2 Timɔte 1:9 - Fana Ngbangɔ 1987

⁹ Lo la lo so e, lo nga la lo ili e ya, e du azi tɛ ni. Ko ta lo so e, lo ili nga e na lo ti anzɔ̃ kwa mɛ e li ma, kanda lo li ndo so na se bɛ lo nvɛni, nga na nzɔ̃ bɛ tɛ lo. Uzu ti lo lingɔ sese ko, lo hɛ̃ ndo nyɔ lo ya, ni na lingɔ nzɔ̃ bɛ hɛ̃ e ti ndo Yezo Kristo.

2 Timɔte 1:9 Iomraidhean Croise

Matie 1:21

Lo na dúngɔ nyi kɔli, ko mɔ na dingɔ ili nyi ni ya Yezo, ta sanga ma, lo gbanda la lo so azi tɛ lo na ya asiɔ ye tɛ la.”

Luka 10:21

Bo na ngoi ni nvɛni ko, Tɔrɔ Santo asa dengɔ bɛ na bɛ Yezo, ko Yezo apa ya: “Oo Baba, mɔ Gbia ti yayu, mɔ nga Gbia ti tise, mbi hɛ̃ mɔ sia kɔli, ta sanga ma, ye mɛ mɔ hɔndɛ na awa ndara, mɔ hɔndɛ nga na awa mbɛti ko, mɔ fa ni na ambumbusɛ azi. Biani, Baba, seni la, na lo mɛ ya, mɔ ye ndo ya adu bo nga so, ko ade bɛ mɔ.

Yoanɛ 17:24

“Baba, mɔ hɛ̃ la hɛ̃ mbi, ko mbi separa ya, mbi e na la e dunga na ndo mɛ mbi na dungɔ da, wa ala hũ ndima tɛ mbi mɛ mɔ hɛ̃ mbi, na lo mɛ ya, mɔ ye mbi uzu ti mɔ lingɔ sese.

Yoanɛ 17:9

“Mbi sambela mɔ na lo tɛ la. Ta mbi sambela mɔ na lo tɛ azi ti lɛ sese ma, kanda mbi sambela mɔ na lo tɛ azi mɛ mɔ hɛ̃ la hɛ̃ mbi, ta sanga ma, ala azi tɛ mɔ.

Yoanɛ 6:37

Azi ko la To mbi ahɛ̃ la hɛ̃ mbi ko, ala na gangɔ ge tɛ mbi, ko ta mbi na kɛ̃ngɔ zo kɔi ko la na gangɔ ge tɛ mbi bɛ gbɔ ma.

Awa Pangɔ Kwa 15:18

Se nyɔ Gbia ndo la, lo nvɛni ndo la lo fa aye ni ko na azi gã.’ ”

Awa Pangɔ Kwa 2:47

Ala ndogonda Nzapa, la bɛ azi ndode na lo tɛ la. Lá kɔi kɔi, Gbia ndoso azi, ko lo ndosa la na li nɔ tɛ azi mɛ aye lo tɛ Yezo.

Roma 11:14

se alengbi ko, mbi li ya, Ayuda mɛ na ale tɛ mbi adu na sɔbɛrɛ, wadila Nzapa aso ambanga na popo tɛ la, na lo ti kwa tɛ mbi.

Roma 11:29

Ta sanga ma, ye mɛ Nzapa ndohɛ̃ zo ko, ta lo ndodiri lo mu ni ti zo ma. Ko zo mɛ lo ili lo ko, ta lo ndobɛ nga lo katɛ ma.

Roma 16:25

E gonda Nzapa! Lo na nguru ti kpengbangɔ na lo yengɔ tɛ ĩ, ko se mɛ Nzɔ̃ Pa tɛ Yezo Kristo mɛ mbi ndopa hɛ̃ azi ndopa nga na ni la. Ndo gã ko, Nzapa ahɔndɛ ndo Nzɔ̃ Pa ni na azi,

Roma 3:20

Ta sanga ma, ta Nzapa amu gbanda zo ya, lo beta zo, na lo mɛ ya, zo ni ko ali ye na se nyɔ ndia ma, kanda ndia ndofa bo zo na asiɔ ye mɛ lo ndoli.

Roma 9:11

Abɛ ta Rebeka ade ndo adú aya lo ma, abɛ nga ta aya lo ni ade ndo ali anzɔ̃ ye bere asiɔ ye ma ko, Nzapa apa ndo hɛ̃ Rebeka ya: “Kɔzo nyi mɔ adu gbanda wa lingɔ kwa hɛ̃ ngambi lo.” Nzapa apa ndo so, so fangɔ ya, ni ndosara zo na popo tɛ afɔ̃ lo nga ma se mɛ bɛ ni aye, ko ta ni ndosara zo na lo ti kwa tɛ lo ma, kanda ni ndosara zo mɛ ni ili lo.

Roma 9:24

Ta sanga ma, e du azi mɛ lo ili e ya, e du azi tɛ ni, ko ta adu bo e Ayuda kɔi la lo ili e ma, kanda lo ili nga azi mɛ ta Ayuda ma.

1 Kɔrinto 1:18

Na mangɔ tɛnɛ ti kwá mɛ ndo Yezo Kristo akpi ka ndo krusi ko, azi mɛ ayu lege tɛ Nzapa ndohũ tɛnɛ ni ka lɛ la nga ma tɛnɛ ti nyingɔ. Kanda e ko la e mu lege ti songɔ kwá ko, e ndohũ ni ka lɛ e nga ma tɛnɛ mɛ ndofa ya, Nzapa na nguru.

Efɛzɛ 1:11

Nzapa ndoli ye zu nga ma se mɛ lo hɛ̃ na nyɔ lo, lo ndoli nga ni na se bɛ lo nvɛni. Lo pia ndo lo sara e Ayuda lo kpã ya, e na Yezo Kristo e ti bo kɔi.

Efɛzɛ 1:9

e hĩnga na lo mɛ ndo lo hɔndɛ na azi gã. Lo hɛ̃ ndo nyɔ lo ya, ni li gbanda ló ni ko na se bɛ ni ti ndo Yezo Kristo.

Efɛzɛ 2:5

ko ngoi mɛ ndo e du azi mɛ tɔrɔ tɛrɛ e akpi na lo ti asiɔ ye tɛ e ko, lo bombi e na Yezo Kristo, lo so e na ya kwá kɔi. Na lo ti nzɔ̃ bɛ tɛ Nzapa ndo la Nzapa aso ĩ.

Efɛzɛ 3:11

Nzapa ali ndo so na se bɛ lo, na ngoi mɛ ndo ta lo dɛ lo li sese ma, ko lo li ni ti ndo Gbia tɛ e Yezo Kristo.

Filipɛ 3:14

La mbi ndokpe paka piko ya, mbi si ka nda ni, mbi lua mbana gɛrɛ mɛ Nzapa ndoili e ya, e ga e lua ka yayu. Lo ndoili e ti ndo Yezo Kristo.

1 Tɛsalɔnikɛ 4:7

Ta sanga ma, ta Nzapa aili ndo e ya, e li siɔ ye ti kamɛnɛ ma, kanda lo ili ndo e ya, e du na vuru bɛ.

1 Timɔte 1:1

Mbi Polo mɛ Nzapa na Yezo Kristo ahɛ̃ nyɔ hɛ̃ mbi ya, mbi du wa pangɔ kwa tɛ Yezo Kristo, la mbi to mbɛti olo hɛ mɔ Timɔte mɛ mɔ nga ma bɛta nyi mbi, na lo mɛ ya, mɔ ye lo tɛ Yezo Kristo. Nzapa la aso e, ko Yezo Kristo la e ndolɛndɛrɛ lo. Mbi bala mɔ. To e Nzapa na Gbia tɛ e Yezo Kristo ali bɛ nzɔ̃ bɛ hɛ̃ mɔ, ama bɛ vundu tɛ mɔ, ali bɛ nga ya, bɛ mɔ adu pii ma ke!

2 Timɔte 1:1

Mbi Polo mɛ ndo Nzapa asara mbi na se bɛ lo nvɛni akpa ya, mbi du wa pangɔ kwa tɛ Yezo Kristo la mbi to mbɛti olo hɛ̃ mɔ Timɔte mɛ nyi mbi ti kpɔ̃ bɛ mbi. Mbi bala mɔ. Nzapa ahɛ̃ mbi kwa ya, mbi pa hɛ̃ azi lo ti bɛta du mɛ ndo lo ko kapa ni hɛ̃ azi mɛ ala na Yezo ati bo kɔi. To e Nzapa na Gbia tɛ e Yezo Kristo ali bɛ nzɔ̃ bɛ hɛ̃ mɔ, ama bɛ vundu tɛ mɔ, ali bɛ nga ya, bɛ mɔ adu pii ma ke!

Tito 1:2

Mbi ndoli so ya, ala lɛndɛrɛ luangɔ du ti kaka. Nzapa mɛ ta ndopa nvɛnɛ ma, ako ndo kapa ti hɛ̃ngɔ e du ti kaka, uzu ti lo lingɔ sese.

Aebreo 3:1

Ayata mbi awa Kristo, na lo ni ko, ĩ mɛ Nzapa aili nga ĩ ya, ĩ du azi tɛ ni ko, ale ĩ da bɛ ĩ bo na Yezo. Nzapa ato ndo lo ya, lo du kota gbia tɛ awa lungɔ ni na ye. Lo la lo za e na ya lo tɛ lo mɛ e ye, ko lo ni nga la e ndopa hɛ̃ azi.

1 Petro 1:20

Uzu ti Nzapa lingɔ sese ko, lo pia ndo lo sara Yezo Kristo lo kpã ya, lo tɔ̃ azi. Ko ĩ da na olo na ngoi mɛ sese adoli ti wɛngɔ ko, Nzapa afa lo yango ya, ĩ lua nzɔ̃ lo na lo tɛ lo.

1 Petro 2:9

Kanda tɛ ĩ ko, ĩ du ale mɛ Nzapa asara ĩ akpã na lo tɛ lo, ĩ du awa lungɔ Gbia Nzapa na ye, ĩ abɛta azi tɛ Nzapa. Nzapa aili ĩ ya, ĩ lo ka ya mbingo ĩ si, í du na ya vuru ndo mɛ ngbɛ̃. Lo sara ĩ lo kpã ya, ĩ pa lo ti akwa ti ndima tɛ ni hɛ̃ azi.

Suma 13:8

Azi ti le sese zu na vɔrɔngɔ lo, wenge bo azi mɛ asuru ili la ka ya buku mɛ asuru na ili azi ko la alua du ti kaka. Asuru ndo ili azi ni ka ya buku uzu ti Nzapa lingɔ sese. Buku ni adu tɛ Nyi Ngasã Ngbaga mɛ ndo aho lo.

Suma 17:8

Wa ma nda ni lo mɛ: sa ko mɔ hũ ko, ndo gã ko, lo ndo lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma. Wa angbã yakere ko, lo lo ka ya du mɛ lipi lipi, lo si. Ngoi mɛ lo na singɔ ko, Nzapa na bingɔ lo ka lifɛlo. Azi ti lɛ sese mɛ ndo ta asu ili la ka ya Buku mɛ asuru na ili azi mɛ alua du ti kaka, na ngoi mɛ ndo Nzapa ato nda lingɔ sese ma ko, ala na hũngɔ lo. Ala nga na bemangɔ, na lo mɛ ya, sa ni ko ndo uzu lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma, lo na singɔ fani mɛ ndɛ̃.