2 Timɔte 2:10 - Fana Ngbangɔ 1987

¹⁰ Na lo ni la mbi ndogbe bɛ mbi na ya alo zu, na lo tɛ azi mɛ ndo Nzapa asara la akpã ya, ala du azi tɛ ni. Mbi li so ya, Nzapa aso la ti ndo Yezo Kristo, ko ala lua nga ndima ti kaka.

2 Timɔte 2:10 Iomraidhean Croise

Matie 24:22

Se ta adu ya, Nzapa adiri na bi ti pɛnɔ ni angbã nduruni ma ko, ale ta zo kɔi alengbi ti ngbãngɔ lɛ lo ngɛ̃ ma. Kanda lo diri ndo na bi ni angbã yakere na lo tɛ azi mɛ ndo lo sara la lo kpã ya, ala du azi tɛ ni.

Matie 24:24

Ta sanga ma, awa hangɔ lo tɛ Nzapa na nvɛnɛ aga gbanda, ko zo kɔi kɔi apa gbanda ya, ni Mɛsia, bere ni wa pangɔ nyɔ Nzapa. Ala li gbanda akota akukuna ye, na aye ti kpɛnɛ ya, se alengbi ko, ani handa azi mɛ Nzapa asara la akpã ya, ala du azi tɛ ni.

Matie 24:31

Kota mbana avũ gbanda, ko mbi to gbanda aangelo tɛ mbi na lɛ sese zu ya, ato ka li sese asi ka nda ni gbɔ ko, ala bombi azi tɛ mbi mɛ mbi sara la mbi kpã.”

Luka 18:7

Azi mɛ Nzapa asara la akpa azi tɛ lo, ko bi na la, ala ndodɛrɛ kɔngɔ hɛ̃ lo ko, lo fa gbanda ngbanga tɛ la. Ta lo ndanga nga gbanda tɛrɛ lo na zangɔ la ma.

Luka 22:57

La Petro abɛrɛ ya: “Zo wali, ta mbi hĩnga lo ma.”

Yoanɛ 11:52

Ta lo lengbi ndo ti kpingɔ bo so Ayuda kɔi ma, kanda lo lengbi nga ti kpingɔ so bombingɔ lɛ aya Nzapa mɛ agundu na ndo kwe zu.

Yoanɛ 17:24

“Baba, mɔ hɛ̃ la hɛ̃ mbi, ko mbi separa ya, mbi e na la e dunga na ndo mɛ mbi na dungɔ da, wa ala hũ ndima tɛ mbi mɛ mɔ hɛ̃ mbi, na lo mɛ ya, mɔ ye mbi uzu ti mɔ lingɔ sese.

Yoanɛ 17:9

“Mbi sambela mɔ na lo tɛ la. Ta mbi sambela mɔ na lo tɛ azi ti lɛ sese ma, kanda mbi sambela mɔ na lo tɛ azi mɛ mɔ hɛ̃ la hɛ̃ mbi, ta sanga ma, ala azi tɛ mɔ.

Roma 2:7

Azi ko la ndohɛ̃ tɛrɛ la so lingɔ nzɔ̃ ye, ndogi nga ya, Nzapa ahɛ̃ ani ndima, agonda ani, ahɛ̃ nga ani du mɛ ta ndowɛ ma ko, Nzapa ahɛ̃ gbanda la du ti kaka.

Roma 9:23

Tɛ e mɛ lo ma vundu tɛ e, lo pia nga lo lɛkɛ e ya, e lua ndima ka tɛ ni ko, lo ye nga fangɔ e na kota ndima tɛ lo.

1 Kɔrinto 1:21

Aye mɛ Nzapa ali ndofa ndara tɛ lo, ko ngoi mɛ azi ndohũ aye ni ko, ta ala ndohĩnga Nzapa na lege ti ndara mɛ ala na ni ma. Nda mɛ lo ye ndo songɔ azi mɛ aye lo tɛ lo na lege ti tɛnɛ mɛ e ndopa la. Ko azi ti lɛ sese ndopa tɛ la ya, tɛnɛ ni ko adu tɛnɛ ti nyingɔ.

1 Kɔrinto 9:22

Ngoi mɛ mbi ndoli kwa na popo tɛ azi mɛ ta lo yengɔ lo tɛ Yezo ali bɛ la kpa ma ko, mbi ndodu nga ma se tɛ la. Mbi ndoli so ya, mbi ili la ngĩi hɛ̃ Gbia Yezo nvɛni. Bɛ se azi adu sia, ngoi mɛ mbi ndoli kwa na popo tɛ la ko, mbi ndodu nga ma se tɛ la. Mbi ndoli so ya, mbi ili ambanga na se kɔdɛ ndɛ̃ ndɛ̃ ndɛ̃ hɛ̃ Gbia Yezo, wadila Nzapa aso la.

2 Kɔrinto 1:6

Se e hũ pɛnɔ ko, alengbi ya, e hũ pɛnɔ ni so sangɔ nguru bɛ ĩ, ko ĩ ngbã nga na lege ti songɔ kwá. Se e lua nguru ko, alengbi ya, e lua nguru ni ko so sangɔ nga nguru bɛ ĩ, wadila ĩ gbe nga bɛ ĩ na ya gi tɛrɛ apɛnɔ mɛ e ndohũ.

2 Kɔrinto 12:15

Tɛ mbi ko, mbi na dungɔ na dengɔ bɛ sĩ ya, mbi ka aye tɛ mbi zu hɛ̃ ĩ gɛgɛrɛ, ko mbi ka nga tɛrɛ mbi nvɛni hɛ̃ ĩ na ndo ni, so zangɔ ĩ. Nga ma la mbi ye ĩ sĩ nvɛni ko, ta ĩ ye nga mbi sĩ ma?

2 Kɔrinto 4:15

Aye ko zu mɛ asi adu na lo tɛ ĩ ya, Nzapa ali nzɔ̃ bɛ hɛ̃ azi gba, wa na lo ni ko, ala hɛ̃ lo sia kɔli, ala gonda nga lo.

2 Kɔrinto 4:17

Pɛnɔ mɛ e ndohũ na olo ko, adu nyi pɛnɔ mɛ ta ndoninga ma. Ko pɛnɔ ni ndolɛkɛ hɛ̃ e kota ndima mɛ ndongbã kaka buai. Ko ndima ni na ɔngɔ maka.

Efɛzɛ 3:13

La mbi gbɔ̃ gɛrɛ ĩ ya, ta ĩ nzɛ̃ na lo ti pɛnɔ mɛ mbi ndohũ so ĩ ma. Ta sanga ma, se zo ahũ pɛnɔ so ĩ ko, adu kota ndima na lo tɛ ĩ.

Kɔlɔsɛ 1:24

Na olo ko, mbi ndosaba na lo ti apɛnɔ mɛ mbi ndohũ na lo tɛ ĩ. Ta sanga ma, mbi ndohũ apɛnɔ ni ko na ngbonga tɛrɛ mbi ya, mbi gu na nyɔ apɛnɔ mɛ ndo Yezo Kristo ahũ na lo tɛ azi ti Eklezia mɛ adu nga ma ngbonga tɛrɛ lo.

Kɔlɔsɛ 1:27

Ta sanga ma, lo ye fangɔ na la ya, lo mɛ ndo ni hɔndɛ na azi ko, adu lo mɛ nzɔ̃ni buai, lo mɛ aɔ aye zu, ko lo ni adu na lo tɛ azi zu. Lo ni lo mɛ: Yezo Kristo ndodu ka ya bɛ ĩ, na lo ni ko, ĩ ndolɛndɛrɛ ya, ĩ lua nga gbanda ndima ka tɛ Nzapa.

1 Tɛsalɔnikɛ 5:9

Ta Nzapa asara ndo e akpã ya, ni li ngɔnzɔ hɛ̃ e ma, kanda lo sara ndo e ya, Gbia tɛ e Yezo aso e.

2 Tɛsalɔnikɛ 2:14

Adu na lo ti songɔ ĩ ndo la lo ili ĩ, na lege ti Nzɔ̃ Pa mɛ ndo e pa hɛ̃ ĩ. Lo ili ĩ ya, ĩ lua nga ndima ka tɛ Gbia tɛ e Yezo Kristo.

2 Timɔte 1:1

Mbi Polo mɛ ndo Nzapa asara mbi na se bɛ lo nvɛni akpa ya, mbi du wa pangɔ kwa tɛ Yezo Kristo la mbi to mbɛti olo hɛ̃ mɔ Timɔte mɛ nyi mbi ti kpɔ̃ bɛ mbi. Mbi bala mɔ. Nzapa ahɛ̃ mbi kwa ya, mbi pa hɛ̃ azi lo ti bɛta du mɛ ndo lo ko kapa ni hɛ̃ azi mɛ ala na Yezo ati bo kɔi. To e Nzapa na Gbia tɛ e Yezo Kristo ali bɛ nzɔ̃ bɛ hɛ̃ mɔ, ama bɛ vundu tɛ mɔ, ali bɛ nga ya, bɛ mɔ adu pii ma ke!

2 Timɔte 2:1

Wa mɔ nyi mbi, kpengba na lege ti nzɔ̃ bɛ mɛ Yezo Kristo ndoli hɛ̃ mɔ.

2 Timɔte 2:3

Ale mɔ hũ pɛnɔ nga ma mbi, na lo ko la mɔ du bɛta turugu tɛ Yezo Kristo.

Tito 1:1

Mbi Polo mɛ wa kwa tɛ Nzapa, mbi mɛ nga wa pangɔ kwa tɛ Yezo Kristo la mbi to mbɛti olo hɛ̃ mɔ Tito. Mbi bala mɔ. Nzapa ahɛ̃ mbi kwa ya, mbi za azi tɛ ni mɛ ni sara la ni kpa. Mbi ndoza la ya, ala ye lo tɛ lo, ala hĩnga nga bɛta lo mɛ ndofa sé du mɛ ndode bɛ lo.

1 Petro 2:10

Ndo uzu ko, ta ĩ ndo azi tɛ Nzapa ma, ta lo ndoma nga ndo vundu tɛ ĩ ma. Kanda na olo ko, ĩ ti azi tɛ lo, lo ndoma nga vundu tɛ ĩ.

1 Petro 5:10

Ĩ ndohũ pɛnɔ, kanda na pɛ ngoi yakere ko, Nzapa mɛ ndoli kota nzɔ̃ bɛ hɛ̃ e, lo nvɛni na lɛkɛngɔ ĩ, kpengbangɔ na bɛ ĩ, hɛ̃ngɔ ĩ nguru. Lo la lo ili ĩ ya, ĩ lua ndima ti kaka ka tɛ ni, na lo mɛ ya, ĩ na Kristo ĩ ti bo kɔi.