2 Timɔte 3:10 - Fana Ngbangɔ 1987

¹⁰ Wa tɛ mɔ ko, mɔ hĩnga ye mɛ mbi ndoha na azi, mɔ hĩnga nga se li ye tɛ mbi. Mɔ hĩnga nda kwa mɛ mbi ndoli, mɔ hĩnga se mɛ mbi ye na lo tɛ Yezo bɛ mbi kɔi. Mɔ hĩnga yɔngɔrɔ bɛ tɛ mbi, mɔ hĩnga yengɔ mɛ mbi ye na azi, mɔ hĩnga nga gbengɔ bɛ tɛ mbi.

2 Timɔte 3:10 Iomraidhean Croise

Awa Pangɔ Kwa 11:23

Ngoi mɛ lo ĩ si kai, lo ĩ hũ se mɛ ndo Nzapa ali na nzɔ̃ bɛ hɛ̃ awa yengɔ lo tɛ Gbia Yezo ko, lo saba, lo sa nga nguru bɛ la zu ya, ala ngbã na kpãngɔ be la kpa na ndo Gbia.

Awa Pangɔ Kwa 2:42

Ala kpã ma la na ndo ló mɛ awa pangɔ kwa tɛ Yezo ndoha na la. Ala na awa yengɔ lo tɛ Yezo ndobombi tɛrɛ la ndoni kɔi, ala ndotɛ Tɛ tɛ Gbia Yezo ndoni kɔi, ala ndosambela nga Nzapa ndoni kɔi.

Awa Pangɔ Kwa 20:18

Ngoi mɛ ala ĩ ga ĩ tã lo ko, lo pa hɛ̃ la ya: “Ato bo na lá ko ndo mbi si ka sese ti Azia, nga na ngoi zu mɛ ndo mbi ka popo tɛ ĩ ko, ĩ hĩnga ndo se li ye tɛ mbi.

Awa Pangɔ Kwa 26:4

“Ayuda zu ahĩnga sé du tɛ mbi, ato na ngoi mɛ ndo mbi dɛ nyi kɔli. Ala hĩnga se mɛ mbi to nda maingɔ ka popo tɛ azi tɛ mbi, na ngoi mɛ ndo mbi ka Yeruzalɛmɛ.

Roma 16:17

Aya bua, mbi gbɔ̃ gɛrɛ ĩ ya, ĩ du na kpengba le na ndo azi ko la ndokɛ̃ alo mɛ ndo aha na ĩ. Na lo ni ko, ala ndokangbi popo tɛ azi, ala ndoto nga awa Kristo na siɔ lege. Ko ale ĩ du yɔngɔrɔni na la,

2 Kɔrinto 1:17

Ngoi mɛ se mbi hɛ̃ nyɔ mbi na lo ye mɛ mbi separa lingɔ ko, ta mbi ndohɛ̃ nyɔ mbi ni nga ma se tɛ azi ti lɛ sese ma. Na ndo tɛnɛ kɔi ko, ta mbi ndopa ya: “ĩi”, ko mbi ti mbi pa nga ya: “ipɔ” na ngoi kɔi ma.

Efɛzɛ 4:14

Wa se mɛ gbanda ta e ti e du nga ma ayangambi ma la. Ta e ti e yu gbanda ndo na lo ti nvɛnɛ mɛ awa poroso ndohanda na azi ya, ala yu ndo ma. Ta e ye gbanda ya, ye mɛ ala ndoha ayuru e, nga ma se mɛ ngu na yá ndoyuru na ngɔ yenge yenge ma.

Filipɛ 2:20

Ge ko, zo mɛ ya, bɛ lo ada na ĩ, bere bɛ lo asɔ so ĩ ngĩi ko, ta zo ni dazu ma, wenge bo Timɔte kɔi.

Filipɛ 2:22

Ĩ nvɛni ĩ hĩnga sé nzɔ̃ du tɛ Timɔte. E na lo e li ndo kwa ti pangɔ Nzɔ̃ Pa tɛ Yezo Kristo ndoni kɔi. Lo za ndo mbi na ya kwa ni ko, nga ma se mɛ nyingambi ndoza na to lo.

1 Tɛsalɔnikɛ 1:5

Ta sanga ma, ta e pa ndo Nzɔ̃ Pa hɛ̃ ĩ bo na nyɔ e gɛgɛrɛ ma, kanda e pa ndo nga ni na nguru tɛ Tɔrɔ Santo. E hĩnga ndo nzɔ̃ni ya, Nzɔ̃ Pa mɛ ndo e pa ko, adu bɛtani buai. Ngoi mɛ ndo e dɛ ka popo tɛ ĩ ko, ĩ hĩnga ndo se du tɛ e, ko e ndoli ndo so ya, e za ĩ.

1 Timɔte 1:3

Mbi ye ya, mɔ ngbã ka kɔdɔrɔ ti Efɛzɛ nga ma se ko ndo mbi pa na ni hɛ̃ mɔ, na ngoi ti gwengɔ mbi ka sese ti Masedoanɛ. Ka Efɛzɛ ko, awa hangɔ lo tɛ Nzapa na nvɛnɛ da, ko ale mɔ gbanzi la na hangɔ lo ni.

1 Timɔte 4:6

Se mɔ ha alo ko hɛ̃ ayata mɔ awa Kristo, wadila mɔ ti nzɔ̃ wa kwa tɛ Yezo Kristo, ko mɔ na fangɔ ya, mɔ kpengba na lo ti tɛnɛ tɛ Nzapa mɛ e ye lo ni, nga na lo ti bɛta lo tɛ lo mɛ mɔ ndotɔndɔ na Seni.

1 Timɔte 6:11

Wa mɔ mɛ mɔ tɛ mɔ zo tɛ Nzapa ko, ale mɔ kpɛ asiɔ ye ko zu. Li kpengbani ya, mɔ li ye mɛ mbiri mbiri, ye mɛ ndode be Nzapa. Ngbã bo na yengɔ lo tɛ Nzapa, ye afɔ̃ mɔ, gbe bɛ mɔ, du na dede bɛ.

2 Timɔte 2:22

Timɔte, ta mɔ li ye na se gwɛ̃ ti tɛrɛ nga ma tɛ ambanga apandara ma. Li kpengbani mɔ li ye mɛ mbiri mbiri, mɔ ye lo tɛ Yezo na bɛ mɔ kɔi, mɔ ye azi, mɔ du na mangbingɔ na popo tɛ mɔ na azi mɛ bɛ la vuruni, azi mɛ ndoili Gbia Nzapa ya, lo za ani.

2 Timɔte 4:2

abɛ na nzɔ̃ ngoi, bere na siɔ ngoi ko, pa bo tɛnɛ tɛ Nzapa, ko mɔ pa ni mɔ diri ndo ni. Azi ko la ali siɔ ye ko, fa la na siɔ ye tɛ la, bela la na lo siɔ ye mɛ ala li, ko mɔ sa nguru bɛ la ya, ala li nzɔ̃ ye. Du na yɔngɔrɔ bɛ sĩ nvɛni na ngoi mɛ mɔ ndoha azi na tɛnɛ tɛ Nzapa.

2 Timɔte 4:3

Ta sanga ma, na mbanga ngoi gbanda ko, ta azi ti ye gbanda mangɔ bɛta, lo tɛ Nzapa mɛ andoha ma. Ala li tɛ la gbanda ye mɛ bɛ la nvɛni asepara. Na lo ni ko, ala bombi gbanda awa hangɔ ye so gunda la gba ya, ala ha ani na ye mɛ ani ye mangɔ.

2 Timɔte 4:7

Mbi tiri nzɔ̃ to na lo kwa tɛ Nzapa we. Ko adu nga ma kpɛ la mbi kpɛ ngbĩi mbi si ka nda ni gbɔ. Ta mbi dɔ lo yengɔ lo tɛ Yezo Kristo mbi zia ma.

Tito 2:7

Na ya lo zu ko, ale mɔ nvɛni mɔ fa nzɔ̃ lɛ lo ti lingɔ nzɔ̃ ye. Na ngoi ko la mɔ ndoha azi na lo tɛ Nzapa ko, ta nyɔ mɔ adu sɛ sɛ ma, ko mɔ ha nga ni na se mɛ alengbi.

Aebreo 13:9

Ambanga azi ndoha afana lo kɔndɛ kɔndɛ, wa ta ĩ ye ya, ala handa ĩ ma, so ĩ yu lege. Nzɔ̃ni ale nzɔ̃ bɛ mɛ Nzapa ndoli hɛ̃ e akpengba na bɛ e, kanda ta lo ti tɔndɔngɔ andia ti tɛ ti tɛngɔ alengbi ti kpengbangɔ na bɛ e ma. Ta azi ko la ndotɔndɔ andia ni ko alengbi ti luangɔ ye kɔi ti zangɔ la bɛ gbɔ ma.

2 Petro 3:11

Oko la aye zu na minangɔ nga so ko, ale ĩ du na kpengba lɛ na ya du tɛ ĩ. Ale se li ye tɛ ĩ adu bɛtani, ko ĩ li nga ye mɛ ndode bɛ Nzapa.