2 Timɔte 2:7 - Fana Ngbangɔ 1987

⁷ Tɛnɛ mɛ mbi tɛnɛ hɛ̃ mɔ ko, binga bɛ mɔ na ndo ni, ta sanga ma, Gbia Yezo na sangɔ kɔdɛ bɛ mɔ, wa mɔ hĩnga nda atɛnɛ ni ko zu.

2 Timɔte 2:7 Iomraidhean Croise

Luka 21:15

Ta sanga ma, na ngoi ni gbanda ko, mbi nvɛni na fangɔ ĩ na tɛnɛ mɛ ĩ lengbi ti tɛnɛngɔ. Mbi sa nga gbanda ndara bɛ ĩ, ko ta mbanga wa kɛ̃ngɔ ĩ kɔi aɔ gbanda ĩ na tɛnɛ, bere akɛ̃ nga gbanda ya, ta tɛnɛ tɛ ĩ adu bɛta tɛnɛ ma.

Luka 24:45

Lo ĩ tɛnɛ so wɛ ko, lo zi kɔdɛ tɛ la ya, ala hĩnga nda tɛnɛ ti ya Buku tɛ Nzapa.

Luka 9:44

“Tɛnɛ mɛ mbi ndotɛnɛ hɛ̃ ĩ na olo ko, ĩ ma ni nzɔ̃ni. Tɛnɛ ni lo mɛ: awa kɛ̃ngɔ mbi na kangɔ mbi Nyi Zo hɛ̃ azi mɛ ndɛ̃.”

Yoanɛ 14:26

Wa Tɔrɔ Santo mɛ To mbi na tongɔ lo ya, lò za ĩ na se lɛ mbi ko, lo na hangɔ ĩ na aye kwe zu, ko lo nga na dangɔ bɛ ĩ na atɛnɛ zu mɛ mbi tɛnɛ hɛ̃ ĩ.

Yoanɛ 16:13

Ngoi mɛ Tɔrɔ Santo mɛ ndopa beta lo tɛ Nzapa aga aza ĩ hĩ, wadila ĩ hĩnga beta lo zu. Ta lo na tɛnɛngɔ tɛnɛ na nguru tɛ lo nvɛni ma, kanda lo na pangɔ hɛ̃ ĩ atɛnɛ zu mɛ lo ma ka nyɔ To mbi, lo nga na pangɔ hɛ̃ ĩ alo mɛ gbanda na singɔ.

Awa Pangɔ Kwa 7:10

lo hã ndo pɛnɔ tɛ lo zu lo zi, lo li ndo so ya, gbia ti Egipito aye Yozɛfu nzɔ̃ni. Nzapa asa ndara bɛ Yozɛfu, na lo ni la gbia ti Egipito akpa Yozɛfu gbia ti ya ngbo tɛ lo, nga na ti sese ti Egipito.

1 Kɔrinto 12:8

Tɔrɔ Santo ndohɛ̃ ambanga azi nguru ti tɛnɛngɔ tɛnɛ mɛ na ndara, ko nga bo lo la ndohɛ̃ ambanga azi mɛ ndɛ̃ nguru ti hĩngangɔ na ndo, wa ala tɛnɛ na tɛnɛ ni.

Filipɛ 4:8

Aya bua, mbi ye kɔngɔ nda tɛnɛ tɛ mbi so mɛ: ĩ da bɛ ĩ na anzɔ̃ ye mɛ azi alengbi ti gondangɔ ni. Anzɔ̃ ye ni lo mɛ: abɛta ye zu mɛ e ndotɔndɔ, aye mɛ mbiri mbiri, aye mɛ vuruni, aye mɛ bɛ azi ndode na lo ni, nga na aye ti ndima.

Kɔlɔsɛ 1:9

Na lo ni la ato na lá ko ndo e ma na pa tɛ ĩ ko, ta e ndozia sambelangɔ na lo tɛ ĩ ma. E ndohũnda Nzapa ya, lo sa kɔdɛ gba na bɛ ĩ, wa ĩ hĩnga nga ye mɛ bɛ lo aye, ko ĩ hĩnga ye ni na ndara zu nga na kɔdɛ zu mɛ Tɔrɔ Santo ndohɛ̃ zo,

1 Timɔte 4:15

Ale mɔ li aye ni ko, ale mɔ hɛ̃ nga tɛrɛ mɔ zu na lo ni, wadila azi zu ahũ ya, mɔ gwe uzu na lege tɛ Nzapa.

2 Timɔte 2:6

Wa sɛ̃ngɔ yaka ko la ndoli kwa kpengbani ko, lo la lo ndolua ye ti yaka uzu.

2 Timɔte 2:8

Da bɛ mɔ na Yezo Kristo mɛ ndo tara gbia Davidi. Lo kpi ndo, Nzapa aso lo na pɛ kwá, ko Nzɔ̃ Pa mɛ mbi ndopa hɛ̃ azi anɛ nga so.

Aebreo 12:3

Ĩ da bɛ ĩ bo na lo, ĩ́ da nga bɛ ĩ na se ko ndo lo gbe na bɛ lo na ya pɛnɔ mɛ awa lingɔ siɔ ye ahɛ̃ lo. Wa ta ĩ ye ya, azi asa mi bɛ ĩ ma, ta ĩ nzɛ̃ nga ma.

Aebreo 13:7

Angbina azi tɛ ĩ mɛ ndo awa batangɔ azi ti Eklezia ko, ta bɛ ĩ ali na la ma, ala ndo la apa hɛ̃ ĩ tɛnɛ tɛ Nzapa. Ale ĩ da bɛ ĩ na sé du tɛ la, nga na se kwa mɛ ndo ala kpili. Ale ĩ ye lo tɛ Nzapa na bɛ ĩ kɔi nga ma se tɛ la.

Aebreo 3:1

Ayata mbi awa Kristo, na lo ni ko, ĩ mɛ Nzapa aili nga ĩ ya, ĩ du azi tɛ ni ko, ale ĩ da bɛ ĩ bo na Yezo. Nzapa ato ndo lo ya, lo du kota gbia tɛ awa lungɔ ni na ye. Lo la lo za e na ya lo tɛ lo mɛ e ye, ko lo ni nga la e ndopa hɛ̃ azi.

Aebreo 7:4

Wa ĩ ba hĩ, Mɛlkisedɛkɛ adu zo ti ndima! Ko na ya aye sui kɔi zu mɛ ndo kɔzo kotara e Abrahama alua ka lɛ to ko, lo hɛ̃ ndo kɔi hɛ̃ Mɛlkisedɛkɛ.

Zaki 1:5

Kanda so popo tɛ ĩ, se ta zo adu na ndara ma ko, ale lo yɔ ni ka ti Nzapa, wa Nzapa ahɛ̃ lo, na lo mɛ ya, Nzapa ndoka ye hɛ̃ azi zu gɛgɛrɛ, ko lo ndoka ni na nzɔ̃ bɛ.

Zaki 3:15

Ta gi tɛrɛ ndara ni ko alo ka tɛ Nzapa ma. Oko adu ndara ti le sese, ndara tɛ azi, ndara mɛ alo ka tɛ Satana.

Zaki 3:17

Ndara mɛ ndolo ka tɛ Nzapa ko, ta ndodu na siɔ ye kɔi ma. Zo ko la na gi tɛrɛ ndara ni ko, lo dede zo, lo nga na nzɔ̃ bɛ. Lo ndoma vundu tɛ azi sĩ, lo ndoli nga anzɔ̃ ye. Ta lo ndoye zo kɔi, ko lo dɔ atanga ni lo zia ma. Ta nyɔ lo sɛ sɛ ma.

1 Yoanɛ 5:20

E hĩnga ya, Yezo Nyi Nzapa aga ndo ge lɛ sese, aha e na ndara ya, e hĩnga bɛta Nzapa. Na lo tɛ Yezo Kristo la, e ndodu ndoni kɔi na bɛta Nzapa. Lo la bɛta Nzapa mɛ ahɛ̃ e du ti kaka.