2 Timɔte 1:7 - Fana Ngbangɔ 1987

⁷ Ta sanga ma, Tɔrɔ Santo mɛ Nzapa ahɛ̃ e ko, ta adu Tɔrɔ mɛ ndosa mbɛtɔ bɛ e ma, kanda adu Tɔrɔ mɛ ndohɛ̃ e nguru na ndara, Tɔrɔ mɛ ndoli ya, e ndoyengbi.

2 Timɔte 1:7 Iomraidhean Croise

Luka 10:19

Ĩ ma mbi! Mbi hɛ̃ ĩ nguru ya, ĩ dɔrɔ angbɔ na akpakete. Mbi hɛ̃ nga ĩ nguru ya, ĩ bi nda nguru tɛ Satana zu, ko ta ye kɔi alengbi ti lingɔ ĩ ma.

Luka 15:17

Ko ngoi mɛ kɔdɛ ĩ ti li lo ko, lo pa ya: ‘Awa kwa tɛ to mbi zu na ye ti tɛngɔ ma wo ma, ko mbi ge, mbi ndokpi gwɛ̃ nga sia?

Luka 24:49

Ko mbi nvɛni mbi na tongɔ hɛ̃ ĩ Tɔrɔ Santo mɛ ndo Nzapa ako kapa ti tongɔ lo. Kanda ale ĩ ngbã bo so Yeruzalɛmɛ nga ka Nzapa ato nguru hɛ̃ ĩ hĩ wadila.”

Luka 8:35

La azi anɔ so bangɔ lo mɛ fɛrɛ asi. Ala ĩ si so tɔ̃nda Yezo ko, ala hũ kɔli mɛ fɛrɛ asiɔ tɔrɔ alo ya tɛrɛ lo asi, lo du so tɔ̃nda Yezo na bɔngɔ tɛrɛ lo, kɔdɛ tɛ lo ati nga nzɔ̃ni. Azi ko ĩ hũ so ko, mbɛtɔ agbɔ̃ la.

Yoanɛ 14:27

“Mbi na ziangɔ ĩ, ko mbi na lingɔ ya, bɛ ĩ adu pii. Adu bɛ pii mɛ mbi na ni, la mbi na lingɔ ya, ĩ du nga na ni. Kanda ta azi ti lɛ sese alengbi ti lingɔ ya, ĩ du na bɛ pii, nga ma se mɛ mbi li ya, ĩ du na ni ma. Ta ĩ kpa bɛ ĩ ngbũ ma, ta mbɛtɔ agbɔ̃ nga ĩ ma.

Awa Pangɔ Kwa 1:8

Kanda ngoi mɛ Tɔrɔ Santo na zungɔ ndo ĩ ko, ĩ na luangɔ nguru. Ĩ na dungɔ atemwɛ ti pangɔ tɛnɛ tɛ mbi so Yeruzalɛmɛ, ka lɛ sese ti Yudea zu, na ti Samaria zu, nga ka nda sese gbɔ.”

Awa Pangɔ Kwa 10:38

Ĩ hĩnga se mɛ Nzapa asa na nguru tɛ Tɔrɔ Santo na tɛrɛ Yezo wa Nazarɛtɛ. Ĩ hĩnga nga se mɛ ndo Yezo afɔnɔ na ni na ndo kɔi kɔi. Lo li ndo anzɔ̃ lo, lo sara nga ndo azi zu mɛ na gbɛ ti Satana, ta sanga ma, Nzapa ndo ndoni kɔi na lo.

Awa Pangɔ Kwa 20:24

Ko mbi ndohũ tɛ mbi du tɛ mbi ge lɛ mbi gɛgɛre. Kɔtɛ lo mɛ ndosɔ bɛ mbi la, ale mbi nɔ na kwa tɛ mbi ngbĩi mbi kɔ nda ni, ko mbi onzi nga kwa mɛ ndo Gbia ahɛ̃ mbi. Kwa ni la, pangɔ Nzɔ̃ Pa ti nzɔ̃ bɛ tɛ Nzapa.

Awa Pangɔ Kwa 21:13

La Polo agbinya hɛ̃ e ya: “Nda to mɛ ĩ ndoto nɛ? Nda mɛ ĩ separa sangɔ mi bɛ mbi nɛ? Bɛ se agbɔ̃ mbi, aho mbi ka Yeruzalɛmɛ na lo tɛ Gbia Yezo ko, mbi ye.”

Awa Pangɔ Kwa 26:11

Mbi hɛ̃ ndo la pɛnɔ fani sĩni ka ya da sambela zu mɛ mbi ndotã la da. Ko mbi tara ndo gbanzingɔ la ya, ala zia yengɔ lo tɛ Yezo. Ngɔnzɔ agbɔ̃ ndo mbi hɛ̃ la, ko mbi ndogwe nga ndo ka ya ambanga kɔdɔrɔ mɛ ndɛ̃ so hɛ̃ngɔ la pɛnɔ.”

Awa Pangɔ Kwa 26:25

La Polo agbinya hɛ̃ lo ya: “Malo gbia, ta nyingɔ ya li mbi ma. Tɛnɛ mɛ mbi ndotɛnɛ adu bɛta tɛnɛ, ko ta adu tɛnɛ ti nyingɔ ma.

Awa Pangɔ Kwa 6:8

Nzapa ali ndo nzɔ̃ bɛ hɛ̃ Etieni, asa nga nguru tɛrɛ lo. Na lo ni ko, Etieni ndoli ndo akota ye ti kpɛnɛ, nga na akukuna ye na gbɛlɛ azi.

Awa Pangɔ Kwa 9:22

Kanda nguru mɛ ndo Saulo ndopa na Nzɔ̃ Pa tɛ Yezo ndomai ndo bo maingɔ. Ngoi mɛ ndo lo pa hɛ̃ Ayuda mɛ ndodu ka Damasi ya, Yezo lo Mɛsia ko, ala gi ndo kɔdɛ ti gbinyangɔ na tɛnɛ hɛ̃ lo gba.

Roma 5:5

Ko se e lɛndɛrɛ ye ni ko, ta kamɛnɛ na gbɔ̃ngɔ e ma, ta sanga ma, Nzapa afa na e ya, ni ndoye e sĩ. Lo fa ni ti ndo Tɔrɔ Santo mɛ lo kpã na ya tɛrɛ e.

Roma 8:15

Ta sanga ma, Tɔrɔ Santo mɛ ĩ lua ko, ta lo ndobi ĩ ambɛ ma, ta lo ndoli ya mbɛtɔ ati gbɔ̃ ĩ ma. Kanda lo kpa ĩ ya, ĩ ti aya Nzapa, lo nga la lo ndozi hɛ̃ e lege ya e ili Nzapa ya: “To e!”

1 Kɔrinto 2:4

Tɛnɛ tɛ Nzapa mɛ ndo mbi tɛnɛ hɛ̃ ĩ ko, ta mbi kara ndo ĩ na tɛnɛ lɛkpɛ lɛkpɛ na se kɔdɛ tɛ azi ti lɛ sɛse ma. Kanda Tɔrɔ Santo tɛ Nzapa afa ndo na ĩ ya, mbi tɛnɛ ndo tɛnɛ ni na nguru tɛ Nzapa nvɛni, ko ĩ hĩnga ndo ya, tɛnɛ ni adu biani.

Galatia 5:22

Kanda tɛ Tɔrɔ Santo ko, lo ndoli ya, azi ayengbi, adu na dengɔ bɛ, adu na bɛ pii, adu na yɔngɔrɔ bɛ, ali nzɔ̃ ye na tɛrɛ afɔ̃ la, adu nga na nzɔ̃ bɛ, ali ye na seni,

Kɔlɔsɛ 1:8

Lo pa hɛ̃ e ya, ĩ ndoye afɔ̃ ĩ na lo nguru tɛ Tɔrɔ Santo.

Aebreo 2:15

Yezo ali ndo nga so ya, ni tɔ̃ azi mɛ ati nga ma ambɛ na lo ti mbɛtɔ ti kwá, na ngoi mɛ ala de lɛ la ngɛ̃.

1 Petro 1:22

Ĩ ndotɔndɔ bɛta lo tɛ Nzapa, la bɛ ĩ ati vuruni ya, ĩ ye ayata ĩ awa Kristo na bɛ ĩ kɔi. Wa ale ĩ yengbi sĩ nvɛni na bɛ ĩ kɔi.

1 Yoanɛ 4:18

Se Nzapa aye zo ko, ta zo ni adu na mbɛtɔ ma. Zo ko ahĩnga ya, Nzapa aye ni biani ko, ta lo lengbi ti dungɔ na mbɛtɔ ma. Zo ko na mbɛtɔ ko, adu nga ma lo lua etumbu we.