2 Timɔte 3:12 - Fana Ngbangɔ 1987

¹² Ti biani, azi zu ko la ndoye lingɔ ye mɛ ndode bɛ Nzapa, na lo mɛ ya, ala na Yezo ati bo kɔi ko, azi na giangɔ la.

2 Timɔte 3:12 Iomraidhean Croise

Matie 16:24

So pɛni, Yezo apa hɛ̃ ava lo ya: “Se zo aye ya, ni ga e na ni, e ɔ ndoni kɔi ko, ale lo zia dangɔ bɛ lo na tɛrɛ lo nvɛni, ale lo yɔ nga krusi tɛ lo so fangɔ ya, ni ye hũngɔ pɛnɔ, wadila lo ga, ko mbi na lo e ɔ ndoni kɔi.

Matie 23:34

Na lo ni ko, ĩ ma mbi: mbi na tongɔ hɛ̃ ĩ awa pangɔ nyɔ Nzapa, na awa ndara, nga na awa kɔdɛ. Ĩ na kpɔngɔ ambanga, ĩ na gɔngɔngɔ ambanga ndo krusi, ĩ na sɔ̃nɔngɔ ambanga mɛ ndɛ̃ na fimbo ka ya da sambela. Ko ngoi mɛ ambanga na kpɛlɛngɔ, gwengɔ ka kɔdɔrɔ mɛ ndɛ̃ ko, ĩ na nɔngɔ pɛko la ya, ĩ gbɔ̃nɔ la.

Marko 10:30

lo na luangɔ ada, na ayata lo ti kɔli na ti wali, na ata lo, na aya lo, na ayaka, fani ngbangbo kɔi aɔ ti ngoi olo e da. Ko azi nga na giangɔ bɛ lo, ko gbanda ngbĩi ko, lo lua du ti kaka.

Yoanɛ 16:2

Azi atoma gbanda ĩ ka ya da sambela, asa gegi. Mbanga lá kɔi gbanda ko, azi aho gbanda ambanga azi na popo tɛ ĩ, ko ala da bɛ la gbanda ya, oko ani ho la ko, ani li kwa hɛ̃ Nzapa.

Yoanɛ 16:33

Mbi pa tɛnɛ olo kwe zu hɛ̃ ĩ ya, ĩ ma, ko ĩ du nga ndoni kɔi na mbi, wadila bɛ ĩ adu pii. Ĩ na hũngɔ penɔ ge lɛ sese. Kanda ale ĩ gbe bɛ ĩ! Ĩ hĩnga ya, mbi nwɔ asiɔ ye ti lɛ sese wɛ.”

Yoanɛ 17:14

Mbi ha la na tɛnɛ tɛ mɔ, ko bɛ azi ti lɛ sese akɛ̃ la, na lo mɛ ya, ta ala azi ti lɛ sese ma, nga ma se mɛ ta mbi nga zo ti lɛ sese ma.

Awa Pangɔ Kwa 14:22

Ala sa ndo nguru bɛ awa Kristo, awa la ya, ala kpã bɛ la ngoi zu ndo Yezo. Polo na Barnabasi apa ndo hɛ̃ la ya: “Ale e hũ pɛnɔ sĩ, wa e si ka Kɔdɔrɔ Gbia tɛ Nzapa.”

1 Kɔrinto 15:19

Se e lɛndɛrɛ ya, Yezo Kristo aza e bo na ya du tɛ e ti lɛ sese ko, vundu mɛ azi na mangɔ hɛ̃ e na ɔngɔ ndo vundu mɛ ala ndoma hɛ̃ azi mɛ ndɛ̃ zu.

2 Kɔrinto 1:12

Ĩ ba ye mɛ e lengbi ti gondangɔ tɛrɛ e na lo ni lo mɛ: e hĩnga nzɔ̃ni ge ya bɛ e ya, na ya du tɛ e ge lɛ sese, mai bo du mɛ e du ka popo tɛ ĩ ko, du ni adu bɛtani, adu nga mbiri mbiri. Ko Nzapa la ali ya, du ni ko adu so. Wa ta du tɛ e adu so, na lo ti ndara tɛ azi ti lɛ sese ma, kanda adu na lo ti nzɔ̃ bɛ tɛ Nzapa.

2 Kɔrinto 4:9

Andohɛ̃ e pɛnɔ, kanda ta Nzapa ndozia e ma. Andokinda e, kanda ta andoho e ma.

1 Timɔte 2:2

Ale ĩ sambela Nzapa na lo tɛ agbia, nga na lo tɛ akota azi zu, wadila kɔdɔrɔ tɛ e adu pii, ko e du nga na mangbingɔ. Na lo ni ko, du tɛ e alengbi ti dengɔ bɛ Nzapa, ko sé du tɛ e adu nga nzɔ̃ni ka gbɛlɛ lo.

1 Timɔte 3:16

Biani, bɛta lo ti lo Nzapa tɛ e mɛ Nzapa afa ko, adu kotani. Bɛta lo ni adu lo tɛ zo mɛ ndo amu tɛrɛ zo. Tɔrɔ Santo afa ndo ya, zo ni ko adu bɛta zo, Aangelo ahũ ndo zo ni ko. Apa ndo lo tɛ zo ni ko hɛ̃ apaganɔ, Azi ti lɛ sese aye ndo lo tɛ lo, Ko Nzapa aya ndo lo ka yayu, ka ndo ti ndima.

1 Timɔte 6:3

Se zo aha lo mɛ ndɛ̃, se ta lo ye abɛta tɛnɛ tɛ Gbia tɛ e Yezo Kristo ma, se ta lo ye nga lo mɛ e ndoha na lo ti se li ye mɛ ndode bɛ Nzapa ma ko,

Tito 1:1

Mbi Polo mɛ wa kwa tɛ Nzapa, mbi mɛ nga wa pangɔ kwa tɛ Yezo Kristo la mbi to mbɛti olo hɛ̃ mɔ Tito. Mbi bala mɔ. Nzapa ahɛ̃ mbi kwa ya, mbi za azi tɛ ni mɛ ni sara la ni kpa. Mbi ndoza la ya, ala ye lo tɛ lo, ala hĩnga nga bɛta lo mɛ ndofa sé du mɛ ndode bɛ lo.

Tito 2:12

Nzɔ̃ bɛ ni ndoha e na kɛ̃ngɔ siɔ du, nga na kɛ̃ngɔ gwɛ̃ ti aye ti lɛ sese ya, so lɛ sese olo ko, e li ye na nyɔ kpɔ̃ ni, e li bɛta ye, e li nga ye mɛ ndode bɛ Nzapa.

1 Petro 3:14

Bɛ se azi ahɛ̃ ĩ pɛnɔ na lo ti nzɔ̃ ye mɛ ĩ ndoli ko, ĩ du na dengɔ bɛ. Ta í kpɛ azi ma, ta í kpã nga bɛ ĩ ngbũ ma.

2 Petro 3:11

Oko la aye zu na minangɔ nga so ko, ale ĩ du na kpengba lɛ na ya du tɛ ĩ. Ale se li ye tɛ ĩ adu bɛtani, ko ĩ li nga ye mɛ ndode bɛ Nzapa.

Suma 12:4

Atongolo abombi tɛrɛ la li nɔ ta ta ka lɛ ndozu. Sa ti kpɛnɛ ni amu sã lo, afũ na li nɔ kɔi, asa ge lɛ sese. Sa ni ko alo so gbɛlɛ zo wali mɛ gwa atɛ lo ya, bo na ngoi ko la lo dú ko, ni tɛ nyingambi ni.

Suma 7:14

Mbi gbinya hɛ̃ lo ya: “Gbia, ta mbi hĩnga la ma, mɔ la mɔ hĩnga la.” La lo pa hɛ̃ mbi ya: “Adu azi mɛ ndo ahũ pɛnɔ ma wo ma. La ala kpokpo abɔngɔ tɛ la, ado na mɛnɛ tɛrɛ Nyi Ngasã Ngbaga, la abɔngɔ ni avuru ati nga ma tɛrɛ nyange.