2 Timɔte 2:11 - Fana Ngbangɔ 1987

¹¹ Atɛnɛ olo adu abɛta tɛnɛ. Atɛnɛ ni lo mɛ: “Se e na lo e kpili kɔi ko, gbanda ko e na lo e du nga lɛ e ngɛ̃ kɔi.

2 Timɔte 2:11 Iomraidhean Croise

Yoanɛ 14:19

Angbã yakere, ta azi ti lɛ sese na hũngɔ mbi fani mɛ ndɛ̃ ma, kanda ĩ na hũngɔ mbi. Ta sanga ma, mbi na songɔ na pɛ kwa, ko ĩ nga na songɔ na pɛ kwá.

Roma 6:5

Oko la e kpili nga ma Yezo Kristo, ko na lo ni e na lo e ti bo kɔi ko, Nzapa aso gbanda e, nga ma se mɛ ndo lo so na Yezo Kristo.

Roma 6:8

Nga ma la e na Yezo e kpili kɔi ko, e hĩnga ya, e na lo e ti du nga gbanda lɛ e ngɛ̃.

2 Kɔrinto 13:4

Ti biani, ngoi mɛ ndo agɔngɔ lo ndo krusi ko, lo ndo woni. Kanda na olo ko, lo so, ko lo ndodu lɛ lo ngɛ̃ na nguru tɛ Nzapa. Wa tɛ e ko, e na lo e ti bo kɔi, ko e nga woni. Kanda e na lo e ndodu nga lɛ e ngɛ̃ ndoni kɔi. Ko kwa mɛ e na lingɔ ka popo tɛ ĩ ko, e na lingɔ ni na nguru tɛ Nzapa.

2 Kɔrinto 4:10

Ngoi zu ko, azi ndogingisa ya ani ho e, nga ma se mɛ ndo aho na Yezo, kanda e de bo lɛ e ngɛ̃. Ko oko afa ya, Yezo adɛ nga lɛ lo ngɛ̃.

1 Tɛsalɔnikɛ 4:17

Wa e azi mɛ gbanda e dɛ lɛ e ngɛ̃ na ngoi ni ko, Nzapa aya e gbanda na la ndoni kɔi ka ya da baba ya, e tengbi na Gbia Yezo ka lɛ mbo. Ko e na lo e du gbanda ngoi zu ndoni kɔi.

1 Tɛsalɔnikɛ 5:10

Ta sanga ma, Yezo Kristo akpi ndo so e, ya e na ni e du ndoni kɔi. Bɛ adu ya e kpili ndo, bere adu ya, e dɛ gbanda lɛ e ngɛ̃ na lá ko gbanda Yezo Kristo adiri aga ko, e na lo e du gbanda ndoni kɔi.

1 Timɔte 1:15

Wa ĩ ba tɛnɛ ti biani mɛ azi zu alengbi ti yengɔ ni na be la kɔi lo mɛ: Yezo Kristo aga ndo ge le sese so songɔ awa lingɔ siɔ ye. Ko siɔ ye tɛ mbi la aɔ tɛ la zu.

1 Timɔte 3:1

Tɛnɛ mɛ mbi na pangɔ ni ko, adu bɛta tɛnɛ. Tɛnɛ ni lo mɛ: zo ko la aye tingɔ wa batangɔ azi ti Eklezia ko, lo ye lingɔ nzɔ̃ kwa.

Tito 3:8

Tɛnɛ ko la mbi tɛnɛ ko, adu bɛta tɛnɛ. Ko mbi ye ya, atɛnɛ mɛ mbi tɛnɛ ko, ha ni kpengbani, wadila azi ko la aye lo tɛ Nzapa ahɛ̃ tɛrɛ la na lingɔ anzɔ̃ kwa. Ba ye mɛ nzɔ̃ni, ko andoza nga azi la.