2 Timɔte 2:14 - Fana Ngbangɔ 1987

¹⁴ Ale mɔ ndoda bɛ awa Kristo na atɛnɛ mɛ mbi tɛnɛ hɛ̃ mɔ. Gbɔ̃ gɛrɛ la na ili Nzapa ya, ta ala pa pa na lo ti abuba tɛnɛ ma. Ta pangɔ pa ndoza zo bɛ yakere ma, pangɔ pa ndogbɛ̃ tɛ lo bɛ azi mɛ ndoma ni.

2 Timɔte 2:14 Iomraidhean Croise

Matie 16:26

Se zo alua aye ti lɛ sese zu, wa se tɔrɔ tɛrɛ lo akpi ko, aye ni zu ati gɛgɛrɛ. Ta mbanga ye so lɛ sese mɛ se zo ahɛ̃ ko, atɔ̃ na tɔrɔ tɛrɛ lo da ma.

Awa Pangɔ Kwa 13:10

apa hɛ̃ lo ya: “Wa poroso, wa sana, zo tɛ Satana, wa kɛ̃ngɔ anzɔ̃ lo! Mɔ zia gbanda gbɛ̃ngɔ aye mɛ bɛ Gbia Nzapa aye lá wa?

Awa Pangɔ Kwa 15:24

E ma ya, azi alo ge tɛ e anɔ ka tɛ ĩ, agia ya li ĩ, ko bɛ ĩ angbã ngbũ na ndo tɛnɛ mɛ ala tɛnɛ hɛ̃ ĩ. Ko ta e la e to la ma.

Roma 14:1

Zo ko la ta lo yengɔ lo tɛ Yezo ali bɛ lo kpa ma ko, ale ĩ yamba lo, ta ĩ di lo na ya dangɔ bɛ mɛ lo na ni ma.

Galatia 1:7

Ti biani ko, ta Nzɔ̃ Pa mɛ ndɛ̃ da ma. Ko ambanga azi ndogia ya li ĩ, ala ndoye gbinyangɔ Nzɔ̃ Pa tɛ Yezo Kristo.

Efɛzɛ 4:17

Wa mbi gbɔ̃ gɛrɛ ĩ na ili Gbia ya, ĩ ma tɛnɛ mɛ mbi na tenɛngɔ, tɛnɛ ni lo mɛ: ale ta ĩ ti du du nga ma apaganɔ ma. Ala ndodu bo na gɛgɛrɛ dangɔ bɛ,

1 Tɛsalɔnikɛ 4:1

Aya bua, e na kɔngɔ nda mbɛti tɛ e so mɛ: ndo uzu ko, e ha ĩ na se li ye mɛ ndode bɛ Nzapa, ko e hĩnga ya, ĩ ndodu nga so biani. Ko na olo ko, e gbɔ̃ gɛrɛ ĩ ka ka ka na ili Gbia Yezo ya, ĩ ti du nzɔ̃ni aɔ ndo ti uzu.

2 Tɛsalɔnikɛ 3:6

Aya bua, awa Kristo zu ko la ndokɛ̃ lingɔ kwa, ndokɛ̃ nga lo mɛ ndo e ha na la ko, e gbɔ̃ gɛrɛ ĩ na ili Gbia Yezo Kristo ya, ta ĩ na la ĩ du ndoni kɔi ma.

1 Timɔte 1:4

Pa nga hɛ̃ la ya, ala zia kpãngɔ bɛ la na ndo agɛgɛrɛ tɛnɛ ti mbaye, ala zia nga dikɔngɔ ili akotara la gbara gbara, na lo mɛ ya, andohɛ̃ azi lege ya, ala bimbi tɛnɛ na popo tɛ la. Ko ta gi tɛrɛ ye ni ko ndoza la ya, ala li ye mɛ Nzapa aye ma. E hĩnga ye mɛ ndode bɛ Nzapa, na lo mɛ ya, e ye lo tɛ lo.

1 Timɔte 1:6

Ambanga azi azia anzɔ̃nzɔ̃ aye ni ko, ayu lege, ko ala ndobimbi bo tɛnɛ mɛ ta nda ni da ma.

1 Timɔte 4:8

Akpengba wele mɛ zo ndole ya, gbe tɛrɛ ni ati kpengbani na lo ni ko, andoza zo yakere. Kanda se du tɛ zo ade bɛ Nzapa ko, andoza zo sĩ nvɛni, na lo mɛ ya, zo ni ahĩnga ya, na olo ko, ni lua fana du wɛ, ko fana du ni nga na ngbãngɔ kaka.

1 Timɔte 5:21

Na ili Nzapa, na ili Yezo Kristo, nga na ili aangelo mɛ ndo Nzapa asara la akpã ko, mbi gbɔ̃ gɛrɛ mɔ sĩ nvɛni ya, mɔ tɔndɔ tɛnɛ ko la mbi tɛnɛ hɛ̃ mɔ. Ta mɔ pia mɔ kɛ̃ tɛnɛ tɛ zo mɛ avɔ̃ to tɛrɛ lo ka tɛ mɔ, bere mɔ pia mɔ ye tɛnɛ tɛ lo ma. Ta mɔ ye zo kɔi, ko mɔ dɔ zo mɛ ndɛ̃ mɔ zia ma.

1 Timɔte 6:13

Na ili Nzapa mɛ ndohɛ̃ dungɔ lɛ ngɛ̃ hɛ̃ aye zu, nga na ili Yezo Kristo mɛ ndo apa nzɔ̃ lo ni na gbɛlɛ Pɔnse Pilato ko, mbi hɛ̃ mɔ nyɔ ya,

2 Timɔte 1:6

Na lo ni la mbi da bɛ mɔ na nguru kwa mɛ ndo Nzapa ahɛ̃ mɔ, na ngoi mɛ ndo mbi kpa na ti mbi ndo mɔ, ko ale ta mɔ zia nguru ni agɔgɔtɔ ma.

2 Timɔte 2:16

Gɛgɛrɛ tɛnɛ, na tɛnɛ mɛ ta ndode nga bɛ Nzapa ma ko, ta mɔ yɔrɔ nyɔ mɔ da ma. Ta sanga ma, azi ko la ndotɛnɛ gi tɛrɛ atɛnɛ ni ko, ala ndoyu lege tɛ Nzapa, agwe yɔngɔrɔni.

2 Timɔte 2:23

Zia bimbingɔ agɛgɛrɛ tɛnɛ nga na atɛnɛ ti buba, na lo mɛ ya, azi mɛ ndobimbi gi tɛrɛ atɛnɛ ni ko, ala ndokɔ nda bimbingɔ tɛnɛ tɛ la na pangɔ pa.

2 Timɔte 4:1

Mbi gbɔ̃ gɛrɛ mɔ na ili Nzapa, nga na ili Yezo Kristo mɛ gbanda afa ngbanga tɛ azi mɛ lɛ la ngɛ̃, nga na tɛ awa kwáni. Na ili Yezo mɛ gbanda aga so lɛngɔ gbia ko, mbi gbɔ̃ gɛrɛ mɔ ya,

Tito 3:1

Pa hɛ̃ azi tɛ Nzapa zu ya, ala bi tɛrɛ la hɛ̃ agbia kɔdɔrɔ, ala bi nga tɛrɛ la hɛ̃ agbia tɛ leta. Ale ala ma nyɔ la, aye nga lingɔ anzɔ̃ ye zu.

Aebreo 13:9

Ambanga azi ndoha afana lo kɔndɛ kɔndɛ, wa ta ĩ ye ya, ala handa ĩ ma, so ĩ yu lege. Nzɔ̃ni ale nzɔ̃ bɛ mɛ Nzapa ndoli hɛ̃ e akpengba na bɛ e, kanda ta lo ti tɔndɔngɔ andia ti tɛ ti tɛngɔ alengbi ti kpengbangɔ na bɛ e ma. Ta azi ko la ndotɔndɔ andia ni ko alengbi ti luangɔ ye kɔi ti zangɔ la bɛ gbɔ ma.

2 Petro 1:13

Oko mbi de na olo lɛ mbi ngɛ̃ ko, nzɔ̃ni ale mbi ti da bɛ ĩ na atɛnɛ ni ko, wa se mɛ lɛ ĩ akpengba la.