2 Timɔte 2:15 - Fana Ngbangɔ 1987

¹⁵ Li kpengbani, mɔ ti zo mɛ Nzapa alengbi ti gondangɔ lo, ko mɔ du wa kwa mɛ ta kamɛnɛ ti kwa tɛ lo ndogbɔ̃ lo ma. Ale mɔ pa hɛ̃ azi tɛnɛ mɛ aba bɛta lo tɛ Nzapa na seni.

2 Timɔte 2:15 Iomraidhean Croise

Matie 13:52

La lo pa hɛ̃ la ya: “Na lo ni la, zo zu mɛ wa hangɔ ndia, mɛ lo ti nga wa mandangɔ lo ti Kɔdɔrɔ Gbia tɛ Nzapa ko, lo kpa nga ma nvɛ̃ ye mɛ amu fana ye, na ngbina ye ka ndo mɛ lo ndobata na nwa tɛ lo, asi na ni.”

Marko 4:33

Ĩ ba se mɛ Yezo ndoha azi na tɛnɛ tɛ Nzapa na ya matɔ sĩni, gi tɛrɛ omɛ la. Lo ndoha tɛnɛ tɛ lo na se mɛ zo kɔi kɔi alengbi ti rnangɔ ni.

Luka 12:42

Gbia Yezo agbinya ya: “Nzɔ̃ wa kwa mɛ lo nga wa kɔdɛ adu na? Adu wa kwa ko la gbia tɛ lo na ziangɔ lo ya, lo bata da, ko lo hɛ̃ nga tɛ hɛ̃ awa kwa mɛ ndɛ̃ na ngoi mɛ alengbi.

Awa Pangɔ Kwa 2:22

Petro apa nga ya: “Ĩ awa Izrayɛlɛ, ĩ́ ma tɛnɛ mɛ mbi na pangɔ hɛ̃ ĩ. Yezo wa Nazarɛtɛ, lo zo mɛ ndo Nzapa afa ĩ na lo gbia tɛ lo, na lo mɛ ya, na lo nguru tɛ Nzapa ko, Yezo ali ndo aye ti kpɛnɛ, nga na akukuna ye na gbɛlɛ ĩ, nga ma se mɛ ĩ nvɛni ĩ hĩnga na ni.

Awa Pangɔ Kwa 20:27

na lo mɛ ya, ta mbi hɔndɛ ĩ na lo kɔi ma, kanda mbi pa lo tɛ Nzapa zu hɛ̃ ĩ.

Roma 14:18

Zo ko la ndoli kwa hɛ̃ Nzapa so ko, bɛ Nzapa ndode na lo tɛ lo, ko azi ndogonda nga lo.

Roma 16:10

Ĩ bala hɛ̃ mbi Apɛlɛsi mɛ ndo afa ya, ni beta zo tɛ Yezo Kristo. Ĩ bala hɛ̃ mbi azi ti nda se wa tɛ Aristobulɛ.

Roma 6:13

Ta ĩ mu apɛnzɛ tɛrɛ ĩ ndɛ̃ ndɛ̃ ndɛ̃ ĩ li na siɔ ye ma. Kanda ale ĩ hɛ̃ tɛrɛ ĩ hɛ̃ Nzapa, na lo mɛ ya, ĩ du azi mɛ ĩ so na pɛ kwá, ko í hɛ̃ lo apɛnzɛ tɛrɛ ĩ zu so lingɔ na ye mɛ bɛtani.

1 Kɔrinto 2:6

Abɛ nga sia ko, mbi ndoha nga bo ndara na awa Kristo mɛ lɛ la azi na lege tɛ Nzapa. Kanda ta ndara ni ko adu ndara tɛ azi ti lɛ sese, bere ndara tɛ akota azi mɛ ndole gbia ge lɛ sese ma, ala zu adu azi mɛ ndokpili.

2 Kɔrinto 10:18

Ti biani ko, zo ko la ndogonda tɛrɛ lo nvɛni ko, ta Nzapa ndohɛ̃ lo ndima ma, kanda zo mɛ Nzapa ndogonda lo ko, zo mɛ alua ndima la.

2 Kɔrinto 3:6

Lo la lo hɛ̃ e nguru ya, e du awa kwa ti pangɔ tɛnɛ ti fana ngbangɔ hɛ̃ azi. Ta fana ngbangɔ ni adu ndia mɛ ndo asu sungɔ ma, kanda fana ngbangɔ ni alo ka tɛ Tɔrɔ Santo. Ndia mɛ ndo asu, andoto zo ka ya kwá, kanda Tɔrɔ Santo ndohɛ̃ tɛ lo bɛta du hɛ̃ zo.

2 Kɔrinto 4:2

Na ya kwa mɛ e ndoli ko, e kɛ̃ lingɔ aye ti kamɛnɛ nga na aye ti gbe mbingo. Ta e ndoli ye na poroso ma, ta e ndogbinya tɛnɛ tɛ Nzapa ati ndɛ̃ ma. Kanda e ndopa bɛta tɛnɛ tɛ Nzapa yango, ko lo ndohũ e. E ndoli so ya, azi zu ahĩnga ya, e abɛta azi.

2 Kɔrinto 5:9

Bɛ se ta e dɛ e si ka tɔ̃nda lo ma, bɛ se e si ka tɔ̃nda lo ko, e separa bo ya, e li ye mɛ ndode bɛ lo.

Galatia 1:10

Oko afa ya, mbi ndogi ya, azi agonda mbi? Ipɔ, mbi ndosepara tɛ mbi ya, adu bo Nzapa wa agonda mbi. Ko mbi ndogi nga kɔdɛ ya, mbi li ye mɛ ndode bɛ azi? Ipɔ. Se adu ya, mbi ti ndogi kɔdɛ ya, mbi li ye mɛ ndode bɛ azi ko, ale ta mbi du wa kwa tɛ Yezo Kristo ma.

Efɛzɛ 1:13

Nzapa aso ndo ĩ mɛ ta ĩ Ayuda ma, ĩ mɛ ĩ ti nga azi tɛ lo na lo ti Nzɔ̃ Pa mɛ ĩ ma. Ngoi mɛ ndo ĩ ma na Nzɔ̃ Pa mɛ adu bɛta tɛnɛ ko, ĩ ye ndo lo tɛ Yezo Kristo, la Nzapa ahɛ̃ nga ĩ Tɔrɔ Santo mɛ ndo lo ko kapa ni. Tɔrɔ Santo adu nga ma nda tɛ Nzapa mɛ lo minya tɛrɛ ĩ, so fangɔ ya, ĩ azi tɛ ni.

1 Tɛsalɔnikɛ 2:4

Kanda ngoi zu ko, e ndopa ndo tɛnɛ nga ma se mɛ bɛ Nzapa aye. Ta sanga ma, lo hũ ya e abɛta azi, la lo zia Nzɔ̃ Pa tɛ lo na yamba ti e ya, e pa ni. E tɛnɛ ndo tɛnɛ so dengɔ na bɛ Nzapa mɛ ahĩnga dangɔ bɛ tɛ e, kanda ta e tɛnɛ ndo ni so dengɔ na be azi ma.

1 Tɛsalɔnikɛ 5:14

Aya bua, e gbɔ̃ gɛrɛ ĩ ya, ĩ tisa azi mɛ ndokɛ̃ lingɔ kwa, ĩ sa nguru bɛ awa mbɛtɔ. Ĩ za azi mɛ ta na nguru ma, ĩ du na yɔngɔrɔ bɛ na ndo azi zu.

1 Timɔte 4:6

Se mɔ ha alo ko hɛ̃ ayata mɔ awa Kristo, wadila mɔ ti nzɔ̃ wa kwa tɛ Yezo Kristo, ko mɔ na fangɔ ya, mɔ kpengba na lo ti tɛnɛ tɛ Nzapa mɛ e ye lo ni, nga na lo ti bɛta lo tɛ lo mɛ mɔ ndotɔndɔ na Seni.

Aebreo 4:11

Na lo ni ko, ale e li kpengbani ya, e si ka ndo ni ko, ko é li nga ya, ta zo kɔi na popo tɛ e akɛ̃ nyɔ Nzapa ma, so ta lo si kai ma, nga ma se tɛ akotara e mɛ ndo akɛ̃ nyɔ lo, na ngoi mɛ ndo ala ka bɛ ndo, ko na lo ni ko, ta ala si ndo ka ndo ni ko ma.

Zaki 1:12

Dengɔ bɛ ati na zo ko ndogbe bɛ lo na ya pɛnɔ mɛ lo ndohũ. Ta sanga ma, na pɛ gbengɔ bɛ tɛ lo ko, Nzapa ahɛ̃ lo gbanda du ti kaka. Du ti kaka ni adu mbana gɛrɛ mɛ ndo lo ko kapa ni hɛ̃ awa yengɔ lo.

Zaki 1:18

Bɛ lo nvɛni aye ndo, la lo hɛ̃ e bɛta du na lege ti bɛta tɛnɛ mɛ ndo lo tɛnɛ. Lo li so ya, e du abɛ li aye tɛ ni zu mɛ ni li.

2 Petro 1:10

Aya bua, ĩ ba nda mɛ ale ĩ li kpengbani sĩ, ko ĩ ngbã na lege tɛ Nzapa mɛ ndo aili ĩ, asara nga ĩ akpã ya, ĩ du azi tɛ ni la. Ta sanga ma, se ĩ li nga so ko, ta ĩ na tingɔ na ya siɔ ye bɛ gbɔ ma.

2 Petro 1:15

Mbi na lingɔ kpengbani ya, mbi fa ĩ na lege, uzu ti mbi kpingɔ, wa se mbi kpi wɛ ko, ĩ da bɛ ĩ na atɛnɛ ni ko ngoi zu.

2 Petro 3:14

Aya bua, nda mɛ na ngoi ko la ĩ ndoku la ti gangɔ tɛ Gbia ko, ale ĩ li kpengbani ya, í du na vuru bɛ la. Wa na ngoi ko la lo diri lo ga ko, ta lo bela ĩ na lo siɔ ye kɔi ma, ko ĩ du nga na bɛ ĩ pii ka gbɛlɛ lo.