2 Timɔte 2:24 - Fana Ngbangɔ 1987

²⁴ Kanda ale ta wa kwa tɛ Gbia Yezo apa pa ma, ale lo ndoli tɛ lo nzɔ̃ ye hɛ̃ azi zu, lo hĩnga hangɔ lo tɛ Nzapa, lo du nga na yɔngɔrɔ bɛ.

2 Timɔte 2:24 Iomraidhean Croise

Matie 12:19

Ta lo pa gbanda pa na zo kɔi ma, ta lo dɛ gbanda kɔngɔ ma. Ta azi ama gbanda lo na tɛnɛngɔ tɛnɛ ka ta lege ma.

Yoanɛ 6:52

Ayuda ĩ ma so ko, ala to nda bimbingɔ tɛnɛ kpengbani ka popo tɛ la. Ala so ndohũndangbi ya: “Kɔdɛ mɛ kɔli olo alengbi ti hɛ̃ngɔ e mi tɛrɛ lo, ya e tɛ ni sia?”

Awa Pangɔ Kwa 15:2

Polo na Barnabasi ĩ ma so ko, ala kɛ̃ tɛnɛ ni ko, la ala na azi ko ato nda bimbingɔ tɛnɛ kpengbani na popo tɛ la. Azi ti Eklezia ti Antiɔsɛ ĩ hũ so ko, ala pa hɛ̃ Polo, na Barnabasi, nga na ambanga azi ti Eklezia ti Antiɔsɛ mɛ ndɛ̃ ya: “Ĩ nɔ ka Yeruzalɛmɛ, wa ĩ na awa pangɔ kwa tɛ Yezo, nga na akangba ti Eklezia ĩ tɛnɛ tɛnɛ na lo ni.”

Awa Pangɔ Kwa 23:9

Azi agɔ̃ bɔzɔ bɔzɔ, ko ambanga awa hangɔ ndia mɛ na li nɔ tɛ Afarizeo ĩ ma so ko, ala longa ndozu, akɛ̃ hɛ̃ azi kpengbani ya: “Ta e hũ siɔ ye mɛ kɔli olo ali ma. Bere tɔrɔ, bere angelo la atɛnɛ tɛnɛ hɛ̃ lo!”

Awa Pangɔ Kwa 7:26

Ĩ la bu ndã ĩ de ko; Mɔizɛ ata awa lzrayɛlɛ sɛ so ndotiri to, ko lo ye ndo kangbingɔ ya la. La lo pa hɛ̃ la ya: ‘Aya bua, ĩ du ayata, ko nda mɛ ĩ ndotiri to na popo tɛ ĩ nɛ?’

2 Kɔrinto 10:1

Mbi Polo, mbi gbɔ̃ gɛrɛ ĩ na lo ye kɔi. Azi ndopa tɛnɛ na ili mbi ya, ngoi mɛ mbi e na ĩ, e du ndoni kɔi ko, mbi tɛnɛ tɛnɛ mɛ woni, wa ngoi mɛ mbi du yɔngɔrɔni na ĩ ko, mbi ti wa tɛnɛngɔ kpengba tɛnɛ hɛ̃ ĩ. Yezo Kristo adu dede zo, lo nga wa nzɔ̃ bɛ. Na lo ni ko, lo mɛ mbi gbɔ̃ gɛrɛ ĩ na lo ni lo mɛ:

2 Kɔrinto 10:4

Aye ti tiringɔ na to mɛ e ndotiri na to ko, ta adu tɛ azi ti lɛ sese ma, kanda adu akpengba ye ti tiringɔ na to mɛ alo ka tɛ Nzapa. Akpengba ye ti tiringɔ na to ni alengbi ti gbɛ̃ngɔ kpengba da mɛ awa kɛ̃ngɔ Nzapa ndobere da. E ndogbɛ̃ asiɔ kɔdɛ tɛ azi.

2 Kɔrinto 6:4

Kanda na ya alo zu ko, e ndofa ya, e awa kwa tɛ Nzapa. Na ya apɛnɔ ndɛ̃ ndɛ̃ ndɛ̃ mɛ azi ndohɛ̃ e, nga na ya giangɔ bɛ mɛ azi ndogia na bɛ e ko, e ndogbe bɛ e sĩ.

Galatia 5:22

Kanda tɛ Tɔrɔ Santo ko, lo ndoli ya, azi ayengbi, adu na dengɔ bɛ, adu na bɛ pii, adu na yɔngɔrɔ bɛ, ali nzɔ̃ ye na tɛrɛ afɔ̃ la, adu nga na nzɔ̃ bɛ, ali ye na seni,

Efɛzɛ 4:2

Ale ĩ ngara tɛrɛ ĩ hɛ̃ afɔ̃ ĩ ngoi zu, í du adede azi, ĩ du na yɔngɔrɔ bɛ, ĩ du nga na yengbingɔ. Ko se afɔ̃ ĩ ali ĩ siɔni ko, ĩ gbe bɛ ĩ.

Filipɛ 2:14

Na ya kwa tɛ ĩ zu ko, ta ĩ dema tɛrɛ ĩ, bere ĩ pa pa na lo ni ma.

Filipɛ 2:3

Na ya kwa mɛ ĩ ndoli ko, ale ta ĩ kpã bɛ ĩ ya, ĩ ɔ afɔ̃ ĩ awa Kristo, bere ĩ du na yakɛ ma. Kanda ale ĩ bi tɛrɛ ĩ hɛ̃ afɔ̃ ĩ, ko ale zo kɔi kɔi amu afɔ̃ lo nga ma azi mɛ aɔ lo nvɛni.

Kɔlɔsɛ 3:13

Se afɔ̃ ĩ ali ĩ siɔni ko, í gbe bɛ ĩ, ĩ ka lɛ ĩ ndo siɔ ye mɛ ala li tɛrɛ ĩ. Ale ĩ ka lɛ ĩ ndo asiɔ ye tɛ afɔ̃ ĩ, nga ma se ko ndo la Gbia aka na lɛ lo ndo asiɔ ye tɛ ĩ.

1 Tɛsalɔnikɛ 2:7

Ti mbiri mbiri ko, e lengbi ndo ti mungɔ tɛrɛ e ndo ĩ nga ma agbia, na lo mɛ ya, e awa pangɔ kwa tɛ Kristo. Kanda e ndo adede azi, nga ma se tɛ ta ayangambi.

1 Timɔte 6:11

Wa mɔ mɛ mɔ tɛ mɔ zo tɛ Nzapa ko, ale mɔ kpɛ asiɔ ye ko zu. Li kpengbani ya, mɔ li ye mɛ mbiri mbiri, ye mɛ ndode be Nzapa. Ngbã bo na yengɔ lo tɛ Nzapa, ye afɔ̃ mɔ, gbe bɛ mɔ, du na dede bɛ.

Tito 1:1

Mbi Polo mɛ wa kwa tɛ Nzapa, mbi mɛ nga wa pangɔ kwa tɛ Yezo Kristo la mbi to mbɛti olo hɛ̃ mɔ Tito. Mbi bala mɔ. Nzapa ahɛ̃ mbi kwa ya, mbi za azi tɛ ni mɛ ni sara la ni kpa. Mbi ndoza la ya, ala ye lo tɛ lo, ala hĩnga nga bɛta lo mɛ ndofa sé du mɛ ndode bɛ lo.

Tito 1:7

Ta sanga ma, wa batangɔ Eklezia adu zo mɛ azia kwa tɛ Nzapa na yamba ti lo. Ko ale ta lo du zo mɛ ndoli ye mɛ alengbi ti belangɔ lo na lo ni ma. Ale ta lo du wa yakɛ ma, ta lo du wa ngɔnzɔ ma, ta lo du wa nyɔngɔ kana sĩ ma, ta lo du wa gingɔ ló ma, ta lo du nga zo mɛ ndolua faranga na lege mɛ siɔni ma.

Tito 1:9

Ale lo kpã bɛ lo ngĩi na ndo bɛta lo tɛ Nzapa mɛ aha na lo. Se lo li so, wadila lo lengbi ti sangɔ nguru bɛ azi mɛ ndɛ̃ na lege ti hangɔ la na bɛta lo ni ko, ko lo lengbi nga ti fangɔ na awa kɛ̃ngɔ bɛta lo ni ya, ala yu ndo.

Tito 3:2

Pa hɛ̃ la ya, ta ala tɛnɛ tɛnɛ siɔni na ili zo ma. Ale ala du na mangbingɔ, ali afɔ̃ la nzɔ̃ni, ali ye ngoi zu na tɛrɛ azi zu na dede bɛ.

Zaki 1:1

Mbi Zaki mɛ wa kwa tɛ Nzapa, mbi mɛ nga wa kwa tɛ Gbia Yezo Kristo la mbi to mbɛti olo hɛ̃ ĩ, azi tɛ Nzapa zu mɛ ĩ gundu na le sese zu. Mbi bala ĩ.

Zaki 3:17

Ndara mɛ ndolo ka tɛ Nzapa ko, ta ndodu na siɔ ye kɔi ma. Zo ko la na gi tɛrɛ ndara ni ko, lo dede zo, lo nga na nzɔ̃ bɛ. Lo ndoma vundu tɛ azi sĩ, lo ndoli nga anzɔ̃ ye. Ta lo ndoye zo kɔi, ko lo dɔ atanga ni lo zia ma. Ta nyɔ lo sɛ sɛ ma.

Zaki 4:2

Ĩ ndosepara luaiigɔ ye, ko ĩ ndoha luangɔ ni gba, na lo ni la, bɛ ĩ ndongbã ngbũ ya ĩ ho afɔ̃ ĩ. Gwɛ̃ ti luangɔ ye ndogbɔ̃ ĩ, ko ta ĩ ndolua ni ma, nda mɛ andoti pa, andoti nga to na popo tɛ ĩ la. Ta ĩ ndolua ye mɛ ĩ ye ma, na lo mɛ ya, ta ĩ ndoyɔ ni ka ti Nzapa ma.

1 Petro 3:8

Ti kɔngɔ nda tɛnɛ tɛ mbi ko, mbi tisa ĩ ya, í du na bɛ kɔi, ĩ́ ma vundu tɛ afɔ̃ ĩ, ĩ́ yengbi nga ma se tɛ zo na nyita lo, ĩ́ du na nzɔ̃ bɛ na ndo afɔ̃ ĩ, ta í du awa yakɛ ma.

Yudɛ 1:3

Aya bua, mbi ndoli ndo kpengbani ya, mbi su hɛ̃ ĩ mbɛti, na lo ti songɔ mɛ Nzapa aso na mbi, aso nga na ĩ. Ko ngoi mɛ mbi ndoda bɛ mbi nga so ko, mbi hũ ya, nzɔ̃ni ale mbi su hɛ̃ ĩ mbɛti, mbi sa nguru bɛ ĩ, wa ĩ li kpengbani, ĩ bata tɛnɛ tɛ Nzapa mɛ ndo ĩ ye lo ni. Adu tɛnɛ mɛ ndo lo hɛ̃ azi tɛ lo fani kɔi ti buai.