2 Timɔte 3:15 - Fana Ngbangɔ 1987

¹⁵ Ato na ngoi ko ndo mɔ dɛ nyingambi, anɔ ngbĩi asi na lá olo ko, mɔ hĩnga atɛnɛ ti ya Buku tɛ Nzapa. Atɛnɛ ni ko alengbi ti sangɔ ndara bɛ mɔ ya, mɔ ye lo tɛ Yezo Kristo, wa Nzapa aso mɔ.

2 Timɔte 3:15 Iomraidhean Croise

Matie 22:29

La Yezo agbinya hɛ̃ la ya: “Ĩ yu ndo, na lo mɛ ya, ta ĩ hĩnga Buku tɛ Nzapa, bere nguru tɛ lo ma.

Luka 1:15

Ta sanga ma, lo na dungɔ zo ti ndima ka lɛ Gbia. Ta lo na nyɔngɔ hɛrɛgɛ, bere mbanga kana mɛ ndɛ̃ mɛ ndogbɔ̃ zo ma. Bo na ngoi ti dúngɔ lo ko, lo na dungɔ na nguru tɛ Tɔrɔ Santo sĩ.

Luka 2:40

Yezo ndomai ndo ndoni kɔi na nguru. Lo ndo na ndara sĩ, ko Nzapa ndoli ndo nzɔ̃ bɛ hɛ̃ lo.

Luka 24:27

So pɛni, Yezo akambisa hɛ̃ la nda tɛnɛ zu mɛ ndo asu na lo tɛ lo ka ya Buku tɛ Nzapa. Lo to na ndo abuku mɛ ndo Mɔizɛ asu, lo kambisa, lo si na ndo abuku mɛ ndo awa pangɔ nyɔ Nzapa asu.

Luka 24:32

Ala so ndotɛnɛ ka popo tɛ la ya: “Ngoi mɛ fɛrɛ lo ndotɛnɛ tɛnɛ hɛ̃ e ka lege, lo ndokambisa nga atɛnɛ ti ya Buku tɛ Nzapa ko, bɛ e ako fɛrɛ mbu!”

Luka 24:45

Lo ĩ tɛnɛ so wɛ ko, lo zi kɔdɛ tɛ la ya, ala hĩnga nda tɛnɛ ti ya Buku tɛ Nzapa.

Yoanɛ 5:47

Wa nga ma la ĩ kɛ̃ tɛnɛ mɛ ndo lo su ko, ta kɔdɛ mɛ nga ya, ĩ ye na tɛnɛ tɛ mbi da ma!”

Awa Pangɔ Kwa 10:43

Awa pangɔ nyɔ Nzapa zu apa ndo tɛnɛ tɛ Yezo ya, na lo tɛ Yezo ko, Nzapa na kangɔ lɛ lo ndo siɔ ye tɛ azi zu mɛ aye lo tɛ Yezo.”

Awa Pangɔ Kwa 13:29

“Ala ĩ onzi lingɔ ye kwɛ mɛ asu ka ya Buku tɛ Nzapa na lo tɛ lo ko, ala hã lo ka ndo krusi, azu na ni, ahɔ lo.

Awa Pangɔ Kwa 16:1

Polo asi ndo ka kɔdɔrɔ mɛ ili ni la Dɛrbɛ. So pɛni, lo lo ndo ko, lo gwe ka kɔdɔrɔ mɛ ndɛ̃ mɛ ili ni la Listrɛ. Lo ĩ si kai ko, lo tã kɔli kɔi mɛ aye lo tɛ Yezo, ili kɔli ni la Timɔte. Ta Timɔte mɛ wa dúngɔ Timɔte ndo wa Yuda mɛ aye lo tɛ Yezo. Ko to Timɔte tɛ lo ndo zo ti sese ti Grɛsɛ.

Awa Pangɔ Kwa 17:2

La Polo anɔ ka ya da sambela, nga ma se mɛ lo ndoli na ni ka ya kɔdɔrɔ zu mɛ lo ndosi da. Polo na azi mɛ ndodu ka Tɛsalɔnikɛ amu ndo lá ti wɔngɔ tɛrɛ fani ta so bimbingɔ tɛnɛ na ndo tɛnɛ ti ya Buku tɛ Nzapa.

Awa Pangɔ Kwa 26:24

Ngoi mɛ Polo so ndobɛrɛ nyɔ lo ko, Fɛstusi agbo ndo lo ya: “Polo, nyingɔ ya li mɔ! Mbɛti mɛ mɔ di ma wo ma la ahɛ̃ mɔ nyingɔ so!”

Roma 1:2

Nzapa ako ndo kapa ti Nzɔ̃ Pa ni gã, ko awa pangɔ nyɔ lo asu ndo ni ka ya Buku tɛ lo.

Roma 16:26

ko na olo ko, abuku mɛ ndo awa pangɔ nyɔ Nzapa asu, afa Nzɔ̃ Pa ni yango. Ko Nzapa mɛ lo kaka ahɛ̃ nyɔ ya, apa Nzɔ̃ Pa ni hɛ̃ azi ti le sese zu, wadila ala ye lo tɛ Yezo Kristo, ko ala ma nga nyɔ mɛ ni hɛ̃.

Roma 2:27

Mɔ wa Yuda, mɔ hĩnga ndia mɛ asu ka ya mbɛti, afa nga mɔ ganza, abɛ nga so ko, wa popo mɛ ndotɔndɔ ndia afa gbanda na mɔ ya, ngbanga ati na mɔ.

1 Kɔrinto 1:21

Aye mɛ Nzapa ali ndofa ndara tɛ lo, ko ngoi mɛ azi ndohũ aye ni ko, ta ala ndohĩnga Nzapa na lege ti ndara mɛ ala na ni ma. Nda mɛ lo ye ndo songɔ azi mɛ aye lo tɛ lo na lege ti tɛnɛ mɛ e ndopa la. Ko azi ti lɛ sese ndopa tɛ la ya, tɛnɛ ni ko adu tɛnɛ ti nyingɔ.

Efɛzɛ 6:4

Wa ĩ ato ayangambi, ta ĩ li ya ngɔnzɔ agbɔ̃ aya ĩ ma. Kanda ale ĩ kã la na hɛ̃ngɔ la nzɔ̃ kɔdɛ nga na nzɔ̃ wangɔ, nga ma se mɛ ndo Gbia Yezo aha na ni.

1 Timɔte 4:13

Hɛ̃ tɛrɛ mɔ na dingɔ Buku tɛ Nzapa na gbɛlɛ azi, na pangɔ hɛ̃ la tɛnɛ tɛ Nzapa, nga na hangɔ la na tɛnɛ tɛ lo, nga ka mbi ga na ni.

2 Timɔte 1:1

Mbi Polo mɛ ndo Nzapa asara mbi na se bɛ lo nvɛni akpa ya, mbi du wa pangɔ kwa tɛ Yezo Kristo la mbi to mbɛti olo hɛ̃ mɔ Timɔte mɛ nyi mbi ti kpɔ̃ bɛ mbi. Mbi bala mɔ. Nzapa ahɛ̃ mbi kwa ya, mbi pa hɛ̃ azi lo ti bɛta du mɛ ndo lo ko kapa ni hɛ̃ azi mɛ ala na Yezo ati bo kɔi. To e Nzapa na Gbia tɛ e Yezo Kristo ali bɛ nzɔ̃ bɛ hɛ̃ mɔ, ama bɛ vundu tɛ mɔ, ali bɛ nga ya, bɛ mɔ adu pii ma ke!

2 Timɔte 1:5

Mbi ndoda bɛ mbi na mɔ na lo tɛ Yezo mɛ ndo mɔ ye bɛ mɔ kɔi. Lo tɛ Yezo mɛ ndo tara mɔ Loisi mɛ wa dúngɔ ta mɔ, nga na Enisɛ mɛ ta mɔ aye uzu tɛ mɔ. Ko mbi hĩnga biani ya, mɔ ye nga lo tɛ Yezo.

2 Petro 3:16

Ngoi zu mɛ lo ndosu mbɛti na lo ti diringɔ tɛ Gbia ko, lo ndotɛnɛ bo ngi lɛ tɛnɛ ko kɔi. Na ya mbɛti tɛ Polo ko, ambanga tɛnɛ da mɛ mangɔ nda ni akpengba sĩ. Ko azi mɛ ta na ndara ma, bɛ la nga woni ndogbinya atɛnɛ ni ati ndɛ̃, nga ma se mɛ ala ndogbinya na ambanga tɛnɛ mɛ ndɛ̃ ti ya Buku tɛ Nzapa, ati ndɛ̃. Ye ko ala ndoli ko, afa ya, ala ndogi ya Nzapa afa ngbanga abi li ani.

Suma 19:10

Lo ĩ tɛnɛ so ko, mbi kuku gbɛlɛ lo ya mbi vɔrɔ lo, lo pa nga hɛ̃ mbi ya, ta mbi vɔrɔ ni ma. Ni nga wa kwa tɛ Nzapa nga ma mbi na afɔ̃ mbi mɛ ndo abata bɛta tɛnɛ mɛ ndo Yezo afa na la. Lo pa nga hɛ̃ mbi ya, ale mbi vɔrɔ bo Nzapa. Bɛta tɛnɛ mɛ ndo Yezo afa na azi ko, bɛta tɛnɛ ni ahɛ̃ nguru hɛ̃ awa pangɔ nyɔ Nzapa, la ala ndopa ni.