2 Timɔte 3:14 - Fana Ngbangɔ 1987

¹⁴ Wa tɛ mɔ ko, alo mɛ ndo aha na mɔ, nga na alo mɛ ndo mɔ ye lo ni na bɛ mɔ kɔi ko, gbɔ̃ ni ka ka ka. Mɔ hĩnga ya, azi ko ndo aha mɔ na alo ni ko ko, ala du abɛta azi.

2 Timɔte 3:14 Iomraidhean Croise

Awa Pangɔ Kwa 17:31

Lo ko ndo bi mɛ gbanda lo fa na ngbanga tɛ azi zu na seni. Zo mɛ na fangɔ ngbanga ni ko, lo sara nga lo, lo kpã wɛ. Ko lo fa ndo lo na azi zu, na ngoi mɛ ndo lo so zo ni ko na pɛ kwa!”

Roma 14:5

Mbanga zo ndoda bɛ lo ya, ambanga bi adu ngbondoni aɔ abi mɛ ndɛ̃, ko zo mɛ ndɛ̃ ndoda tɛ lo bɛ lo ya, abi zu bo kwɛ kɔi. Ko ale zo kɔi kɔi ahĩnga bo ya, dangɔ bɛ tɛ ni adu nzɔ̃ni.

Kɔlɔsɛ 2:2

Mbi ndoli kwa ni ya, mbi sa nguru bɛ ĩ, ĩ yengbi na bɛ ĩ kɔi, wa ĩ ti bo kɔi, ĩ du nga na bɛta kɔdɛ, wa ĩ hĩnga lo tɛ Nzapa nzɔ̃ni, ló mɛ ndo lo hɔndɛ na azi. Eó ni adu Yezo Kristo nvɛni.

1 Tɛsalɔnikɛ 1:5

Ta sanga ma, ta e pa ndo Nzɔ̃ Pa hɛ̃ ĩ bo na nyɔ e gɛgɛrɛ ma, kanda e pa ndo nga ni na nguru tɛ Tɔrɔ Santo. E hĩnga ndo nzɔ̃ni ya, Nzɔ̃ Pa mɛ ndo e pa ko, adu bɛtani buai. Ngoi mɛ ndo e dɛ ka popo tɛ ĩ ko, ĩ hĩnga ndo se du tɛ e, ko e ndoli ndo so ya, e za ĩ.

1 Tɛsalɔnikɛ 2:13

Ĩ ba nga nda mɛ e ndohɛ̃ sia kɔli hɛ̃ Nzapa ngoi zu na lo tɛ ĩ lo mɛ: ngoi mɛ ndo e pa na tɛnɛ tɛ Nzapa hɛ̃ ĩ ko, ĩ ma ndo ni, ĩ ye ndo nga lo ni. Ko ta ĩ ye ndo lo ni ya, adu tɛnɛ mɛ alo ka tɛ azi ma, kanda ĩ ye ndo lo ni ya, adu tɛnɛ mɛ alo ka tɛ Nzapa. Biani, seni bo la. Ko tɛnɛ ni ndoli kwa ka ya bɛ ĩ awa Kristo.

1 Timɔte 4:16

Bata li mɔ nzɔni na lo ti du tɛ mɔ nvɛni, nga na lo ti aye mɛ mɔ ndoha na azi. Ngbã bo na lingɔ aye ko zu na kpengba bɛ. Ta sanga ma, se mɔ li so ko, mɔ na songɔ tɛrɛ mɔ nvɛni, mɔ nga na songɔ awa mangɔ mɔ.

2 Timɔte 1:13

Abɛta tɛnɛ mɛ ndo mbi pa hɛ̃ mɔ ko, mu bo ni, mɔ pa hɛ̃ azi. Ye lo tɛ Yezo bɛ mɔ kɔi, ko mɔ ye nga azi na nguru mɛ e na ni, na lo mɛ ya, e na Yezo Kristo e ti bo kɔi.

2 Timɔte 2:2

Tɛnɛ mɛ ndo mbi tɛnɛ hɛ̃ azi ma wo ma, ala aye lo ni ko, mu bo tɛnɛ ni ko, mɔ ha na abɛta azi mɛ ala lengbi ti hangɔ na azi mɛ ndɛ̃.

2 Timɔte 3:15

Ato na ngoi ko ndo mɔ dɛ nyingambi, anɔ ngbĩi asi na lá olo ko, mɔ hĩnga atɛnɛ ti ya Buku tɛ Nzapa. Atɛnɛ ni ko alengbi ti sangɔ ndara bɛ mɔ ya, mɔ ye lo tɛ Yezo Kristo, wa Nzapa aso mɔ.

Tito 1:9

Ale lo kpã bɛ lo ngĩi na ndo bɛta lo tɛ Nzapa mɛ aha na lo. Se lo li so, wadila lo lengbi ti sangɔ nguru bɛ azi mɛ ndɛ̃ na lege ti hangɔ la na bɛta lo ni ko, ko lo lengbi nga ti fangɔ na awa kɛ̃ngɔ bɛta lo ni ya, ala yu ndo.

Aebreo 10:22

Asiɔ ye zu mɛ e li, ko andokpã bɛ e ngbũ ko, mɛnɛ tɛrɛ lo akpo ni azi. Lo kpo nga tɛrɛ e na ngu mɛ lɛ ni ngio ngio. Na lo ni ko, ale e i tɛrɛ e ka tɛ Nzapa na bɛ e kɔi, é ye nga lo tɛ lo na bɛ e kɔi.

Aebreo 6:11

Kanda e ndosepara ya, zo kɔi kɔi na popo tɛ ĩ ali kwa ni na gonvɛnɛ, ko lo li bo ni ngbĩi asi ka nda ni, wa gbanda aye zu mɛ ĩ ndolɛndɛrɛ ko, ĩ lua ni zu na seni.