2 Timɔte 2:9 - Fana Ngbangɔ 1987

⁹ Na lo ti Nzɔ̃ Pa ni la agbe mbi na nzingiri, mbi ndohũ pɛnɔ ma bere mbi wa lingɔ siɔ ye. Mbi la agbe mbi, kanda ta agbe tɛnɛ tɛ Nzapa ma.

2 Timɔte 2:9 Iomraidhean Croise

Luka 23:32

Anɔ nga na akɔli sɛ mɛ awa lingɔ siɔ ye, ya abombi la na Yezo aho.

Awa Pangɔ Kwa 21:33

La kota gbia tɛ aturugu ai tɛrɛ lo ka gunda Polo, ahɛ̃ nyɔ, la azi agbe lo na ngo nwa sɛ. So pɛni, lo hũnda Polo ya: “Mɔ na? Ye mɛ mɔ li nɛ?”

Awa Pangɔ Kwa 28:31

Lo ndopa ndo lo Lɛngɔ Gbia tɛ Nzapa hɛ̃ la, ko lo ndoha ndo nga la na lo tɛ Gbia Yezo Kristo na kpengba bɛ. Ko ta azi agia ndo lo ma.

Awa Pangɔ Kwa 9:16

Mbi nvɛni na fangɔ lo na se mɛ lo na hũngɔ na pɛnɔ na lo tɛ mbi.”

Efɛzɛ 3:1

Nda mɛ mbi Polo mɛ mbi ti wa bɔlɔkɔ na lo kwa mɛ ndo mbi ndoli hɛ̃ Yezo Kristo na lo tɛ ĩ, mbi sambela Nzapa hɛ̃ ĩ la.

Filipɛ 1:17

Ala ko la ndoli sɔbɛrɛ hɛ̃ mbi ko, ala ndopa tenɛ tɛ Yezo Kristo bɛ la sɛ sɛ, ko ala ndoye ya, ani ɔ mbi. Ala ndoda bɛ la ya, se ani li nga so ko, pɛnɔ tɛ mbi aɔ ndoni na ngoi olo mɛ mbi ge bɔlɔkɔ.

Filipɛ 1:7

Adu na seni ya, mbi da bɛ mbi na ĩ zu nga so, na lo mɛ ya, mbi ndoye ĩ sĩ nvɛni. Ta sanga ma, Nzapa ali nga hɛ̃ ĩ zu nzɔ̃ bɛ mɛ ndo lo li hɛ̃ mbi. Lo li ndo ni na ngoi mɛ ndo mbi tɔndɔ na nda lo ti Nzɔ̃ Pa ka gbɛlɛ awa fangɔ ngbanga. Na ngoi ni ndo ko, mbi wa ndo nga la ya, ala ye lo ti Nzɔ̃ Pa ni na bɛ la kɔi. Ko lo li nga nzɔ̃ bɛ ni na ngoi olo mɛ mbi ge ya bɔlɔkɔ.

Kɔlɔsɛ 4:18

Mbi bala ĩ. Na ndo olo ti balangɔ ĩ ko, mbi Polo la mbi su tɛnɛ ni na ti mbi nvɛni. Ale ĩ da bɛ ĩ na mbi ge ya bɔlɔkɔ. Nzapa ali bɛ nzɔ̃ bɛ hɛ̃ ĩ ma ke!

Kɔlɔsɛ 4:3

Ale ĩ sambela nga lo na lo tɛ e ya, lo zi hɛ̃ e lege, ko e pa hɛ̃ azi lo tɛ Yezo Kristo mɛ Nzapa ahɔndɛ na azi. Adu na lo ti pangɔ lo ni la mbi na olo ge ya bɔlɔkɔ.

1 Tɛsalɔnikɛ 1:8

Na lo tɛ ĩ ndo la azi ahĩnga tɛnɛ tɛ Gbia ka tɛ ĩ, ta bo ka sese ti Masedoanɛ na sese ti Grɛsɛ kɔi ma. Kanda na ndo kwɛ zu la azi ahĩnga lo yengɔ lo tɛ Nzapa mɛ ka bɛ ĩ, ko ta e lengbi ti tɛnɛngɔ oko tɛnɛngɔ ma.

2 Tɛsalɔnikɛ 3:1

Aya bua, ti kɔngɔ nda ni ko, e gbɔ̃ gɛrɛ ĩ ya, ĩ sambela Nzapa na lo tɛ e, wadila tɛnɛ tɛ Gbia Yezo afɔnɔ na le sese hiɔ hiɔ, ko azi atɔndɔ nga ni, nga ma se mɛ ĩ ndotɔndɔ na ni.

2 Timɔte 1:12

Ko na lo ni la mbi ndohũ apenɔ olo mɛ. Kanda mbi ndodu bo na kpengba bɛ, ta sanga ma, mbi hĩnga zo mɛ mbi ndokpã bɛ mbi ndo lo. Mbi hĩnga nga nzɔ̃ni ya, lo na nguru ti batangɔ Nzɔ̃ Pa mɛ ndo lo zia na ti mbi, ngbĩi nga ka ngoi mɛ gbanda lá ti fangɔ ngbanga alengbi.

2 Timɔte 1:16

Nzapa ama bɛ vundu tɛ Onezifɔre, nga na nda se wa tɛ lo ma ke! Ta sanga ma, Onezifɔre azu na bɛ mbi fani sĩni. Ta kamɛnɛ agbɔ̃ lo na lo bɔlɔkɔ mɛ mbi li ma.

2 Timɔte 1:8

Wa ale ta kamɛnɛ agbɔ̃ mɔ na ngoi mɛ mɔ ndopa lo tɛ Gbia tɛ e Yezo ma, ta kamɛnɛ agbɔ̃ nga mɔ na lo tɛ mbi mɛ mbi li bɔlɔkɔ na lo tɛ lo ma. Kanda ale mɔ hũ pɛnɔ na lo ti Nzɔ̃ Pa nga ma mbi, ko mɔ gbe bɛ mɔ na nguru mɛ Nzapa ahɛ̃ mɔ.

2 Timɔte 2:3

Ale mɔ hũ pɛnɔ nga ma mbi, na lo ko la mɔ du bɛta turugu tɛ Yezo Kristo.

2 Timɔte 4:17

Abɛ so ko, Gbia Yezo Kristo alo ndo so gunda mbi, ahɛ̃ nga mbi nguru. Na lo ni ndo la mbi pa tɛnɛ tɛ lo zu hɛ̃ azi zu mɛ ta Ayuda ma. Adu nga ma Gbia ahã ndo mbi na yanga abamara.

1 Petro 2:12

Ale sé du tɛ ĩ adu nzɔ̃ni na popo tɛ apaganɔ. Se ĩ li so, bɛ se ala vɔ̃ to tɛrɛ ĩ ya, ĩ asiɔ azi ko, ala na hũngɔ ya, ĩ ndoli anzɔ̃ ye, ko gbanda ko, ala gonda Nzapa na lá ti gangɔ tɛ lo.

1 Petro 2:14

Ale ĩ ma nga nyɔ agbia mɛ lo kpã la ya, ala hɛ̃ etumbu hɛ̃ azi mɛ ndoli asiɔ ye, ko ala gonda nga azi mɛ ndoli anzɔ̃ ye.

1 Petro 3:16

Ale ĩ kambisa nda ni hɛ̃ la na dede bɛ, ĩ tɔndɔ nga la. Ale ĩ du na vuru bɛ ya, se azi avɔ̃ to tɛrɛ ĩ ko, kamɛnɛ agbɔ̃ la nvɛni na ndo tɛnɛ tɛ la. Ta sanga ma, ala ndodi ĩ siɔni na lo ti nzɔ̃ se li ye tɛ ĩ mɛ ĩ na ni, na lo mɛ ya, ĩ na Yezo Kristo ĩ ti bo kɔi.

1 Petro 4:15

Ale ta zo kɔi so popo tɛ ĩ ahũ pɛnɔ na ti azi, na lo mɛ ya, lo ho zo, bere lo nzĩ ye, bere lo li ye siɔni, bere lo yɔrɔ nyɔ lo na ya tɛnɛ tɛ afɔ̃ lo ma.