”

Matie 26:56

Wa ale ĩ gbɔ̃ mbi, wadila tɛnɛ mɛ awa pangɔ nyɔ Nzapa asu ka ya Buku tɛ Nzapa na lo tɛ mbi ati na seni.”

Marko 12:24

La Yezo agbinya hɛ̃ la ya: “Ĩ yu ndo, ko ĩ hĩnga nda ni nga? Adu na lo mɛ ya, ta ĩ hĩnga Buku tɛ Nzapa, bere nguru tɛ lo ma.

Marko 12:36

Ta sanga ma, ngoi mɛ ndo Tɔrɔ Santo azi kɔdɛ na li Davidi ko, Davidi nvɛni apa ndo ya: ‘Gbia Nzapa apa hɛ̃ Gbia tɛ mbi ya; Du na ndo kɔti ti mbi, Nga ka gbanda mbi nwɔ awa kɛ̃ngɔ mɔ, Mbi kpa la gbe gɛrɛ mɔ.’

Yoanɛ 10:35

Ko e hĩnga ya, tɛnɛ ko la asu ka ya Buku tɛ Nzapa ko, ale angbã bo nga ma se mɛ asu na ni. Singa na azi ko ndo Nzapa atɛnɛ tɛne hɛ̃ la, aili la ya ‘anzapa’,

Yoanɛ 3:20

Zo ko ndoli siɔ ye ko, zo mɛ akɛ̃ vuru ndo la, ko ta lo ndoga ka tɛ wa vurungɔ na ndo ma. Ta sanga ma, lo ndokpɛ ya, ta asiɔ ye tɛ ni asi yango, wa azi ahũ ni ma.

Awa Pangɔ Kwa 1:16

“Aya bua, ye mɛ ndo Tɔrɔ Santo apia apa lo ni ka ya Buku tɛ Nzapa ko, ale ye ni ko ali nga biani. Davidi la apa ndo lo ye ni ko na nguru tɛ Tɔrɔ Santo. Lo pia ndo lo pa lo tɛnɛ tɛ Yudasi mɛ ade na li nɔ tɛ azi mɛ ndo agbɔ̃ Yezo.

Awa Pangɔ Kwa 18:25

Aha ndo lo na lo ti lege tɛ Gbia Yezo, ko lo nga ndo wa gonvɛnɛ sĩ. Lo ndopa ndo tɛnɛ tɛ Yezo, ko lo ndoha ni na seni. Kanda tɛ lo ko, ye mɛ ndo lo hĩnga bo la lo batisimɔ tɛ Yoanɛ.

Awa Pangɔ Kwa 20:20

Ĩ hĩnga ya, ye mɛ alengbi ti zangɔ ĩ ko, ta mbi hɔndɛ ĩ na ni bɛ fani kɔi ma. Mbi tɛnɛ tɛnɛ zu hɛ̃ ĩ, mbi ha ĩ na ye na gbɛlɛ azi, nga ka ya da tɛ ĩ.

Awa Pangɔ Kwa 20:27

na lo mɛ ya, ta mbi hɔndɛ ĩ na lo kɔi ma, kanda mbi pa lo tɛ Nzapa zu hɛ̃ ĩ.

Awa Pangɔ Kwa 28:25

Ta nyɔ la zu ase ndo kɔi ma, ko ngoi mɛ ala hã nɔ ya ani gwe ko, Polo apa bo tɛnɛ olo hɛ̃ la ya: “Tɛnɛ mɛ ndo Tɔrɔ Santo atɛnɛ, na ngoi mɛ ndo lo tɛnɛ na tɛnɛ hɛ̃ akotara ĩ ti ndo Ezai, wa pangɔ nyɔ Nzapa ko, lo tɛnɛ ndo na seni!

Roma 15:4

Atɛnɛ zu mɛ asu ka ya Buku tɛ Nzapa gã ko, asu ni ya, tɛnɛ ni aha e na ló, wadila e lɛndɛrɛ Nzapa. Ta sanga ma, atɛnɛ ti ya Buku tɛ Nzapa ndosa nguru bɛ zo, ko atɛnɛ ni ndoli nga ya, zo agbe bɛ lo.

Roma 2:20

Mɔ wa fangɔ ye na azi mɛ ta ahĩnga ye kɔi ma, mɔ wa hangɔ lo na azi mɛ ta le la adɛ azi na lege tɛ Nzapa ma. Mɔ ndopa ya, mɔ hĩnga ye zu, na lo mɛ ya, mɔ hĩnga ndia tɛ Mɔizɛ, ndia ni afa nga mɔ na beta lo.

Roma 3:2

Ayuda aɔ azi mɛ ta Ayuda ma na lege sĩni. Ti uzu, Nzapa azia ndo tɛnɛ tɛ lo na yamba ti Ayuda.

Roma 4:23

Ko tɛnɛ mɛ asu ka ya Buku tɛ Nzapa ya: “Nzapa amu ndo Abrahama ka lɛ lo ya, lo beta zo” ko, ta asu ni bo na lo tɛ lo kɔi ma.

1 Kɔrinto 12:7

Tɔrɔ Santo ndofa ya, ni na ya tɛrɛ zo kɔi kɔi na popo tɛ ĩ. Lo ndoli so ya, ĩ za afɔ̃ ĩ na nguru kwa mɛ ni hɛ̃ ĩ.

Galatia 3:8

Apia ndo asu ka ya Buku tɛ Nzapa gã ya, Nzapa amu gbanda azi mɛ ta Ayuda ma ka lɛ lo ya, ala abɛta azi, na lo mɛ ya, ala ye lo tɛ lo. Na lo ni ndo Ĩa Nzapa apia apa nzɔ̃ tɛnɛ hɛ̃ Abrahama ya: “Mbi Nzapa, mbi sunu gbanda azi zu mɛ so lɛ sese ti ndo mɔ.”

2 Timɔte 2:25

Azi ko ndokɛ̃ tɛnɛ tɛ lo ko, ale lo ha la na lo tɛ Nzapa na dede bɛ. Ale lo ha na la, wa bere na mbanga lá kɔi gbanda, se Nzapa azi lege hɛ̃ la, wadila ala gbinya bɛ la, aye bɛta lo tɛ Nzapa.

2 Timɔte 4:2

abɛ na nzɔ̃ ngoi, bere na siɔ ngoi ko, pa bo tɛnɛ tɛ Nzapa, ko mɔ pa ni mɔ diri ndo ni. Azi ko la ali siɔ ye ko, fa la na siɔ ye tɛ la, bela la na lo siɔ ye mɛ ala li, ko mɔ sa nguru bɛ la ya, ala li nzɔ̃ ye. Du na yɔngɔrɔ bɛ sĩ nvɛni na ngoi mɛ mɔ ndoha azi na tɛnɛ tɛ Nzapa.

Aebreo 11:1

Se zo aye lo tɛ Nzapa ko, lo hĩnga nzɔ̃ni ya, ni na luangɔ aye mɛ ni ndolɛndɛrɛ, ko lo hĩnga nga nzɔ̃ni ya, aye mɛ ta ni ndohũ ma ko, aye ni ko dazu biani.

Aebreo 3:7

Na lo ni la, nga ma se mɛ Tɔrɔ Santo apa ya: “Na lá olo mɛ, se ĩ ma legɔ̃ Nzapa ko,

Aebreo 4:12

Ta sanga ma, tɛnɛ tɛ Nzapa adu nga ma ye mɛ ndokuma zo, tɛnɛ ni nga na nguru. Tɛnɛ ni aɔ̃, aɔ zabe mɛ ndoɔ̃ mbage na mbage. Tɛnɛ ni ndoli bɛ zo. Tɛnɛ ni adu nga ma zabe mɛ zo ndomu, akangbi na ndo mɛ abio atengbi da, ko lo si na ndo lolo. Tɛnɛ ni ndosi na dangɔ bɛ tɛ zo nga na gwɛ̃ ye mɛ ka bɛ zo yango.