2 Timɔte 1:8 - Fana Ngbangɔ 1987

⁸ Wa ale ta kamɛnɛ agbɔ̃ mɔ na ngoi mɛ mɔ ndopa lo tɛ Gbia tɛ e Yezo ma, ta kamɛnɛ agbɔ̃ nga mɔ na lo tɛ mbi mɛ mbi li bɔlɔkɔ na lo tɛ lo ma. Kanda ale mɔ hũ pɛnɔ na lo ti Nzɔ̃ Pa nga ma mbi, ko mɔ gbe bɛ mɔ na nguru mɛ Nzapa ahɛ̃ mɔ.

2 Timɔte 1:8 Iomraidhean Croise

Marko 8:38

Azi ti ngoi olo adu asiɔ azi, ala nga awa wezangɔ lo Nzapa. Ko se kamɛnɛ agbɔ̃ zo na lo tɛ mbi, nga na lo ti tɛnɛ tɛ mbi na gbɛlɛ azi ni ko, kamɛnɛ nga na gbɔ̃ngɔ mbi Nyi Zo na lo tɛ zo ni ko, na ngoi mɛ gbanda mbi e na aangelo mɛ santo, e ga na ya ndima tɛ To mbi.”

Luka 9:26

Se kamɛnɛ agbɔ̃ zo na lo tɛ mbi Nyi Zo, nga na lo ti tɛnɛ tɛ mbi ko, kamɛnɛ agbɔ̃ nga gbanda mbi na lo tɛ zo ni ko, na ngoi mɛ gbanda mbi ga na ya ndima tɛ mbi, na tɛ To mbi nga na tɛ aangelo mɛ santo.

Yoanɛ 15:27

Ko ĩ nga na dungɔ atemwɛ tɛ mbi, na lo mɛ ya, na tongɔ nda kwa tɛ mbi ko, e na ĩ bo ndoni kɔi.”

Yoanɛ 19:35

Zo mɛ akambisa tɛnɛ olo ko, lo hũ ni na lɛ lo, ko tɛnɛ mɛ lo tɛnɛ adu biani. Lo hĩnga ya, ni tɛnɛ beta tɛnɛ, ko lo tɛnɛ nga so ya, ĩ ye nga lo ni.

Awa Pangɔ Kwa 5:41

Awa pangɔ kwa tɛ Yezo azia awa fangɔ ngbanga agwe na dengɔ bɛ, ta sanga ma, Nzapa aye ndo ya, ale ali la siɔni na lo tɛ Yezo.

Roma 1:16

Mbi ndopa Nzɔ̃ Pa tɛ Yezo Kristo na gwalo. Nzɔ̃ Pa ni na nguru tɛ Nzapa, ko nguru ni ndoso azi zu mɛ aye lo tɛ Yezo Kristo. Ayuda la aso uzu, wa azi mɛ ta Ayuda ma aso tɛ la gesi.

Roma 16:25

E gonda Nzapa! Lo na nguru ti kpengbangɔ na lo yengɔ tɛ ĩ, ko se mɛ Nzɔ̃ Pa tɛ Yezo Kristo mɛ mbi ndopa hɛ̃ azi ndopa nga na ni la. Ndo gã ko, Nzapa ahɔndɛ ndo Nzɔ̃ Pa ni na azi,

Roma 8:36

E ndohũ pɛnɔ, nga ma se mɛ asu na ni ka ya Buku tɛ Nzapa ya: “Na lo tɛ mɔ Nzapa ko, azi ndogi kɔdɛ lá kɔi kɔi ya, ani ho e. Ala ndomu e ka lɛ la nga ma angasã ngbaga mɛ ala ndokpɔ.”

Roma 9:33

Tɛ́nɛ ni adu Yezo Kristo, ko Buku tɛ Nzapa ndopa lo ti tɛ́nɛ ni ko ya: “Ĩ ba, tɛ́nɛ mɛ azi ndota li gɛrɛ la na ni, ko andokinda la ko, Mbi kpã ni nga ma tɛ́nɛ ti nda ngɔrɔ da ka kɔdɔrɔ ti Siona. Zo ko la aye lo ti tɛ́nɛ ni ko, Ta kamɛnɛ na gbɔ̃ngɔ lo ma.”

1 Kɔrinto 1:6

Ngoi mɛ ndo e pa na tɛnɛ tɛ Yezo Kristo hɛ̃ ĩ ko, ĩ bata ndo tɛnɛ ni nzɔ̃ni ka ya bɛ ĩ.

2 Kɔrinto 6:7

e ndopa bɛta tɛnɛ tɛ Nzapa, e na nguru tɛ Nzapa. E ndoli ye na seni, ko ye mɛ e ndoli na seni adu nga ma e na ye ti tiringɔ na to, adu nga ma ye ti batangɔ na tɛrɛ e.

Efɛzɛ 3:1

Nda mɛ mbi Polo mɛ mbi ti wa bɔlɔkɔ na lo kwa mɛ ndo mbi ndoli hɛ̃ Yezo Kristo na lo tɛ ĩ, mbi sambela Nzapa hɛ̃ ĩ la.

Efɛzɛ 3:13

La mbi gbɔ̃ gɛrɛ ĩ ya, ta ĩ nzɛ̃ na lo ti pɛnɔ mɛ mbi ndohũ so ĩ ma. Ta sanga ma, se zo ahũ pɛnɔ so ĩ ko, adu kota ndima na lo tɛ ĩ.

Efɛzɛ 4:1

La mbi mɛ wa bɔlɔkɔ na lo ti kwa tɛ Gbia mɛ mbi ndoli, mbi gbɔ̃ gɛrɛ ĩ ya, ale se li ye tɛ ĩ adu nzɔ̃ni, nga ma se mɛ ndo Nzapa aye na ni na ngoi mɛ ndo lo ili na ĩ.

Efɛzɛ 4:17

Wa mbi gbɔ̃ gɛrɛ ĩ na ili Gbia ya, ĩ ma tɛnɛ mɛ mbi na tenɛngɔ, tɛnɛ ni lo mɛ: ale ta ĩ ti du du nga ma apaganɔ ma. Ala ndodu bo na gɛgɛrɛ dangɔ bɛ,

Filipɛ 1:7

Adu na seni ya, mbi da bɛ mbi na ĩ zu nga so, na lo mɛ ya, mbi ndoye ĩ sĩ nvɛni. Ta sanga ma, Nzapa ali nga hɛ̃ ĩ zu nzɔ̃ bɛ mɛ ndo lo li hɛ̃ mbi. Lo li ndo ni na ngoi mɛ ndo mbi tɔndɔ na nda lo ti Nzɔ̃ Pa ka gbɛlɛ awa fangɔ ngbanga. Na ngoi ni ndo ko, mbi wa ndo nga la ya, ala ye lo ti Nzɔ̃ Pa ni na bɛ la kɔi. Ko lo li nga nzɔ̃ bɛ ni na ngoi olo mɛ mbi ge ya bɔlɔkɔ.

Filipɛ 3:10

Ye mɛ mbi ye bo la, ale mbi hĩnga Yezo Kristo, mbi hĩnga nga nguru mɛ ndo lo so na ni na pɛ kwa, ale mbi hũ pɛnɔ nga ma se tɛ lo, mbi kpi nga kwa nga ma se tɛ lo.

Filipɛ 4:13

Mbi lengbi ti gbengɔ bɛ mbi na lingɔ aye ko zu, na lo nguru tɛ Yezo Kristo.

Kɔlɔsɛ 1:11

E ndohũnda nga Nzapa ya, lo kpengba na bɛ ĩ nzɔ̃ni na lo nguru tɛ lo mɛ na ndima, wadila na ya lo zu ko, ĩ gbe bɛ ĩ, ĩ du nga na yɔngɔrɔ bɛ.

Kɔlɔsɛ 1:24

Na olo ko, mbi ndosaba na lo ti apɛnɔ mɛ mbi ndohũ na lo tɛ ĩ. Ta sanga ma, mbi ndohũ apɛnɔ ni ko na ngbonga tɛrɛ mbi ya, mbi gu na nyɔ apɛnɔ mɛ ndo Yezo Kristo ahũ na lo tɛ azi ti Eklezia mɛ adu nga ma ngbonga tɛrɛ lo.

1 Tɛsalɔnikɛ 3:4

Ngoi mɛ ndo e dɛ ka popo tɛ ĩ ko, e pia ndo e pa hɛ̃ ĩ ya, azi na hɛ̃ngɔ e pɛnɔ. Ko e hũ nga ndo pɛnɔ ni biani, nga ma se mɛ ĩ hĩnga na ni.

1 Timɔte 2:6

mɛ ndo aka tɛrɛ lo so tɔ̃ngɔ azi zu. Lo kpi ndo na bi mɛ ndo Nzapa ako, ko oko afa ya, Nzapa aye ya, ni so azi zu.

2 Timɔte 1:10

Ko lo fa nzɔ̃ bɛ ni na olo, na ngoi mɛ Wa songɔ e Yezo Kristo aga. Yezo Kristo abi ndo nda nguru tɛ kwá, ko na lo ti Nzɔ̃ Pa, lo fa ndo e na lege ti luangɔ du ti kaka.

2 Timɔte 1:12

Ko na lo ni la mbi ndohũ apenɔ olo mɛ. Kanda mbi ndodu bo na kpengba bɛ, ta sanga ma, mbi hĩnga zo mɛ mbi ndokpã bɛ mbi ndo lo. Mbi hĩnga nga nzɔ̃ni ya, lo na nguru ti batangɔ Nzɔ̃ Pa mɛ ndo lo zia na ti mbi, ngbĩi nga ka ngoi mɛ gbanda lá ti fangɔ ngbanga alengbi.

2 Timɔte 1:16

Nzapa ama bɛ vundu tɛ Onezifɔre, nga na nda se wa tɛ lo ma ke! Ta sanga ma, Onezifɔre azu na bɛ mbi fani sĩni. Ta kamɛnɛ agbɔ̃ lo na lo bɔlɔkɔ mɛ mbi li ma.

2 Timɔte 2:3

Ale mɔ hũ pɛnɔ nga ma mbi, na lo ko la mɔ du bɛta turugu tɛ Yezo Kristo.

2 Timɔte 2:8

Da bɛ mɔ na Yezo Kristo mɛ ndo tara gbia Davidi. Lo kpi ndo, Nzapa aso lo na pɛ kwá, ko Nzɔ̃ Pa mɛ mbi ndopa hɛ̃ azi anɛ nga so.

2 Timɔte 2:9

Na lo ti Nzɔ̃ Pa ni la agbe mbi na nzingiri, mbi ndohũ pɛnɔ ma bere mbi wa lingɔ siɔ ye. Mbi la agbe mbi, kanda ta agbe tɛnɛ tɛ Nzapa ma.

2 Timɔte 4:17

Abɛ so ko, Gbia Yezo Kristo alo ndo so gunda mbi, ahɛ̃ nga mbi nguru. Na lo ni ndo la mbi pa tɛnɛ tɛ lo zu hɛ̃ azi zu mɛ ta Ayuda ma. Adu nga ma Gbia ahã ndo mbi na yanga abamara.

2 Timɔte 4:5

Kanda tɛ mɔ ko, li ye zu na nyɔ kpɔ̃ ni, gbe bɛ mɔ na ya apɛnɔ, li kwa tɛ mɔ ti pangɔ Nzɔ̃ Pa hɛ̃ azi. Kwa mɛ Nzapa ahɛ̃ mɔ ko, li kwa ni, mɔ kɔ nda ni kpɛkɛlɛ.

1 Petro 1:5

na lo mɛ ya, ĩ ye lo tɛ lo, ko lo ndobata ĩ na nguru tɛ lo ya, na ngoi mɛ gbanda sese awe ko, ni so ĩ, ko azi zu ahũ na lɛ la.

1 Yoanɛ 4:14

E nvɛni, e hũ ndo na lɛ e ya, To e Nzapa ato ndo Nyi lo ya, lo du Wa songɔ azi ti lɛ sese, ko adu lo ni la e ndopa hɛ̃ azi.

Yudɛ 1:24

Nzapa alengbi ti batangɔ ĩ ya, ta ĩ ti na ya siɔ lo ma. Lo lengbi nga ti kpongɔ siɔ ye tɛ ĩ zingɔ, mungɔ ĩ, lingɔ na ni ka ya ndima te lo na kota dengɔ bɛ.

Suma 1:2

Yoanɛ akambisa lo ti aye zu mɛ lo hũ na le lo. Lo pa ya, aye ni adu tɛnɛ tɛ Nzapa biani, ko Yezo Kristo la temwɛ ni.

Suma 1:9

Mbi Yoanɛ nyita ĩ, mbi mɛ mbi na ĩ, nga na Yezo Kristo e ti bo kɔi ko, mbi ndohũ pɛnɔ mɛ ĩ ndohũ nga. Mbi na ĩ e ndogbe be e na ya pɛnɔ ni. Mbi na ĩ e du azi ti Kɔdɔrɔ Gbia tɛ lo. Agbɔ̃ ndo mbi ato ka ya zúa ti Patimɔsi, na lo mɛ ya, mbi pa tɛnɛ tɛ Nzapa mɛ Yezo Kristo temwɛ ni.

Suma 12:11

Ayata e anwɔ ndo lo, na lo mɛ ya, Nyi Ngasã Ngbaga atɔ̃ ndo la na mɛnɛ tɛrɛ lo. Ala nwɔ nga ndo lo na lo ti bɛta tɛnɛ tɛ Nzapa mɛ ndo ala ndopa hɛ̃ azi. Ala ka ndo tɛrɛ la, ala kpili nga.

Suma 19:10

Lo ĩ tɛnɛ so ko, mbi kuku gbɛlɛ lo ya mbi vɔrɔ lo, lo pa nga hɛ̃ mbi ya, ta mbi vɔrɔ ni ma. Ni nga wa kwa tɛ Nzapa nga ma mbi na afɔ̃ mbi mɛ ndo abata bɛta tɛnɛ mɛ ndo Yezo afa na la. Lo pa nga hɛ̃ mbi ya, ale mbi vɔrɔ bo Nzapa. Bɛta tɛnɛ mɛ ndo Yezo afa na azi ko, bɛta tɛnɛ ni ahɛ̃ nguru hɛ̃ awa pangɔ nyɔ Nzapa, la ala ndopa ni.