2 Timɔte 2:4 - Fana Ngbangɔ 1987

⁴ Zo ko la ndoli kwa ti turugu, se lo ye ya, ni li ye ti dengɔ na be gbia tɛ ni ko, ta lo lengbi ti lingɔ na ya alo tɛ azi mɛ ndɛ̃ ma. Ko mbi ye ya, mɔ du nga so.

2 Timɔte 2:4 Iomraidhean Croise

Luka 8:14

Ale tɛ mɛ asa na popo asã ti kĩ adu nga ma azi mɛ ama tɛnɛ tɛ Nzapa. Ko sɔngɔ bɛ, na luangɔ nwa, nga na dengɔ bɛ ti le sese apia aho tɛnɛ ni. Ta ala hɛ̃ nga nzɔ̃ ale ma.

2 Kɔrinto 5:9

Bɛ se ta e dɛ e si ka tɔ̃nda lo ma, bɛ se e si ka tɔ̃nda lo ko, e separa bo ya, e li ye mɛ ndode bɛ lo.

Galatia 5:1

Yezo Kristo abi bɔrɔ tɛrɛ e ya, e ti abɔrɔ biani. Wa ĩ ngba bo abɔrɔ, ko ĩ bata li ĩ ya, ta ĩ diri ĩ ti ambɛ ti tɔndɔngɔ ndia tɛ Mɔizɛ ma.

1 Tɛsalɔnikɛ 2:4

Kanda ngoi zu ko, e ndopa ndo tɛnɛ nga ma se mɛ bɛ Nzapa aye. Ta sanga ma, lo hũ ya e abɛta azi, la lo zia Nzɔ̃ Pa tɛ lo na yamba ti e ya, e pa ni. E tɛnɛ ndo tɛnɛ so dengɔ na bɛ Nzapa mɛ ahĩnga dangɔ bɛ tɛ e, kanda ta e tɛnɛ ndo ni so dengɔ na be azi ma.

2 Timɔte 4:10

ta sanga ma, Demasi adɔ mbi azia, agwe ka Tɛsalɔnikɛ, na lo mɛ ya, bɛ lo aye alo ti ngoi olo sĩ nvɛni. Krɛsana agwe ka Galatia, Tito agwe tɛ lo ka Dalmatia.

2 Petro 2:20

Se ambanga azi azia lingɔ asiɔ ye ti lɛ sese mɛ ndogbɛ̃ azi, na lo mɛ ya, ala hĩnga Gbia tɛ e Yezo Kristo mɛ Wa songɔ e, wa so pɛni, ala ti diri na ndo asiɔ ye mɛ ndo ala zia wɛ ko, asiɔ ye ni ko na bingɔ la ambɛ fani mɛ ndɛ̃. Ko du tɛ la ti gesi na dungɔ siɔni ɔngɔ du tɛ la ti uzu.