2 Timɔte 3:1 - Fana Ngbangɔ 1987

¹ Timɔte, ale mɔ hĩnga nzɔ̃ni ya, na ngoi ko gbanda sese adoli ti wɛngɔ ko, mbanga ngoi adu gbanda ngoi ti pɛnɔ.

2 Timɔte 3:1 Iomraidhean Croise

2 Timɔte 4:3

Ta sanga ma, na mbanga ngoi gbanda ko, ta azi ti ye gbanda mangɔ bɛta, lo tɛ Nzapa mɛ andoha ma. Ala li tɛ la gbanda ye mɛ bɛ la nvɛni asepara. Na lo ni ko, ala bombi gbanda awa hangɔ ye so gunda la gba ya, ala ha ani na ye mɛ ani ye mangɔ.

2 Petro 3:3

Ale ĩ hĩnga uzu ya, na ngoi mɛ gbanda sese adoli ti wɛngɔ ko, ambanga azi mɛ ndoli ye na se gwɛ̃ ti tɛrɛ la asi gbanda. Ala e gbanda ĩ,

1 Yoanɛ 2:18

Aya mbi, angbã yakere sese olo awe. Ĩ ma ndo ya, Wa kɛ̃ngɔ Yezo Kristo na gangɔ. Na olo ko, azi ma wo ma mɛ awa kɛ̃ngɔ Yezo asi wɛ. Ko gangɔ tɛ la ndofa ya, sese adoli ti wɛngɔ.

Yudɛ 1:17

Aya bua, tɛ ĩ ko, ale ĩ da bɛ ĩ na atɛnɛ mɛ ndo awa pangɔ kwa tɛ Gbia tɛ e Yezo Kristo apia apa hɛ̃ ĩ gã.

Yudɛ 1:18

Ala pa ndo hɛ̃ ĩ ya: “Ngoi mɛ gbanda sese adoli ti wɛngɔ ko, ambanga azi ae gbanda ĩ, ala li nga gbanda aye bo na se gwɛ̃ ti tɛrɛ la.”