2 Timɔte 2:25 - Fana Ngbangɔ 1987

²⁵ Azi ko ndokɛ̃ tɛnɛ tɛ lo ko, ale lo ha la na lo tɛ Nzapa na dede bɛ. Ale lo ha na la, wa bere na mbanga lá kɔi gbanda, se Nzapa azi lege hɛ̃ la, wadila ala gbinya bɛ la, aye bɛta lo tɛ Nzapa.

2 Timɔte 2:25 Iomraidhean Croise

Matie 11:29

Ale mbi na ĩ e li kwa ndoni kɔi, ko ĩ manda tɛnɛ tɛ mbi, ta sanga ma, mbi dede zo, mbi ndongara nga tɛrɛ mbi, ko tɔrɔ tɛrɛ ĩ na luangɔ ndo ti wɔngɔ na tɛrɛ lo.

Matie 21:32

Ta sanga ma, Yoanɛ aga ndo ka tɛ ĩ so fangɔ ĩ na bɛta lege, ko ta ĩ ye ndo lo tɛ lo ma. Kanda awa sɔrɔngɔ lapo na awe mɛ angbabo aye ndo lo tɛ lo. Ĩ hũ ndo kwɛ ya, ala ye lo tɛ lo, ko ta ĩ gbinya ndo bɛ ĩ ya, ĩ ye nga lo tɛ lo ma.”

Marko 1:15

“Ngoi ti gangɔ tɛ Nzapa alengbi wɛ, Nzapa adoli so lɛngɔ gbia na ndo ĩ! Ale ĩ gbinya bɛ ĩ, í ye Nzɔ̃ Pa tɛ lo!”

Yoanɛ 5:34

Tɛ mbi ko, ta mbi du na gwɛ̃ tɛ zo ya, zo adu temwɛ tɛ mbi ma. Kanda mbi pa lo tɛ Yoanɛ ya, se ĩ ma ni, wa Nzapa aso ĩ.

Awa Pangɔ Kwa 11:18

Ala ĩ ma tɛnɛ ni wɛ ko, bɛ la azu, la ala gonda Nzapa ya: “Biani, Nzapa ahɛ̃ nga lege hɛ̃ azi mɛ ta Ayuda ma ya, ala gbinya bɛ la, wa ala lua bɛta du.”

Awa Pangɔ Kwa 2:38

Petro agbinya hɛ̃ la ya: “Ale ĩ gbinya be ĩ, ko zo kɔi kɔi amu batisimɔ na ili Yezo Kristo, wa Nzapa aka lɛ lo ndo siɔ ye tɛ ĩ, ahɛ̃ nga ĩ Tɔrɔ Santo.

Awa Pangɔ Kwa 20:21

Mbi pa hɛ̃ Ayuda, na azi mɛ ta Ayuda ma ya, ala gbinya bɛ la hɛ̃ Nzapa, ko ala ye nga lo tɛ Gbia tɛ e Yezo.

Awa Pangɔ Kwa 5:21

Awa pangɔ kwa tɛ Yezo ama nyɔ angelo. Ĩ da na nda perere ko, ala nɔ ka ya kota da Nzapa, ato nda hangɔ azi na lo tɛ Yezo. Kota gbia tɛ awa lungɔ Nzapa na ye, na azi tɛ lo, abombi Ayuda zu mɛ akangba ti kɔdɔrɔ, ya ani fa ngbanga. So pɛni, ala to awa batangɔ nyɔ ghágbá tɛ kota gbia ka da bɔlɔkɔ ya, ala lɔ awa pangɔ kwa tɛ Yezo aga na la.

Awa Pangɔ Kwa 5:31

Nzapa aya lo ka yayu, akpã lo na ndo kɔti ti lo, akpa lo Gbia, akpã nga lo Wa songɔ azi. Lo li ndo so ya, Yezo azi lege hɛ̃ awa Izrayɛlɛ, ala gbinya bɛ la, wa Nzapa aka le lo ndo siɔ ye tɛ la.

Awa Pangɔ Kwa 8:22

Wa gbinya bɛ mɔ, mɔ zia siɔ ye mɛ fɛrɛ mɔ li, ko mɔ vɔrɔ Gbia Nzapa ya, se alengbi ko, lo ka Iɛ lo ndo siɔ dangɔ bɛ tɛ mɔ.

Galatia 6:1

Aya bua, se ĩ gbɔ̃ fɔ̃ ĩ tɛrɛ lingɔ siɔ ye ko, ĩ ko la ĩ ndodɔ nɔ na lege mɛ Tɔrɔ Santo afa na ĩ ko, ale ĩ mu fɔ̃ ĩ ni ka lege ti lingɔ siɔ ye, ĩ kpã lo na bɛta lege. Ko ale ĩ li ni na dede bɛ. Ale ĩ du nga na kpengba lɛ, so ĩ nvɛni ĩ li nga siɔ ye nga ma se tɛ fɔ̃ ĩ ni ko.

1 Timɔte 2:4

Andode bɛ lo, na lo mɛ ya, lo ye ya, ni so azi zu, ko ala hĩnga nga bɛta lo tɛ ni.

1 Timɔte 6:11

Wa mɔ mɛ mɔ tɛ mɔ zo tɛ Nzapa ko, ale mɔ kpɛ asiɔ ye ko zu. Li kpengbani ya, mɔ li ye mɛ mbiri mbiri, ye mɛ ndode be Nzapa. Ngbã bo na yengɔ lo tɛ Nzapa, ye afɔ̃ mɔ, gbe bɛ mɔ, du na dede bɛ.

2 Timɔte 3:7

awe mɛ ndogi ngoi zu ya, ani hĩnga ye, kanda ta ala lengbi ti hĩngangɔ bɛta lo tɛ Nzapa bɛ gbɔ ma.

Tito 1:1

Mbi Polo mɛ wa kwa tɛ Nzapa, mbi mɛ nga wa pangɔ kwa tɛ Yezo Kristo la mbi to mbɛti olo hɛ̃ mɔ Tito. Mbi bala mɔ. Nzapa ahɛ̃ mbi kwa ya, mbi za azi tɛ ni mɛ ni sara la ni kpa. Mbi ndoza la ya, ala ye lo tɛ lo, ala hĩnga nga bɛta lo mɛ ndofa sé du mɛ ndode bɛ lo.

Tito 3:2

Pa hɛ̃ la ya, ta ala tɛnɛ tɛnɛ siɔni na ili zo ma. Ale ala du na mangbingɔ, ali afɔ̃ la nzɔ̃ni, ali ye ngoi zu na tɛrɛ azi zu na dede bɛ.

Zaki 1:17

anzɔ̃ ye zu ndolo ka yayu, ka tɛ Nzapa, wa azu ge tise. Lo la lo li lá, na nzɛ̃, nga na atongolo. Nzapa ndongbã ngoi zu na se tɛrɛ lo, ta lo ndosana tɛrɛ lo ya, ni zia ĩ na ya mbingo ma.

1 Petro 3:15

Kanda ale ĩ tɔndɔ Yezo Kristo mɛ Gbia tɛ ĩ. Ĩ lɛkɛ tɛrɛ ĩ so gbinyangɔ tɛnɛ hɛ̃ azi zu mɛ ndohũnda ĩ na nda mɛ ĩ ndolɛndɛrɛ Yezo Kristo.

1 Yoanɛ 5:16

Se zo ahũ nyita lo wa Kristo na lingɔ siɔ ye, wa se ta adu siɔ ye ti hongɔ tɔrɔ tɛrɛ zo ma ko, ale lo vɔrɔ Nzapa na lo tɛ nyita lo ni, wadila Nzapa aso tɔrɔ tɛrɛ nyita lo ni. Tɛnɛ mɛ mbi tɛnɛ adu bo na lo tɛ azi mɛ ndoli siɔ ye, kanda ta siɔ ye ni adu siɔ ye mɛ alengbi ti hongɔ tɔrɔ tɛrɛ la ma. Mbanga siɔ ye kɔi da, ko se zo ali ni ko, aho tɔrɔ tɛrɛ lo. Ko ta mbi tɛnɛ hɛ̃ ĩ ya, ĩ vɔrɔ Nzapa na lo tɛ azi ko ndoli gi tɛrɛ siɔ ye ni ko ma.