2 Timɔte 2:2 - Fana Ngbangɔ 1987

² Tɛnɛ mɛ ndo mbi tɛnɛ hɛ̃ azi ma wo ma, ala aye lo ni ko, mu bo tɛnɛ ni ko, mɔ ha na abɛta azi mɛ ala lengbi ti hangɔ na azi mɛ ndɛ̃.

2 Timɔte 2:2 Iomraidhean Croise

Matie 13:52

La lo pa hɛ̃ la ya: “Na lo ni la, zo zu mɛ wa hangɔ ndia, mɛ lo ti nga wa mandangɔ lo ti Kɔdɔrɔ Gbia tɛ Nzapa ko, lo kpa nga ma nvɛ̃ ye mɛ amu fana ye, na ngbina ye ka ndo mɛ lo ndobata na nwa tɛ lo, asi na ni.”

Matie 24:25

Ĩ ma la! Mbi pia mbi pa ló ni hɛ̃ ĩ uzu.

Luka 12:42

Gbia Yezo agbinya ya: “Nzɔ̃ wa kwa mɛ lo nga wa kɔdɛ adu na? Adu wa kwa ko la gbia tɛ lo na ziangɔ lo ya, lo bata da, ko lo hɛ̃ nga tɛ hɛ̃ awa kwa mɛ ndɛ̃ na ngoi mɛ alengbi.

1 Kɔrinto 4:2

Ĩ nvɛni ĩ hĩnga nzɔ̃ni ya, se gbia azia kwa na ti wa kwa tɛ lo ko, ale ta wa kwa ko aweza kwa ni ma.

2 Kɔrinto 2:14

É hɛ̃ sia kɔli hɛ̃ Nzapa! Ta sanga ma, lo ndode uzu tɛ e ngoi zu na ya nɔ tɛ e so fangɔ ya, Yezo Kristo anwɔ asiɔ lo zu. Ko oko afa nga ya, e nwɔ nga ni zu, na lo mɛ ya, e na Yezo Kristo e ti bo kɔi. Nzapa ndoto e na ndo kwɛ, ya e pa tɛnɛ tɛ Yezo Kristo, wadila azi ahĩnga lo. Tɛnɛ ni adu nga ma nzɔ̃ yɔmbɔ mɛ afũ amu ndo kwɛ.

2 Kɔrinto 3:5

E hĩnga nzɔ̃ni ya, ta e lengbi ti lingɔ kwa ni ko na nguru tɛ e nvɛni ma, kanda e lengbi ti lingɔ kwa ni na nguru tɛ Nzapa.

Kɔlɔsɛ 1:7

Epafrasi ndo la aha ĩ na Nzɔ̃ Pa ni lo fɔ̃ e ti kpɔ̃ bɛ e, lo nga la e na lo e ndoli kwa tɛ Gbia. Lo ndoli kwa tɛ Yezo Kristo ka tɛ ĩ na se lɛ e na bɛ lo kɔi.

1 Timɔte 1:12

Mbi hɛ̃ sia kɔli hɛ̃ Gbia tɛ e Yezo Kristo mɛ asa nguru tɛrɛ mbi ya, mbi li na kwa tɛ ni. Mbi hɛ̃ lo sia kɔli na lo ko la lo mu mbi ka le lo ya, mbi du zo mɛ lo lengbi ti kpãngɔ bɛ lo ndo mbi, lo kpã nga mbi wa kwa tɛ lo.

1 Timɔte 1:18

Timɔte nyi mbi, mbi zia atɛnɛ ko mbi tɛnɛ na yamba ti mɔ, ya mɔ pa ni hɛ̃ azi nga ma se ko ndo awa pangɔ nyɔ Nzapa apa na ni uzu na lo tɛ mɔ. Da bɛ mɔ na atɛnɛ ni, wa mɔ tiri nzɔ̃ to.

1 Timɔte 4:14

Ta mɔ zia nguru kwa mɛ mɔ na ni ma, nguru kwa mɛ Nzapa ahɛ̃ mɔ na ngoi mɛ ndo awa pangɔ nyɔ lo apa na lo tɛ mɔ, akangba ti Eklezia akpa nga na ti la ndo mɔ ya, Nzapa asunu mɔ.

1 Timɔte 4:6

Se mɔ ha alo ko hɛ̃ ayata mɔ awa Kristo, wadila mɔ ti nzɔ̃ wa kwa tɛ Yezo Kristo, ko mɔ na fangɔ ya, mɔ kpengba na lo ti tɛnɛ tɛ Nzapa mɛ e ye lo ni, nga na lo ti bɛta lo tɛ lo mɛ mɔ ndotɔndɔ na Seni.

1 Timɔte 5:22

Se mɔ ye hɛ̃ngɔ zo kwa ti Eklezia ko, ta mɔ kpã ti mɔ ndo lo hiɔ ya, Nzapa asunu lo ma. Ale mɔ hĩnga lo uzu nzɔ̃ni wadila. Se mɔ hũ azi na lingɔ siɔ ye ko, ta mɔ li tɛ mɔ ni ma, kanda ale mɔ bata bɛ mɔ vuruni.

1 Timɔte 6:12

Tiri nzɔ̃ to na lo kwa tɛ Nzapa tɛ e, gbɔ̃ du ti kaka, ko mɔ̃ bata ni, ta sanga ma, Nzapa aili ndo mɔ na lo ni, na ngoi mɛ ndo mɔ pa lo ni nzɔ̃ni na gbɛlɛ azi ma wo ma.

2 Timɔte 3:10

Wa tɛ mɔ ko, mɔ hĩnga ye mɛ mbi ndoha na azi, mɔ hĩnga nga se li ye tɛ mbi. Mɔ hĩnga nda kwa mɛ mbi ndoli, mɔ hĩnga se mɛ mbi ye na lo tɛ Yezo bɛ mbi kɔi. Mɔ hĩnga yɔngɔrɔ bɛ tɛ mbi, mɔ hĩnga yengɔ mɛ mbi ye na azi, mɔ hĩnga nga gbengɔ bɛ tɛ mbi.

2 Timɔte 3:14

Wa tɛ mɔ ko, alo mɛ ndo aha na mɔ, nga na alo mɛ ndo mɔ ye lo ni na bɛ mɔ kɔi ko, gbɔ̃ ni ka ka ka. Mɔ hĩnga ya, azi ko ndo aha mɔ na alo ni ko ko, ala du abɛta azi.

Aebreo 2:17

Nda mɛ ndo ale lo ti kwɛ kɔi nga ma ayata lo azi la. Ale lo ti ndo nga ma la, wadila lo ti kota gbia tɛ awa lungɔ Nzapa na ye na lo tɛ la. Ale lo li ndo so, wadila lo li kwa ka gbɛlɛ Nzapa bɛ lo kɔi, ko lo ma nga vundu tɛ azi, lo tiɔ sende ti siɔ ye tɛ la.