2 Timɔte 2:12 - Fana Ngbangɔ 1987

¹² Se e gbe bɛ e ko, gbanda ko e na lo e lɛ nga gbia kɔi. Se e kɛ̃ lo ko, gbanda ko lo kɛ̃ nga e.

2 Timɔte 2:12 Iomraidhean Croise

Matie 10:33

Kanda zo ko gbanda abɛrɛ na gbɛlɛ azi ya, ta ni hĩnga mbi ma ko, mbi bere nga gbanda na gbɛlɛ To mbi mɛ ka yayu ya, ta mbi hĩnga zo ni ko ma.”

Matie 26:35

Petro apa hɛ̃ lo ya: “Bɛ se adu ya, aho mbi na mɔ ndoni kɔi ko, ta mbi na bɛrɛngɔ lo tɛ mɔ bɛ gbɔ ma.” La ambanga ava Yezo mɛ ndɛ̃ zu apa nga bo so.

Matie 26:75

La Petro ada bɛ lo na tɛnɛ mɛ Yezo atɛnɛ hɛ̃ lo ya: “Uzu ti kɔndɔ tongɔ mbela ko, mɔ na bɛrɛngɔ fani ta ya, ta mɔ hĩnga mbi ma.” Ko Petro alo ka ya ngbo, asi, ato to sinyɛ sinyɛ.

Marko 10:33

Lo pa hɛ̃ la ya: “Ĩ ma mbi, gwengɔ e ka Yeruzalɛmɛ lo mɛ. Kai ko, azi na kangɔ mbi Nyi Zo hɛ̃ agbia tɛ awa lungɔ Nzapa na ye, na awa hangɔ ndia. Ala na fangɔ ngbanga li mbi ya, aho mbi, ko ala na kangɔ mbi hɛ̃ apaganɔ.

Marko 8:38

Azi ti ngoi olo adu asiɔ azi, ala nga awa wezangɔ lo Nzapa. Ko se kamɛnɛ agbɔ̃ zo na lo tɛ mbi, nga na lo ti tɛnɛ tɛ mbi na gbɛlɛ azi ni ko, kamɛnɛ nga na gbɔ̃ngɔ mbi Nyi Zo na lo tɛ zo ni ko, na ngoi mɛ gbanda mbi e na aangelo mɛ santo, e ga na ya ndima tɛ To mbi.”

Luka 12:9

Kanda zo ko gbanda abɛrɛ na gbɛlɛ azi ya, ta ni hĩnga mbi ma ko, mbi Nyi Zo, mbi bere nga gbanda na gbɛlɛ aangelo tɛ Nzapa ya, ta mbi hĩnga zo ni ko ma.

Luka 22:29

Se ko la To mbi alɛkɛ na ndo akpã mbi gbia da ko, se mɛ nga mbi lɛkɛ na ndo mbi kpã ĩ agbia da la.

Luka 22:30

Mbi na ĩ e tɛ gbanda, e nyɔ nga ndoni kɔi ka Kɔdɔrɔ Gbia tɛ mbi, ko ĩ dunga nga gbanda na ndo angɛndɛ gbia, so fangɔ ngbanga tɛ azi ti ya ale sui kɔi ndoni sɛ mɛ so Izrayɛlɛ.”

Luka 9:26

Se kamɛnɛ agbɔ̃ zo na lo tɛ mbi Nyi Zo, nga na lo ti tɛnɛ tɛ mbi ko, kamɛnɛ agbɔ̃ nga gbanda mbi na lo tɛ zo ni ko, na ngoi mɛ gbanda mbi ga na ya ndima tɛ mbi, na tɛ To mbi nga na tɛ aangelo mɛ santo.

Awa Pangɔ Kwa 14:22

Ala sa ndo nguru bɛ awa Kristo, awa la ya, ala kpã bɛ la ngoi zu ndo Yezo. Polo na Barnabasi apa ndo hɛ̃ la ya: “Ale e hũ pɛnɔ sĩ, wa e si ka Kɔdɔrɔ Gbia tɛ Nzapa.”

Roma 5:17

Biani, zo kɔi ali ndo siɔ ye, la kwá ndokpɔ azi zu. Kanda na lo tɛ Yezo Kristo kɔi ko, e lua ye aɔ ndoni: azi zu mɛ Nzapa ndoli kota nzɔ̃ bɛ hɛ̃ la, ko lo ndomu nga la ya, ala abɛta azi ko, ala lua du ti kaka, ko ala lɛ gbanda gbia na lo tɛ Yezo Kristo.

Roma 8:17

E aya lo, na lo ni ko, e lua nga gbanda anzɔ̃ ye mɛ lo bata hɛ̃ azi tɛ lo. E na Yezo Kristo gbanda la e lua anzɔ̃ ye ni, ta sanga ma, oko la e ndohũ pɛnɔ ndoni kɔi na lo ko, e lua nga gbanda ndima ndoni kɔi ka tɛ Nzapa.

Filipɛ 1:28

Ta mbɛtɔ tɛ awa kɛ̃ngɔ ĩ agbɔ̃ ĩ bɛ gbɔ ma. Se ta mbɛtɔ tɛ la agbɔ̃ ĩ ma ko, ala hĩnga ya, Nzapa afa ngbanga abi li ani wɛ la. Kanda tɛ ĩ ko, ĩ hĩnga ya, ĩ mu lege ti songɔ kwá, ko Nzapa la afa lege ni na nguru tɛ lo.

1 Timɔte 5:8

Se ta zo akã asongo lo ma, se ta lo kã mai bo azi ti nda se wa tɛ lo nvɛni ma ko, afa ya, lo kɛ̃ lege tɛ Nzapa, ko siɔ ye tɛ lo aɔ nga ndo siɔ ye tɛ zo mɛ ta aye lo tɛ Nzapa ma.

Yudɛ 1:4

Mbi tɛnɛ nga so, ta sanga ma, ambanga asiɔ azi ali na popo tɛ e na poroso. Ala ndogbinya tɛnɛ ti nzɔ̃ bɛ tɛ Nzapa tɛ e ati ndɛ̃, ala ndopa nga ya, e lengbi ti lingɔ siɔ ye mɛ bɛ e aye. Ala kɛ̃ Yezo Kristo mɛ bo lo kɔi la wa hangɔ e na lo tɛ Nzapa, lo nga Gbia tɛ e. Asu ndo ka ya Buku tɛ Nzapa gã ya, Nzapa afa gbanda ngbanga abi li azi ni ko.

Suma 1:6

Lo li nga ya, e ti awa lungɔ To ni Nzapa na ye, ko ni du Gbia tɛ e. Yezo Kristo adu bɛ na ndima nga na nguru buru na buru ma ke! Seni la.

Suma 1:9

Mbi Yoanɛ nyita ĩ, mbi mɛ mbi na ĩ, nga na Yezo Kristo e ti bo kɔi ko, mbi ndohũ pɛnɔ mɛ ĩ ndohũ nga. Mbi na ĩ e ndogbe be e na ya pɛnɔ ni. Mbi na ĩ e du azi ti Kɔdɔrɔ Gbia tɛ lo. Agbɔ̃ ndo mbi ato ka ya zúa ti Patimɔsi, na lo mɛ ya, mbi pa tɛnɛ tɛ Nzapa mɛ Yezo Kristo temwɛ ni.

Suma 2:13

ni hĩnga ndo mɛ ĩ ndodu da. Ĩ ndodu na ndo mɛ Satana ndole gbia da. Ĩ gbɔ̃ lo tɛ ni ka ka ka. Abɛ na ngoi ko ndo azi aho na Antipasi mɛ bɛta temwɛ tɛ ni, ka tɛ ĩ mɛ Satana ndodu da ko, ĩ gbɔ̃ ndo lo tɛ ni ka ka ka. Ta ĩ zia yengɔ lo tɛ ni ma.

Suma 20:4

So pɛni, mbi hũ nga angɛndɛ gbia na azi so ndo ni dunga. Nzapa ahɛ̃ azi ni ko nguru ya, ala fa ngbanga tɛ azi. Mbi hũ nga atɔrɔ tɛrɛ azi mɛ ndo afara gɔ̃ la, na lo mɛ ya, ala pa ndo tɛnɛ tɛ Nzapa, apa nga bɛta tɛnɛ mɛ Yezo afa na la. Ta ala vɔrɔ ndo sa ni, bere ngbilondo tɛ sa ni ma. Ta asu ndo ili sa ni na ndo lɛ la, bere na ndo ti la ma. Ala so na pɛ kwá, ko ala na Yezo Kristo ale gbia buru koto kɔi.

Suma 20:6

Dengɔ bɛ, na nzɔ̃ lo ati na azi ko gbanda aso kɔzoni! Ta ala ti kpili gbanda kwá ti se ma. Ala du gbanda awa lungɔ Nzapa na ye, ala lu nga gbanda Yezo Kristo na ye, ala na Yezo alɛ nga gbanda gbia buru koto kɔi.

Suma 3:10

Wa oko la ĩ ma ndo nyɔ mɛ ni hɛ̃ ya, ĩ gbe bɛ ĩ na ya apɛnɔ, la ĩ gbe be ĩ ko, ni na batangɔ ĩ na ngoi mɛ gbanda apɛnɔ ati ndo azi ti lɛ sese zu so tarangɔ bɛ la.

Suma 3:21

Azi ko la agbe bɛ la na ya apɛnɔ, anwɔ ni ko, ni hɛ̃ gbanda lege hɛ̃ la ya, ala dunga na ndo ngɛnde tɛ ni ti gbia, nga ma se mɛ ndo ni gbe na bɛ ni na ya apɛnɔ, ni nwɔ ni, ko ni na To ni ani dunga na ndo ngɛndɛ ti gbia tɛ lo.

Suma 3:8

Zo ni ko apa ya, ni hĩnga ye zu mɛ ĩ ndoli, ni hĩnga nga ya nguru tɛ ĩ adu bo yakere, kanda ĩ ndoma nyɔ ni, ko ta ĩ bɛre nga lo tɛ ni ma. Ni zi nyɔ ngise ya ĩ li ka ya da, ko ta zo kɔi alengbi ti vĩngɔ ni ma.

Suma 5:10

Mɔ li ala ti azi mɛ mɔ Gbia tɛ la. Mɔ li nga la ala ti awa lungɔ Nzapa tɛ e na ye ya, Ala li kwa hɛ̃ lo. Ala lɛ nga gbanda gbia na ndo azi ti lɛ sese.”