2 Timɔte 2:3 - Fana Ngbangɔ 1987

³ Ale mɔ hũ pɛnɔ nga ma mbi, na lo ko la mɔ du bɛta turugu tɛ Yezo Kristo.

2 Timɔte 2:3 Iomraidhean Croise

Awa Pangɔ Kwa 23:31

Aturugu ama nyɔ kota gbia tɛ la, la ala mu Polo, anɔ na lo na bi, asi ka kɔdɔrɔ mɛ ili ni la Antipatrisi.

1 Kɔrinto 13:7

Zo ko ndoye afɔ̃ lo ko, lo ndogbe bɛ lo na lo ti siɔ ye zu mɛ ala ndoli tɛrɛ lo, lo ndoye lo tɛ la ngoi zu, lo ndolɛndɛrɛ ya, ala li ye mɛ nzɔ̃ni, lo ndodu nga na yɔngɔrɔ bɛ na ndo la.

1 Kɔrinto 9:7

Ĩ da bɛ ĩ ya, ta turugu ndokã tɛrɛ lo na faranga ti kwa tɛ lo ma? Biani, lo ndokã tɛrɛ lo na ni! Ĩ da bɛ ĩ ya, ta zo ndotɛ ye ti yaka mɛ lo ndosɛ̃ ma? Biani, lo ndotɛ ni! Ĩ da bɛ ĩ ya, ta wa kwa mɛ ndobata abagara ndonyɔ mɛ tɛ abagara ni ma? Biani, lo ndonyɔ ni.

2 Kɔrinto 1:6

Se e hũ pɛnɔ ko, alengbi ya, e hũ pɛnɔ ni so sangɔ nguru bɛ ĩ, ko ĩ ngbã nga na lege ti songɔ kwá. Se e lua nguru ko, alengbi ya, e lua nguru ni ko so sangɔ nga nguru bɛ ĩ, wadila ĩ gbe nga bɛ ĩ na ya gi tɛrɛ apɛnɔ mɛ e ndohũ.

1 Timɔte 1:18

Timɔte nyi mbi, mbi zia atɛnɛ ko mbi tɛnɛ na yamba ti mɔ, ya mɔ pa ni hɛ̃ azi nga ma se ko ndo awa pangɔ nyɔ Nzapa apa na ni uzu na lo tɛ mɔ. Da bɛ mɔ na atɛnɛ ni, wa mɔ tiri nzɔ̃ to.

2 Timɔte 1:1

Mbi Polo mɛ ndo Nzapa asara mbi na se bɛ lo nvɛni akpa ya, mbi du wa pangɔ kwa tɛ Yezo Kristo la mbi to mbɛti olo hɛ̃ mɔ Timɔte mɛ nyi mbi ti kpɔ̃ bɛ mbi. Mbi bala mɔ. Nzapa ahɛ̃ mbi kwa ya, mbi pa hɛ̃ azi lo ti bɛta du mɛ ndo lo ko kapa ni hɛ̃ azi mɛ ala na Yezo ati bo kɔi. To e Nzapa na Gbia tɛ e Yezo Kristo ali bɛ nzɔ̃ bɛ hɛ̃ mɔ, ama bɛ vundu tɛ mɔ, ali bɛ nga ya, bɛ mɔ adu pii ma ke!

2 Timɔte 1:8

Wa ale ta kamɛnɛ agbɔ̃ mɔ na ngoi mɛ mɔ ndopa lo tɛ Gbia tɛ e Yezo ma, ta kamɛnɛ agbɔ̃ nga mɔ na lo tɛ mbi mɛ mbi li bɔlɔkɔ na lo tɛ lo ma. Kanda ale mɔ hũ pɛnɔ na lo ti Nzɔ̃ Pa nga ma mbi, ko mɔ gbe bɛ mɔ na nguru mɛ Nzapa ahɛ̃ mɔ.

2 Timɔte 2:10

Na lo ni la mbi ndogbe bɛ mbi na ya alo zu, na lo tɛ azi mɛ ndo Nzapa asara la akpã ya, ala du azi tɛ ni. Mbi li so ya, Nzapa aso la ti ndo Yezo Kristo, ko ala lua nga ndima ti kaka.

2 Timɔte 2:9

Na lo ti Nzɔ̃ Pa ni la agbe mbi na nzingiri, mbi ndohũ pɛnɔ ma bere mbi wa lingɔ siɔ ye. Mbi la agbe mbi, kanda ta agbe tɛnɛ tɛ Nzapa ma.

2 Timɔte 3:11

Mɔ hĩnga giangɔ mɛ ndo azi agia na mbi, nga na apɛnɔ mɛ ndo mbi hũ. Mɔ hĩnga alo zu mɛ ndo asi na mbi ka Antiɔsɛ, ka Ikɔniɔmɛ nga ka Listrɛ, mɔ hĩnga nga ya, agia ndo mbi sĩ. Ko Gbia aso ndo mbi na ya apɛnɔ ko zu.

2 Timɔte 4:5

Kanda tɛ mɔ ko, li ye zu na nyɔ kpɔ̃ ni, gbe bɛ mɔ na ya apɛnɔ, li kwa tɛ mɔ ti pangɔ Nzɔ̃ Pa hɛ̃ azi. Kwa mɛ Nzapa ahɛ̃ mɔ ko, li kwa ni, mɔ kɔ nda ni kpɛkɛlɛ.

Filemɔ 1:2

E to nga mbɛti olo hɛ̃ azi ti Eklezia mɛ ndobombi tɛrɛ la ka ya da tɛ mɔ so vɔrɔngɔ Nzapa, e to nga hɛ̃ nyita e wa Kristo ti wali mɛ ili lo Apia, na fɔ̃ e Arsipɛ mɛ e na lo e bombi e ndotiri to na lo tɛ Gbia.

Aebreo 10:32

Ale ĩ da bɛ ĩ na ngoi ko ndo ĩ da uzu, na ngoi mɛ ndo Nzapa azi lɛ ĩ. Ĩ hũ ndo apɛnɔ ma wo ma na ngoi ni ko, ko ĩ gbe nga ndo bɛ ĩ na ya apɛnɔ ni.

Aebreo 11:27

Mɔizɛ aye ndo lo tɛ Nzapa, ko na lo ni ndo la lo hã ka sese ti Egipito lo ɔ, ko ta mbɛtɔ agbɔ̃ ndo lo na lo ti ngɔnzɔ mɛ ndo agbɔ̃ gbia ti Egipito ma. Mɔizɛ agbe ndo bɛ lo, ko adu ndo nga ma lo hũ Nzapa mɛ ta zo ndohũ lo na lɛ lo ma.

Aebreo 6:15

Abrahama adu ndo na yɔngɔrɔ bɛ so kungɔ ya, kapa ni ati na seni, ko lo lua ndo ye mɛ Nzapa ako kapa ni hɛ̃ lo.

Zaki 1:12

Dengɔ bɛ ati na zo ko ndogbe bɛ lo na ya pɛnɔ mɛ lo ndohũ. Ta sanga ma, na pɛ gbengɔ bɛ tɛ lo ko, Nzapa ahɛ̃ lo gbanda du ti kaka. Du ti kaka ni adu mbana gɛrɛ mɛ ndo lo ko kapa ni hɛ̃ awa yengɔ lo.