2 Timɔte 1:6 - Fana Ngbangɔ 1987

⁶ Na lo ni la mbi da bɛ mɔ na nguru kwa mɛ ndo Nzapa ahɛ̃ mɔ, na ngoi mɛ ndo mbi kpa na ti mbi ndo mɔ, ko ale ta mɔ zia nguru ni agɔgɔtɔ ma.

2 Timɔte 1:6 Iomraidhean Croise

Luka 19:13

Uzu ti lo ɔngɔ ko, lo ili awa kwa tɛ lo sui kɔi, lo hɛ̃ zo kɔi kɔi nwa kɔi. Lo pa hɛ̃ la ya: ‘Ĩ dɛ buze na nwa olo mɛ, nga ka mbi diri mbi ga.’

Awa Pangɔ Kwa 19:6

Ngoi mɛ Polo ĩ kpã ti lo na ndo la ko, ala lua Tɔrɔ Santo. Ko ala to nda pangɔ tɛnɛ na yanga mɛ ta ala hĩnga ma, ala pa nga ndo nyɔ Nzapa hɛ̃ azi.

Awa Pangɔ Kwa 6:6

So pɛni, asi na la ka gbɛlɛ awa pangɔ kwa tɛ Yezo. La awa pangɔ kwa tɛ Yezo asambela Nzapa, akpã ti la ndo la ya, Nzapa sunu la.

1 Tɛsalɔnikɛ 5:19

Ta ĩ gbanzi Tɔrɔ Santo ya, lo zia lingɔ kwa ka ya bɛ ĩ ma.

1 Timɔte 4:14

Ta mɔ zia nguru kwa mɛ mɔ na ni ma, nguru kwa mɛ Nzapa ahɛ̃ mɔ na ngoi mɛ ndo awa pangɔ nyɔ lo apa na lo tɛ mɔ, akangba ti Eklezia akpa nga na ti la ndo mɔ ya, Nzapa asunu mɔ.

1 Timɔte 4:6

Se mɔ ha alo ko hɛ̃ ayata mɔ awa Kristo, wadila mɔ ti nzɔ̃ wa kwa tɛ Yezo Kristo, ko mɔ na fangɔ ya, mɔ kpengba na lo ti tɛnɛ tɛ Nzapa mɛ e ye lo ni, nga na lo ti bɛta lo tɛ lo mɛ mɔ ndotɔndɔ na Seni.

2 Timɔte 2:14

Ale mɔ ndoda bɛ awa Kristo na atɛnɛ mɛ mbi tɛnɛ hɛ̃ mɔ. Gbɔ̃ gɛrɛ la na ili Nzapa ya, ta ala pa pa na lo ti abuba tɛnɛ ma. Ta pangɔ pa ndoza zo bɛ yakere ma, pangɔ pa ndogbɛ̃ tɛ lo bɛ azi mɛ ndoma ni.

2 Timɔte 4:2

abɛ na nzɔ̃ ngoi, bere na siɔ ngoi ko, pa bo tɛnɛ tɛ Nzapa, ko mɔ pa ni mɔ diri ndo ni. Azi ko la ali siɔ ye ko, fa la na siɔ ye tɛ la, bela la na lo siɔ ye mɛ ala li, ko mɔ sa nguru bɛ la ya, ala li nzɔ̃ ye. Du na yɔngɔrɔ bɛ sĩ nvɛni na ngoi mɛ mɔ ndoha azi na tɛnɛ tɛ Nzapa.

Aebreo 6:2

na lo ti batisimɔ ndɛ̃ ndɛ̃ ndɛ̃ mɛ azi ndomu, na lo ti kpãngɔ ti ndo zo ya, Nzapa asunu lo na ya kwa tɛ lo, na lo ti songɔ na pɛ kwá, nga na lo ti ngbanga tɛ azi mɛ gbanda Nzapa afa. Lo fa gbanda ngbanga, ko ngbanga ni angbã kaka.

2 Petro 1:12

Ĩ ba nda mɛ bɛ se ĩ hĩnga aye olo ndo gã, bɛ se ĩ kpengba na ya bɛta lo mɛ ndo aha na ĩ ko, mbi ye bo ya, ale mbi ti da bɛ ĩ na ni ngoi zu la.

2 Petro 3:1

Aya bua, ĩ́ ba mbɛti ti sɛ mɛ mbi su, mbi to hɛ̃ ĩ lo mɛ. Na ya mbɛti ko ndo ti uzu, nga na ya omɛ ti sɛ ko, mbi diri na ndo aye mɛ ĩ hĩnga we. Mbi li so ya, ĩ da bɛ ĩ na ni, wadila ĩ li ni na seni.

Yudɛ 1:5

Bɛ se ĩ hĩnga atɛnɛ ni ko zu nzɔ̃ni ko, mbi ye ya mbi ti da bɛ ĩ na se mɛ ndo Gbia Nzapa aso na awa Izrayɛlɛ ka sese ti Egipito, nga na se mɛ ndo lo kpɔ na azi mɛ akɛ̃ yengɔ lo tɛ lo.