2 Timɔte 2:8 - Fana Ngbangɔ 1987

⁸ Da bɛ mɔ na Yezo Kristo mɛ ndo tara gbia Davidi. Lo kpi ndo, Nzapa aso lo na pɛ kwá, ko Nzɔ̃ Pa mɛ mbi ndopa hɛ̃ azi anɛ nga so.

2 Timɔte 2:8 Iomraidhean Croise

Matie 1:1

Ĩ ba ili akotara Yezo Kristo mɛ tara Davidi, Davidi mɛ tara Abrahama lo mɛ:

Luka 24:46

Lo pa hɛ̃ la ya: “I ma tɛnɛ mɛ asu lo mɛ: ale Mɛsia ahũ pɛnɔ, akpi, wa na pɛ bi ta ko, lo so.

Awa Pangɔ Kwa 13:23

Mbanga tara Davidi kɔi ndo la Yezo, Nzapa akpã ndo lo Wa songɔ awa Izrayɛlɛ, ko adu se mɛ ndo Nzapa ako na kapa hɛ̃ la la.

Awa Pangɔ Kwa 2:24

Kanda Nzapa ahã lo na ya pɛnɔ ti kwá, na lo mɛ ya, ta kwá alengbi ndo ti ɔngɔ Yezo na nguru ma.

Awa Pangɔ Kwa 2:30

Lo ndo wa pangɔ kwa tɛ Nzapa, ko lo hĩnga ndo ya, Nzapa ako kapa hɛ̃ ni. Na kongɔ kapa ni ko, Nzapa anyɔ ngɛ na ili lo nvɛni ya: ‘Mbi kpã gbanda tara mɔ kɔi gbia nga ma se tɛ mɔ.’

Roma 16:25

E gonda Nzapa! Lo na nguru ti kpengbangɔ na lo yengɔ tɛ ĩ, ko se mɛ Nzɔ̃ Pa tɛ Yezo Kristo mɛ mbi ndopa hɛ̃ azi ndopa nga na ni la. Ndo gã ko, Nzapa ahɔndɛ ndo Nzɔ̃ Pa ni na azi,

Roma 2:16

Oko asi gbanda yango na lá ko gbanda Nzapa ato Yezo Kristo ya, lo fa ngbanga tɛ azi na lo ti alo zu mɛ ala hɔndɛ ka ya bɛ la, nga ma se mɛ Nzɔ̃ Pa mɛ mbi ndopa ndotɛnɛ na ni.

1 Kɔrinto 15:1

Aya bua, Nzɔ̃ Pa tɛ Yezo Kristo mɛ ndo mbi pa hɛ̃ ĩ, ĩ ye lo ni, ko ĩ kpa nga bɛ ĩ ndo ni ko, mbi separa dangɔ bɛ ĩ na ni na olo mɛ.

1 Kɔrinto 15:4

Ahɔ lo, ĩ la so pɛni bi ta ko, lo so nga ma se mɛ asu na ni ka ya Buku tɛ Nzapa.

2 Tɛsalɔnikɛ 2:14

Adu na lo ti songɔ ĩ ndo la lo ili ĩ, na lege ti Nzɔ̃ Pa mɛ ndo e pa hɛ̃ ĩ. Lo ili ĩ ya, ĩ lua nga ndima ka tɛ Gbia tɛ e Yezo Kristo.

1 Timɔte 1:11

Bɛta lo ni alo na ya Nzɔ̃ Pa tɛ Nzapa mɛ na ndima, lo mɛ nga na dengɔ bɛ, ko Nzapa azia ni na yamba ti mbi ya mbi pa.

1 Timɔte 2:7

Na lo ni la lo kpa mbi wa nɔngɔ kwa, so pangɔ pa tɛ Yezo Kristo. Lo nɛ hɛ̃ mbi ya, mbi ha azi mɛ ta Ayuda ma na bɛta lo tɛ ni, wadila ala ye lo ni. Bɛta tɛnɛ la mbi tɛnɛ, ta adu nvɛnɛ ma.

2 Timɔte 1:8

Wa ale ta kamɛnɛ agbɔ̃ mɔ na ngoi mɛ mɔ ndopa lo tɛ Gbia tɛ e Yezo ma, ta kamɛnɛ agbɔ̃ nga mɔ na lo tɛ mbi mɛ mbi li bɔlɔkɔ na lo tɛ lo ma. Kanda ale mɔ hũ pɛnɔ na lo ti Nzɔ̃ Pa nga ma mbi, ko mɔ gbe bɛ mɔ na nguru mɛ Nzapa ahɛ̃ mɔ.

2 Timɔte 2:7

Tɛnɛ mɛ mbi tɛnɛ hɛ̃ mɔ ko, binga bɛ mɔ na ndo ni, ta sanga ma, Gbia Yezo na sangɔ kɔdɛ bɛ mɔ, wa mɔ hĩnga nda atɛnɛ ni ko zu.

Suma 5:5

La mbanga kangba kɔi na popo tɛ akangba ko sui sɛ ndoni siɔ apa hɛ̃ mbi ya: “Ta mɔ to to ma. Ba bamara ko kai, lo ale tɛ Ayuda, lo tara Davidi, lo nwɔ aye zu, lo lengbi ti kongbingɔ ndã ko zu mbara mbara zingɔ, zarangɔ nga ya buku ni.”