2 Timɔte 3:11 - Fana Ngbangɔ 1987

¹¹ Mɔ hĩnga giangɔ mɛ ndo azi agia na mbi, nga na apɛnɔ mɛ ndo mbi hũ. Mɔ hĩnga alo zu mɛ ndo asi na mbi ka Antiɔsɛ, ka Ikɔniɔmɛ nga ka Listrɛ, mɔ hĩnga nga ya, agia ndo mbi sĩ. Ko Gbia aso ndo mbi na ya apɛnɔ ko zu.

2 Timɔte 3:11 Iomraidhean Croise

Awa Pangɔ Kwa 13:14

Ala lo ka Pɛrgɛ, ahã nɔ agwe, asi ka kɔdɔrɔ ti Antiɔsɛ, ka sese ti Pizidia. Ĩ da na lá ti wɔngɔ tɛrɛ ko, ala li ka ya da sambela, adunga tise.

Awa Pangɔ Kwa 13:45

Ambanga Ayuda ĩ hũ azi ko hingo hingo ko, ala li sɔbɛrɛ hɛ̃ Polo na Barnabasi sĩ. Ala kɛ̃ tɛnɛ mɛ Polo atɛnɛ, ala guru lo.

Awa Pangɔ Kwa 14:8

Ka kɔdɔrɔ ti Listrɛ ndo ko, mbanga kɔli kɔi da, gɛrɛ lo zu sɛ azɛ̃. Lo zɛ̃ na ngoi mɛ ndo adú na lo, ko ta lo ndodɔ ndo nɔ fani kɔi ma.

Awa Pangɔ Kwa 20:19

Ta mbi li ndo kwa hɛ̃ Gbia Yezo na yakɛ bɛ fani kɔi ma. Mbi li ndo kwa ni na ngulɛ lɛ mbi, mbi li ni nga na ya pɛnɔ mɛ ndo mbi ndohũ na lo ti lingo mɛ ndo Ayuda ndogbe so hongɔ mbi.

Awa Pangɔ Kwa 23:10

Ngoi mɛ pa ni ĩ ti kpengbani ko, mbɛtɔ agbɔ̃ kota gbia tɛ aturugu, ko lo da bɛ lo ya, ala na susurungɔ Polo kpua kpua. Na lo ni la lo hɛ̃ nyɔ hɛ̃ aturugu tɛ lo ya, ala nɔ ka popo tɛ azi, agbula Polo ka ti la, adiri na lo ka ya kpengba da tɛ aturugu.

Awa Pangɔ Kwa 26:17

Mbi na batangɔ mɔ ya, ta Ayuda na azi mɛ ndɛ̃ mɛ mbi na tongɔ mɔ ka tɛ la, ali mɔ siɔni ma.

Awa Pangɔ Kwa 26:22

Kanda Nzapa abata ndo mbi na ti la ya, ta ala li mbi na ye ma. Ko mbi dɛ na lá olo lɛ mbi ngɛ̃ ya, mbi pa ye mɛ mbi hũ hɛ̃ ambumbusɛ azi, mbi pa nga hɛ̃ akota azi. Mbi ndopa bo lo mɛ ndo awa pangɔ nyɔ Nzapa, na Mɔizɛ apa ya, na singɔ.

Awa Pangɔ Kwa 9:16

Mbi nvɛni na fangɔ lo na se mɛ lo na hũngɔ na pɛnɔ na lo tɛ mbi.”

Roma 15:31

so azi ti Yudea mɛ ta aye lo tɛ Yezo Kristo ma ahɛ̃ mbi pɛnɔ. Ale ĩ sambela nga Nzapa ya, bɛ azi tɛ lo mɛ ka Yeruzalɛmɛ ade na lo ye mɛ mbi na nɔngɔ na ni hɛ̃ la,

2 Kɔrinto 1:5

Yezo Kristo ahũ ndo pɛnɔ sĩ, ko se ko la e ndohũ pɛnɔ sĩ nga ma lo ko, se mɛ nga e ndolua nguru sĩ ti ndo lo la.

2 Kɔrinto 1:7

E hĩnga nzɔ̃ni ya, ĩ na ngbãngɔ na lege ti songɔ kwá. E hĩnga nga ya, Nzapa ndosa nguru bɛ ĩ, nga ma se mɛ lo ndosa nguru bɛ e, na lo mɛ ya, ĩ ndohũ pɛnɔ nga ma se mɛ e ndohũ nga na pɛnɔ.

2 Kɔrinto 12:10

Na lo ni la mbi ndosaba na ngoi mɛ mbi woni, na ngoi mɛ aguru mbi, na ngoi mɛ mbi hũ pɛnɔ, nga na ngoi mɛ ahɛ̃ mbi pɛnɔ. Pɛnɔ ni mɛ mbi ndohũ ko, adu na lo tɛ Kristo. Ta sanga ma, na ngoi ko la mbi du woni ko, ngoi mɛ mbi du kpengbani la.

2 Timɔte 4:7

Mbi tiri nzɔ̃ to na lo kwa tɛ Nzapa we. Ko adu nga ma kpɛ la mbi kpɛ ngbĩi mbi si ka nda ni gbɔ. Ta mbi dɔ lo yengɔ lo tɛ Yezo Kristo mbi zia ma.

2 Petro 2:9

Oko afa ya, Gbia Nzapa ahĩnga se mɛ lo lengbi ti songɔ na azi mɛ ndoli ye mɛ ndode bɛ lo. Lo hĩnga nga se mɛ lo lengbi ti batangɔ na asiɔ azi ya, gbanda na lá ti fangɔ ngbanga ko, ni hɛ̃ la etumbu.