2 Timɔte 2:5 - Fana Ngbangɔ 1987

⁵ Zo ko nga la ndokpe kpɛ so luangɔ mbana gɛrɛ lo, se ta lo kpɛ kpɛ ni na seni ma ko, ta lo lua nga mbana gɛrɛ lo ma.

2 Timɔte 2:5 Iomraidhean Croise

Luka 13:24

“Ale ĩ li kpengbani, ĩ li ti nyɔ ngise mɛ pitoto. Ta sanga ma, mbi pa hɛ̃ ĩ ya, azi ma wo ma agi gbanda kɔdɛ ya, ani li ti nyɔ ngise ni ko, ko ala ha gbanda gba.

Filipɛ 1:15

Adu biani ya, ambanga azi na popo tɛ la ndopa tɛnɛ tɛ Yezo Kristo, na lo mɛ ya, ala ndoli sɔbɛrɛ hɛ̃ mbi, ko ala ndosepara hɛ̃ngɔ mbi pɛnɔ, kanda ambanga mɛ ndɛ̃ ndopa ni na nzɔ̃ bɛ.

Kɔlɔsɛ 1:29

Mbi ndoli kpengbani sĩ na nguru mɛ Yezo Kristo ahɛ̃ mbi ya, mbi onzi na kwa ni.

Aebreo 12:4

Ta sanga ma, ĩ na asiɔ azi ĩ ndotiri to, kanda ta ĩ dɛ ĩ tiri to ni ngbĩi, ko zo kɔi so popo tɛ ĩ akpi da ma.

Aebreo 2:7

Mɔ kpã zo gbe gɛrɛ aangelo na pɛ ngoi yakere, Mɔ gonda zo, mɔ hɛ̃ nga lo ndima, Nga ma se mɛ andoli tɛrɛ gbia.

Aebreo 2:9

Kanda ye mɛ e hũ lo mɛ: Nzapa akpã ndo Yezo na gbɛ gɛrɛ aangelo na pɛ ngoi yakere ya, Yezo akpi so azi zu, na lo ti nzɔ̃ bɛ tɛ Nzapa. Na olo ko, Nzapa agonda lo, ahɛ̃ nga lo ndima na lo ti pɛnɔ ti kwa mɛ ndo lo hũ.

Zaki 1:12

Dengɔ bɛ ati na zo ko ndogbe bɛ lo na ya pɛnɔ mɛ lo ndohũ. Ta sanga ma, na pɛ gbengɔ bɛ tɛ lo ko, Nzapa ahɛ̃ lo gbanda du ti kaka. Du ti kaka ni adu mbana gɛrɛ mɛ ndo lo ko kapa ni hɛ̃ awa yengɔ lo.

1 Petro 5:4

Wa na lá ko gbanda Gbia tɛ awa batangɔ angasã ngbaga asi ko, lo hɛ̃ ĩ mbana gɛrɛ ti ndima mɛ ta dɛ̃ngɔ ni ndowɛ ma.

Suma 2:10

Ta ĩ du na mbɛtɔ na lo pɛnɔ mɛ ĩ na hũngɔ ma. Wa í ma la: Satana na sangɔ ambanga azi na popo tɛ ĩ bɔlɔkɔ so tarangɔ bɛ ĩ, ĩ na hũngɔ pɛnɔ bi sui kɔi. Ko ĩ ye bo lo tɛ ni bɛ ĩ kɔi nga ka ĩ kpili. Ni hɛ̃ ĩ gbanda mbana gɛrɛ ĩ, mbana gɛrɛ ni adu du ti kaka.

Suma 3:11

Angbã yakere ni ga. Ale ĩ gbɔ̃ lo tɛ ni kpengbani, so zo agbula mbana gɛrɛ ĩ na ti ĩ.

Suma 4:10

Wa na ngoi ko la asa ko ndoli nga so ko, akangba ko sui sɛ ndoni siɔ so ndokuku gbɛlɛ Zo mɛ adu so ndo ngɛndɛ gbia, Zo mɛ ndodu lɛ lo ngɛ̃ buru na buru. Ala so ndovɔrɔ lo, so ndohãna akpɔtɔ tɛ la ti gbia, so ndosa so gbɛlɛ ngɛndɛ gbia tɛ lo, so ndopa ya:

Suma 4:4

Ambanga angɛndɛ gbia mɛ ndɛ̃ sui se ndoni siɔ aka nga angɛndɛ gbia ni ko kɛrɛrɛ atengbi. Akangba sui sɛ ndoni siɔ adunga so ndo angɛndɛ ko sui sɛ ndoni siɔ. Ala yuyu ambufu bɔngɔ, abi akpɔtɔ ti gbia mɛ alɛkɛ na wɔrɔ na li la.