2 Timɔte 2:16 - Fana Ngbangɔ 1987

¹⁶ Gɛgɛrɛ tɛnɛ, na tɛnɛ mɛ ta ndode nga bɛ Nzapa ma ko, ta mɔ yɔrɔ nyɔ mɔ da ma. Ta sanga ma, azi ko la ndotɛnɛ gi tɛrɛ atɛnɛ ni ko, ala ndoyu lege tɛ Nzapa, agwe yɔngɔrɔni.

2 Timɔte 2:16 Iomraidhean Croise

1 Kɔrinto 15:33

Ta zo ahanda ĩ ma, ĩ hĩnga ya: “Siɔ le kɛkɛ ndogbɛ̃ nzɔ̃ le kɛkɛ.”

1 Kɔrinto 5:6

Ta adu nzɔ̃ni ya, ĩ gonda tɛrɛ ĩ ma! Ĩ nvɛni ĩ hĩnga nda matɔ olo nzɔ̃ni. Matɔ ni lo mɛ: “Bɛ se yɔrɔ ti susungɔ na mapa adu yakere ko, asusu na mapa zu.”

1 Timɔte 1:9

E hĩnga nga ya, ta Nzapa alu ndia na lo tɛ abɛta azi ma, kanda lo lu ni na lo tɛ asiɔ azi, azi mɛ ndosaba tɛrɛ lo, azi mɛ ndokɛ̃ nyɔ lo, azi mɛ ta ndokpe lo, ndokpe nga aye mɛ Santo ma, azi mɛ na siɔ bɛ, azi mɛ ndoho to la bere ta la, azi mɛ ndokpɔ azi,

1 Timɔte 4:7

Wa abuba tɛnɛ ti mbaye mɛ ta ndode bɛ Nzapa ma ko, ta mɔ ye ni ma. Li kpengbani ya, du tɛ mɔ ade bɛ Nzapa.

1 Timɔte 6:20

Ee Timɔte, ló mɛ Nzapa azia na yamba ti mɔ ko, bata ni nzɔ̃ni. Gɛgɛrɛ tɛnɛ, na tɛnɛ mɛ ta ndode bɛ Nzapa ma ko, ta mɔ dɔ nyɔ mɔ ya ni ma. Ta mɔ dɔ nga nyɔ mɔ na ya lo ti nvɛnɛ mɛ azi ndoha ma. Ala ndoili lo ni ko ya, adu hĩngangɔ ndo. Kanda ta adu bɛta hĩngangɔ ndo ma.

2 Timɔte 2:14

Ale mɔ ndoda bɛ awa Kristo na atɛnɛ mɛ mbi tɛnɛ hɛ̃ mɔ. Gbɔ̃ gɛrɛ la na ili Nzapa ya, ta ala pa pa na lo ti abuba tɛnɛ ma. Ta pangɔ pa ndoza zo bɛ yakere ma, pangɔ pa ndogbɛ̃ tɛ lo bɛ azi mɛ ndoma ni.

2 Timɔte 2:21

Ko se tɛ e nga la. Se zo akɛ̃ lingɔ siɔ ye zu mɛ mbi pa lo ni ko, lo ti nga ma nzɔ̃ ye ti tɛngɔ na tɛ mɛ andobata na lo ti lá ti kota yenga. To gbia lo na batangɔ lo na lo tɛ lo nvɛni ya, lo za ni, lo li nga anzɔ̃ kwa zu hɛ̃ ni.

2 Timɔte 3:13

Wa tɛ asiɔ azi, nga na awa handangɔ azi ko, ala ndogwe bo uzu uzu na lingɔ siɔ ye. Ala ndohanda afɔ̃ la, ko ahanda nga gbanda la nvɛni.

Tito 1:11

Ale mɔ gbanzi la, ta sanga ma, ala ndogbɛ̃ ambanga nda se wa zu, ko ala ndoha lo mɛ ta alengbi ma so luangɔ faranga na lege mɛ siɔni.

Tito 1:14

Kɛ̃ hɛ̃ la kpengbani ya, ta ala ti kpã be la na ndo ndia tɛ azi mɛ akɛ̃ bɛta lo tɛ Nzapa ma.

Tito 3:9

Ta mɔ bimbi tɛnɛ ti buba ma, ta mɔ dikɔ ili akotara mɔ gbara gbara ma, ta mɔ pa azi na pa ma, ta mɔ bimbi nga tɛnɛ na lo ti ndia tɛ Mɔizɛ ma. Aye ko zu adu gɛgɛrɛ, ta nda ni nga da ma.

Aebreo 12:15

Ale ĩ du na kpengba lɛ, so zo adɔ lege ti nzɔ̃ bɛ tɛ Nzapa azia. Ale ĩ du na kpengba lɛ, so zo ati nga ma bɛngɛ mɛ ndomai. Ko gi tɛrɛ zo ni ko ndosi na alo, ko alo ni ndogbɛ̃ azi gba.

2 Petro 2:18

Ala ndoyakɛ tɛrɛ la na tɛnɛngɔ abuba tɛnɛ. Ala ndohanda azi mɛ alo ka popo tɛ apaganɔ asi bo lo mɛ, ko azi ni ko ndoli ye na se gwɛ̃ ti tɛrɛ la.

2 Petro 2:2

Azi gba na mungɔ lege tɛ la ti lingɔ asiɔ ye ti kamɛnɛ. Na lo ni ko, azi na tɛnɛngɔ siɔ tɛnɛ na ndo bɛta lo tɛ Nzapa.

Suma 13:14

Ahɛ̃ lo lege ya, lo li aye ti kpɛnɛ na gbɛlɛ sa ti kɔi, lo handa azi ti lɛ sese, ko ala ti na siɔ ye. Lo pa hɛ̃ azi ti lɛ sese ya, ala lɛkɛ ngbilondo, ko ala gonda na sa mɛ ndo ade li lo na zabe, la ta lo kpi ma.

Suma 13:3

Mbanga li sa ni ma bere ade ndo ni na kã ya aho lo, kanda kã ni amu. Azi ti le sese zu ĩ hũ so ko, ala gonda sa ni ma wo ma, ko ala na lo aɔ ndoni kɔi.