2 Timɔte 2:19 - Fana Ngbangɔ 1987

¹⁹ Kanda Eklezia tɛ Nzapa adu nga ma da mɛ akpã gu gɛrɛ ni kpengbani. Asu tɛnɛ ka tɛrɛ gu gɛrɛ da ni ko ya: “Gbia ahĩnga azi tɛ lo.” Asu nga ya: “Zo ko la ndopa ya, ni zo tɛ Gbia ko, ale lo zia lege ti lingɔ siɔ ye.”

2 Timɔte 2:19 Iomraidhean Croise

Matie 24:24

Ta sanga ma, awa hangɔ lo tɛ Nzapa na nvɛnɛ aga gbanda, ko zo kɔi kɔi apa gbanda ya, ni Mɛsia, bere ni wa pangɔ nyɔ Nzapa. Ala li gbanda akota akukuna ye, na aye ti kpɛnɛ ya, se alengbi ko, ani handa azi mɛ Nzapa asara la akpã ya, ala du azi tɛ ni.

Matie 28:19

Wa ĩ gwe ka tɛ azi ti lɛ sese zu, ĩ li ya, ala ti ava mbi. Ĩ hɛ̃ la batisimɔ na ili To mbi Nzapa, na ili mbi Nyi lo, nga na ili Tɔrɔ Santo.

Matie 7:23

Ko mbi pa gbanda hɛ̃ la ya: ‘Ta mbi hĩnga ĩ bɛ gbɔ ma, í ɔ lɛ mbi, ĩ du awa lingɔ siɔ ye!’ ”

Matie 7:25

Ngoi mɛ ngu ani gbua gbua, asĩsĩ lɛkɛ lɛkɛ, yá aya kpengbani aga ti ndo da ni ko, ta da ni abukana ma, na lo mɛ ya, awa da ni na ndo tɛnɛ.

Marko 12:16

Ala mu faranga kɔi, aga na ni hɛ̃ Ĩo, ko lo hũnda la ya: “Lɛ zo na ili zo mɛ na lɛ faranga olo mɛ ko, adu tɛ na?” Ala gbinya hɛ̃ lo ya: “Adu lɛ kota gbia ti Roma nga na ili lo la.”

Marko 13:22

Ta sanga ma, awa hangɔ lo tɛ Nzapa na nvɛnɛ aga gbanda, ko zo kɔi kɔi apa gbanda ya, ni Mɛsia, bere ni wa pangɔ nyɔ Nzapa. Ala li gbanda akukuna ye nga na aye ti kpɛnɛ ya, se alengbi ko, ani handa azi mɛ Nzapa asara la akpã ya, ala du azi tɛ ni.

Luka 13:27

Ko lo ti pa gbanda hɛ̃ ĩ fani mɛ ndɛ̃ ya: ‘Ta mbi hĩnga ndo mɛ ĩ lo da ĩ ga ma. Ĩ ɔ le mbi, ĩ zu ĩ du awa lingɔ siɔ ye!’

Luka 6:48

Lo kpa nga ma zo mɛ ato nda wangɔ da. Lo gɛ̃ sese ali lipi lipi, ko lo kpã gu gɛrɛ da ni na ndo tɛ́nɛ. Ngoi mɛ ngu ĩ sĩ, ĩ mu da ni, ĩ boroka nga ni ko, ta ako da ni ma. Ta sanga ma, lo wa da ni nzɔ̃ni.

Yoanɛ 10:14

Mbi nga ma nzɔ̃ wa batangɔ angasã ngbaga. Nga ma se ko la To mbi ahĩnga mbi, mbi hĩnga nga lo ko, se mɛ nga mbi hĩnga na angasã ngbaga tɛ mbi, ko angasã ngbaga tɛ mbi ahĩnga nga mbi la. Mbi ka tɛrɛ mbi so la.

Yoanɛ 13:18

“Ta mbi ndohá ĩ zu ma, mbi hĩnga azi mɛ mbi sara la mbi kpã ya, ala du ava mbi. Kanda ale tɛnɛ mɛ asu ka ya Buku tɛ Nzapa ati na seni. Asu ka Buku ya: ‘Zo mɛ e na lo e tɛ ye ya sɛmbɛ kɔi ko, lo sana lo ti wa kɛ̃ngɔ mbi.’

Yoanɛ 3:33

Zo ko la aye tɛnɛ tɛ lo ko, zo mɛ ahĩnga ya, tɛnɛ tɛ Nzapa adu bɛta tɛnɛ la.

Awa Pangɔ Kwa 11:26

Lo ĩ tã Saulo ko, lo mu lo, lo gwe na lo ka Antiɔsɛ. Ala zu se ali ndo buru kɔi zu ka tɛ azi ti Eklezia mɛ kai, ko ala ha ndo azi gba na tɛnɛ tɛ Yezo. Ka Antiɔsɛ ndo la ato nda ilingɔ awa yengɔ lo tɛ Yezo ya, awa Kristo.

Awa Pangɔ Kwa 15:17

Azi mɛ ndɛ̃ zu mɛ ta Ayuda ma, Na azi ti lɛ sese zu mɛ mbi ili la ya, Ala du azi tɛ mbi ko, ala hũ ni, wa ala gi lege tɛ Gbia.

Awa Pangɔ Kwa 9:14

Ko lo ga ge na lo mɛ ya, agbia tɛ awa lungɔ Nzapa na ye ahɛ̃ lo nyɔ ya, lo gbɔ̃nɔ azi zu mɛ ndovɔrɔ mɔ.”

Roma 11:2

Ta Nzapa akɛ̃ azi tɛ lo mɛ ndo lo pia lo sara la gã lo kpã ya, ala du azi tɛ ni ma. Biani, ĩ hĩnga tɛnɛ mɛ asu ka ya Buku tɛ Nzapa, na lo tɛ Elia mɛ ndo adema tɛrɛ lo hɛ̃ Nzapa na lo tɛ awa Izrayɛlɛ ya:

Roma 12:9

Ale ĩ ye afɔ̃ ĩ na bɛ ĩ kɔi, ĩ kɛ̃ ye mɛ siɔni, ĩ ye ye mɛ nzɔ̃ni.

Roma 15:20

Kanda mbi ye pangɔ Nzɔ̃ Pa ni bo na ndo mɛ ta azi ade ama pa tɛ Yezo Kristo da ma. Mbi li so, ya ta zo anɛ ya, mbi wa da na ndo gu gɛrɛ da mɛ zo mɛ ndɛ̃ akpã ma,

Roma 15:9

Lo ga ndo nga ya, azi mɛ ta Ayuda ma agonda Nzapa na lo ti nzɔ̃ bɛ mɛ Nzapa ndoli hɛ̃ la, nga ma se mɛ asu na ni ka ya Buku tɛ Nzapa ya: “Nda mɛ mbi na gondangɔ mɔ na popo tɛ azi mɛ ta Ayuda ma, Ko mbi nga na yengɔ bia hɛ̃ mɔ la.”

Roma 8:28

E hĩnga ya, Nzapa ndoli ya, ye zu ati nzɔ̃ni na lo tɛ azi mɛ lo ili la na se bɛ lo nvɛni, azi mɛ ndoye lo.

Roma 9:11

Abɛ ta Rebeka ade ndo adú aya lo ma, abɛ nga ta aya lo ni ade ndo ali anzɔ̃ ye bere asiɔ ye ma ko, Nzapa apa ndo hɛ̃ Rebeka ya: “Kɔzo nyi mɔ adu gbanda wa lingɔ kwa hɛ̃ ngambi lo.” Nzapa apa ndo so, so fangɔ ya, ni ndosara zo na popo tɛ afɔ̃ lo nga ma se mɛ bɛ ni aye, ko ta ni ndosara zo na lo ti kwa tɛ lo ma, kanda ni ndosara zo mɛ ni ili lo.

1 Kɔrinto 1:2

E to mbɛti olo hɛ̃ ĩ azi ti Eklezia mɛ ka Kɔrinto, ĩ mɛ ndo Nzapa aili ĩ ya, ĩ na Yezo Kristo ĩ ti bo kɔi, la ĩ ti azi tɛ ni. Lo ili nga azi zu mɛ ndovɔrɔ Gbia tɛ e Yezo Kristo na ndo kwɛ zu. Lo Gbia tɛ e na la zu.

1 Kɔrinto 8:3

Kanda zo ko la aye Nzapa ko, Nzapa ahĩnga nga lo.

2 Kɔrinto 7:1

Aya bua, Nzapa ako akapa ni ko zu hɛ̃ e. Na lo ni ko, ale ta e mu tɛrɛ e, e li na siɔ ye bɛ kɔi ma, ale ta e ye nga ya, e du na siɔ ye kɔi ge ya bɛ e bɛ kɔi ma. Ale e kpɛ Nzapa, na lo ni ko, ale sé du tɛ e adu nga nzɔ̃ni buai.

Galatia 4:9

Ko na olo ko, ĩ hĩnga Nzapa. Ipɔ, mbi separa pangɔ ya, na olo ko, Nzapa ahĩnga ĩ. Ko nga ma la ĩ hĩnga Nzapa ko, asiɔ tɔrɔ mɛ ta kwa tɛ la da ma, ta ala nga na nguru ma ko, kɔdɛ mɛ ĩ diri ka tɛ la sia? Kɔdɛ mɛ ĩ ye ya, ĩ ti diri ĩ ti ambɛ tɛ la sia?

Efɛzɛ 2:20

Ĩ du nga ma atɛ̃nɛ mɛ awa na da. Ko awa pangɔ kwa tɛ Yezo Kristo na awa pangɔ nyɔ Nzapa adu tɛ la ndo nga ma gu gɛrɛ da ni. Wa Yezo Kristo nvɛni la nga ma tɛ́nɛ ti nda ngɔrɔ da.

Efɛzɛ 3:15

Adu na lo tɛ lo mɛ lo To e, la azi mɛ ka yayu, na ala mɛ ge tise ndodunga ka nda se wa tɛ la.

Efɛzɛ 4:30

Ta ĩ hɛ̃ vundu hɛ̃ Tɔrɔ Santo tɛ Nzapa ma, ta sanga ma, Tɔrɔ Santo adu nga ma nda tɛ Nzapa mɛ ndo lo minya tɛrɛ ĩ, so fangɔ ya, ĩ azi tɛ ni Nzapa. Tɔrɔ Santo ndofa nga ya, mbanga lá kɔi gbanda ko, Nzapa aso gbanda e.

1 Timɔte 3:15

bɛ se ta mbi si ka tɛ mɔ hiɔ ma ko, mɔ hĩnga se mɛ azi ti nda se wa tɛ Nzapa alengbi ti dungɔ na ni. Ala du azi ti Eklezia tɛ Nzapa mɛ lɛ lo ngɛ̃. Ala ndoha bɛta lo tɛ Nzapa, ko ala ndokpengba na ya bɛta lo ni nga ma ngbo da mɛ ndokpengba na da.

1 Timɔte 6:19

Se ala li so ko, afa ya ala bo bɛta nwa mɛ ndoninga na lo ti bi mɛ ka gbɛlɛ la, wadiía ala lua bɛta du.

Aebreo 11:10

Abrahama ndoku ndo ya, Nzapa ahɛ̃ ni kɔdɔrɔ mɛ Nzapa nvɛni la ali, kɔdɔrɔ mɛ ta ndogbɛ̃ ma.

2 Petro 3:14

Aya bua, nda mɛ na ngoi ko la ĩ ndoku la ti gangɔ tɛ Gbia ko, ale ĩ li kpengbani ya, í du na vuru bɛ la. Wa na ngoi ko la lo diri lo ga ko, ta lo bela ĩ na lo siɔ ye kɔi ma, ko ĩ du nga na bɛ ĩ pii ka gbɛlɛ lo.

1 Yoanɛ 2:19

Ndo uzu ko, e na la e ndodu ndoni kɔi, kanda ta ala ndo azi tɛ e nvɛni ma. Nda mɛ ala lo ge popo tɛ e asi la. Se adu ya, ala ndo azi tɛ e nvɛni ko, ale ta ala lo ndo ge popo tɛ e asi ma. Ala lo ge popo tɛ e asi, so fangɔ ya, ta ala zu adu ndo azi tɛ e nvɛni ma.

Suma 17:8

Wa ma nda ni lo mɛ: sa ko mɔ hũ ko, ndo gã ko, lo ndo lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma. Wa angbã yakere ko, lo lo ka ya du mɛ lipi lipi, lo si. Ngoi mɛ lo na singɔ ko, Nzapa na bingɔ lo ka lifɛlo. Azi ti lɛ sese mɛ ndo ta asu ili la ka ya Buku mɛ asuru na ili azi mɛ alua du ti kaka, na ngoi mɛ ndo Nzapa ato nda lingɔ sese ma ko, ala na hũngɔ lo. Ala nga na bemangɔ, na lo mɛ ya, sa ni ko ndo uzu lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma, lo na singɔ fani mɛ ndɛ̃.

Suma 2:13

ni hĩnga ndo mɛ ĩ ndodu da. Ĩ ndodu na ndo mɛ Satana ndole gbia da. Ĩ gbɔ̃ lo tɛ ni ka ka ka. Abɛ na ngoi ko ndo azi aho na Antipasi mɛ bɛta temwɛ tɛ ni, ka tɛ ĩ mɛ Satana ndodu da ko, ĩ gbɔ̃ ndo lo tɛ ni ka ka ka. Ta ĩ zia yengɔ lo tɛ ni ma.

Suma 21:14

Awa gu gɛrɛ gbágbá ni na ndo tɛnɛ sui kɔi ndoni sɛ. Asuru ili awa pangɔ kwa tɛ Nyi Ngasã Ngbaga sui kɔi ndoni sɛ na ndo tɛnɛ ni kɔi kɔi zu.

Suma 22:4

Ala hũ gbanda lo na lɛ la, asu nga gbanda ili lo na ndo lɛ la.

Suma 3:8

Zo ni ko apa ya, ni hĩnga ye zu mɛ ĩ ndoli, ni hĩnga nga ya nguru tɛ ĩ adu bo yakere, kanda ĩ ndoma nyɔ ni, ko ta ĩ bɛre nga lo tɛ ni ma. Ni zi nyɔ ngise ya ĩ li ka ya da, ko ta zo kɔi alengbi ti vĩngɔ ni ma.