2 Timɔte 2:22 - Fana Ngbangɔ 1987

²² Timɔte, ta mɔ li ye na se gwɛ̃ ti tɛrɛ nga ma tɛ ambanga apandara ma. Li kpengbani mɔ li ye mɛ mbiri mbiri, mɔ ye lo tɛ Yezo na bɛ mɔ kɔi, mɔ ye azi, mɔ du na mangbingɔ na popo tɛ mɔ na azi mɛ bɛ la vuruni, azi mɛ ndoili Gbia Nzapa ya, lo za ani.

2 Timɔte 2:22 Iomraidhean Croise

Awa Pangɔ Kwa 7:59

Ngoi mɛ ala so ndoboroka Etieni ko, Etieni so ndosambela Nzapa ya: “Gbia Yezo, wa mu tɔrɔ tɛrɛ mbi!”

Awa Pangɔ Kwa 9:14

Ko lo ga ge na lo mɛ ya, agbia tɛ awa lungɔ Nzapa na ye ahɛ̃ lo nyɔ ya, lo gbɔ̃nɔ azi zu mɛ ndovɔrɔ mɔ.”

Roma 14:17

Ta sanga ma, ta lo Lɛngɔ Gbia tɛ Nzapa aba tɛngɔ ye, bere nyɔngɔ ye ma, kanda aba aye mɛ Tɔrɔ Santo ndohɛ̃ e. Aye ni lo mɛ: lingɔ ye na seni, dungɔ na mangbingɔ, nga na dungɔ na dengɔ bɛ.

Roma 14:19

Na lo ni ko, ale e gi ye mɛ ndohɛ̃ e mangbingɔ, ndokpengba nga na lo yengɔ tɛ e awa Kristo.

1 Kɔrinto 1:10

Aya bua, mbi gbɔ̃ gɛrɛ ĩ na ili Gbia tɛ e Yezo Kristo ya, ĩ tɛnɛ tɛnɛ nyɔ ĩ kɔi, ta ĩ kangbi popo tɛ ĩ ma, ĩ du na mangbingɔ, ale dangɔ bɛ tɛ ĩ na kɔdɛ ti lingɔ ye tɛ ĩ adu kɔi.

1 Kɔrinto 1:2

E to mbɛti olo hɛ̃ ĩ azi ti Eklezia mɛ ka Kɔrinto, ĩ mɛ ndo Nzapa aili ĩ ya, ĩ na Yezo Kristo ĩ ti bo kɔi, la ĩ ti azi tɛ ni. Lo ili nga azi zu mɛ ndovɔrɔ Gbia tɛ e Yezo Kristo na ndo kwɛ zu. Lo Gbia tɛ e na la zu.

1 Kɔrinto 10:14

Aya bua, na lo ni ko, ĩ du na kpengba lɛ, so ĩ vɔrɔ angbilondo.

1 Kɔrinto 14:1

Ale ĩ li kpengbani, í ye afɔ̃ ĩ, ko í separa nga luangɔ nguru kwa mɛ Tɔrɔ Santo ndohɛ̃ azi. Ale ĩ separa mai ya, ĩ lua nguru ti pangɔ nyɔ Nzapa.

1 Kɔrinto 6:18

Na lo ni ko, ta ĩ li siɔ ye ti kamɛnɛ bɛ gbɔ ma. Siɔ ye mɛ ndɛ̃ zu mɛ zo ndoli ko, ta ndogbɛ̃ tɛrɛ lo ma, kanda zo ko la ahɛ̃ tɛrɛ lo so lingɔ siɔ ye ti kamɛnɛ ko, afa ya, lo gbɛ̃ tɛrɛ lo nvɛni.

1 Timɔte 1:14

Gbia tɛ e Yezo Kristo ali nzɔ̃ bɛ tɛ lo ma wo ma hɛ̃ mbi, lo zi lege hɛ̃ mbi, la mbi ye lo tɛ lo, mbi ye nga lo.

1 Timɔte 1:5

Mbi pa hɛ̃ mɔ ya, mɔ gbanzi la, wadila ala ye afɔ̃ la. Ti nɛngɔ ya, ala ye afɔ̃ la ko, ale bɛ la adu vuruni, ale ala li ye mɛ ala hĩnga ya adu nzɔ̃ni, ale ala ye nga lo tɛ Nzapa na bɛ la kɔi.

1 Timɔte 2:8

Na lo ni la mbi ye ya, na ndo kwɛ ko, akɔli asambela Nzapa, aya ti la ndozu so vɔrɔngɔ lo na bɛ mɛ vuruni, ta ala du na ngɔnzɔ ma, ta ala pa nga pa ma.

1 Timɔte 4:12

Ta mɔ ye ya, zo asamana na mɔ, na lo mɛ ya, mɔ dɛ nyi kɔli ma. Kanda ale mɔ du wa fangɔ nzɔ̃ le lo na awa Kristo. Ale mɔ fa la na ni na se tɛnɛ tɛ mɔ, na se du tɛ mɔ, na se mɛ mɔ ndoye na lo tɛ Nzapa, nga na se mɛ mɔ ndodu na vuru bɛ.

1 Timɔte 6:11

Wa mɔ mɛ mɔ tɛ mɔ zo tɛ Nzapa ko, ale mɔ kpɛ asiɔ ye ko zu. Li kpengbani ya, mɔ li ye mɛ mbiri mbiri, ye mɛ ndode be Nzapa. Ngbã bo na yengɔ lo tɛ Nzapa, ye afɔ̃ mɔ, gbe bɛ mɔ, du na dede bɛ.

Aebreo 12:14

Ale ĩ li kpengbani, ĩ na azi zu, í du na mangbingɔ. Ale ĩ li nga kpengbani ya, du tɛ ĩ adu mbiri mbiri ka lɛ Gbia Nzapa. Ta sanga ma, se ta du tɛ zo adu mbiri mbiri ma ko, ta zo ni ahũ gbanda le Nzapa ma.

1 Petro 2:11

Aya bua, ĩ du awa ndɛ̃ ge lɛ sese, ĩ nga ma awa fɔnɔ. Mbi gbɔ̃ gɛrɛ ĩ ya, ĩ bata li ĩ na lo ti gwɛ̃ ti tɛrɛ ĩ mɛ ndotiri to na tɔrɔ tɛrɛ ĩ.

1 Petro 3:11

Ale lo zia lingɔ siɔ ye, Ko lo li ye mɛ nzɔ̃ni. Ale lo kpã mangbingɔ na popo tɛ afɔ̃ lo, Ko ta lo zia ni ma.

3 Yoanɛ 1:11

Kwa mbi ti kpɔ̃ bɛ mbi, ta mɔ mu se li ye tɛ zo ko ndoli siɔ lo ma, mu se li ye tɛ wa lingɔ nzɔ̃ lo. Zo ko ndoli nzɔ̃ lo ko, zo tɛ Nzapa la, kanda zo ko ndoli siɔ lo ko, ta lo hĩnga Nzapa ma.