2 Timɔte 2:13 - Fana Ngbangɔ 1987

¹³ Kanda se e du awa wezangɔ ló ko, ta lo ndoweza tɛ lo ló ma. Ta sanga ma, ta lo lengbi ti tɛnɛngɔ tɛnɛ nyɔ lo sɛ sɛ ma.”

2 Timɔte 2:13 Iomraidhean Croise

Matie 24:35

Ndozu na sese awɛ gbanda, kanda ta tɛnɛ tɛ mbi awɛ gbanda bɛ gbɔ ma.”

Roma 3:3

Wa nga ma la ambanga Ayuda aweza tɛnɛ ni ko, tɛnɛ mɛ e ti e tɛnɛ ndo ko nɛ? Oko afa ya, Nzapa nga na wezangɔ kapa mɛ ndo lo ko hɛ̃ la?

Roma 9:6

Ta mbi ye pangɔ ya, Nzapa aweza kapa mɛ ndo lo ko ma. Ti biani, ta atara Yakobo zu adu abɛta azi tɛ Nzapa ma.

1 Kɔrinto 1:9

Nzapa aili ndo ĩ ya, dangɔ bɛ tɛ ĩ na tɛ Nyi ni Yezo Kristo mɛ Gbia tɛ e ati bo kɔi. Ko ta lo ndoweza kapa mɛ lo ndoko ma.

1 Tɛsalɔnikɛ 5:24

Nzapa mɛ ndoili ĩ ya, ĩ du azi tɛ ni ko, lo na lingɔ so biani, ta sanga ma, ta lo ndoweza ló ma.

2 Tɛsalɔnikɛ 3:3

Ta Gbia ndoweza kapa tɛ lo ma. Lo na kpengbangɔ na bɛ ĩ, lo nga na batangɔ ĩ ya, ta Satana ali ĩ siɔni ma.

Tito 1:2

Mbi ndoli so ya, ala lɛndɛrɛ luangɔ du ti kaka. Nzapa mɛ ta ndopa nvɛnɛ ma, ako ndo kapa ti hɛ̃ngɔ e du ti kaka, uzu ti lo lingɔ sese.

Aebreo 6:18

Na lo ti ngɛ mɛ ndo Nzapa anyɔ, nga na lo ti kapa mɛ ndo lo ko ko, ta lo lengbi ti diringɔ na nyɔ lo ma, ta lo lengbi nga ti pangɔ nvɛnɛ ma. Na lo ni la e mɛ e kpɛ, e nɔ ka tɛ Nzapa ya, lo bata e ko, lo sa nguru ma wo ma na bɛ e ya, e kpã bɛ e kpengbani na ndo ye mɛ lo ko kapa ni hɛ̃ e.