2 Timɔte 2:26 - Fana Ngbangɔ 1987

²⁶ Na lo ni, bɛ se ala za ndo sɔ̃ mɛ Satana apeta ya, ala ndoli ye mɛ bɛ ni Satana aye ko, ala na luangɔ kɔdɛ, wa ala lo ka ya sɔ̃ ni asi.

2 Timɔte 2:26 Iomraidhean Croise

Luka 11:21

“Zo mɛ wa nguru, lo nga na aye tɛ lo ti tiringɔ na to, ko ngoi ko la lo ndobata da tɛ lo ko, aye tɛ lo zu na dungɔ na seni.

Luka 15:17

Ko ngoi mɛ kɔdɛ ĩ ti li lo ko, lo pa ya: ‘Awa kwa tɛ to mbi zu na ye ti tɛngɔ ma wo ma, ko mbi ge, mbi ndokpi gwɛ̃ nga sia?

Luka 5:10

Mbɛtɔ agbɔ̃ nga ndo Zaki na Yoanɛ mɛ afɔ̃ Simɔ mɛ aya Zebedeo. La Yezo apa hɛ̃ Simɔ ya: “Zia mbɛtɔ, ato na la olo ko, ta mɔ ti gi asusu ma, mɔ ti wa gingɔ azi hɛ̃ Nzapa.”

Yoanɛ 13:2

Ngoi mɛ ndɔ ĩ de ko, Yezo na ava lo abombi tɛrɛ la so ndotɛ ye. Satana apia ndo abi siɔ wangɔ bɛ Yudasi mɛ nyi Simɔ Iskariɔtɛ ya, lo ka Yezo.

Yoanɛ 13:27

Bo na ngoi mɛ Yudasi ĩ mu mapa ka ti Yezo ko, Satana ali ya bɛ lo. Yezo apa hɛ̃ Yudasi ya: “Ye ko mɔ ye lingɔ ko, li ni hiɔ!”

Awa Pangɔ Kwa 26:18

Mbi to mɔ ka tɛ la ya, mɔ zi lɛ la, mɔ hã la na ya mbingo, mɔ kpã la na ya vuru ndo, mɔ hã nga la na gbe ti Satana, ko mɔ hɛ̃ la hɛ̃ Nzapa. Wa Nzapa aka lɛ lo ndo siɔ ye tɛ la, ahɛ̃ nga la ndo na popo tɛ azi tɛ lo, na lo mɛ ya, ala ye lo tɛ mbi.’ ”

Awa Pangɔ Kwa 5:3

La Petro ahũnda lo ya: “Ananiasi, nda mɛ Satana ahanda mɔ, mɔ bata mbanga faranga ti yaka tɛ mɔ na lo tɛ mɔ, ko mɔ pa nvɛnɛ hɛ̃ Tɔrɔ Santo nɛ?

1 Kɔrinto 15:34

Ale ĩ li ya kɔdɛ tɛ ĩ adiri, ati na seni, ko ĩ zia lingɔ siɔ ye. Ta ambanga azi na popo tɛ ĩ ahĩnga Nzapa ma, ko mbi tɛnɛ so, so bingɔ kamɛnɛ lɛ ĩ.

2 Kɔrinto 2:11

Mbi ka lɛ mbi ndo ni, so Satana alua lege anwɔ e. Ta sanga ma, ti biani ko, e hĩnga ye mɛ Satana ndosepara lingɔ na e.

Efɛzɛ 5:14

Ta sanga ma, lo mɛ afa tɛrɛ lo yango ndoti vuru ndo. Na lo ni la andopa ya: “Mɔ zo ko la mɔ la langɔ ko, zingɔ, Lo ndozu na popo tɛ azi mɛ akpili, Wa Yezo Kristo avuru na ndo hɛ̃ mɔ.”

Kɔlɔsɛ 1:13

Lo kpata e ka ti Satana mɛ gbia ti mbingo. Lo mu e lo kpa ka Kɔdɔrɔ Gbia tɛ Nyi lo ti kpɔ̃ bɛ lo.

1 Timɔte 1:20

Imeneo na Alɛkizandrɛ nga na popo tɛ azi ni ko. Ko mbi zia la se na yamba ti Satana ya, ala hĩnga ya, ta ani lengbi ti gurungɔ Nzapa ma.

1 Timɔte 3:7

Ale azi mɛ ta awa Kristo ma atɔndɔ nga zo ni ko, so ala samana na lo, ko lo za sɔ̃ mɛ Satana apeta.

Suma 12:9

Abi kota sa ti kpɛnɛ gegi. Lo du ngbɔ ti gã mɛ andoili lo ya Zabulu bere Satana. Lo ndohanda azi ti lɛ sese zu. Amu ndo lo na aangelo tɛ lo zu, asa la ge lɛ sese.