2 Timɔte 1:5 - Fana Ngbangɔ 1987

⁵ Mbi ndoda bɛ mbi na mɔ na lo tɛ Yezo mɛ ndo mɔ ye bɛ mɔ kɔi. Lo tɛ Yezo mɛ ndo tara mɔ Loisi mɛ wa dúngɔ ta mɔ, nga na Enisɛ mɛ ta mɔ aye uzu tɛ mɔ. Ko mbi hĩnga biani ya, mɔ ye nga lo tɛ Yezo.

2 Timɔte 1:5 Iomraidhean Croise

Yoanɛ 1:47

Ngoi mɛ Yezo ĩ hũ Natanaɛlɛ so ndoga ka tɛ lo ko, lo pa ya: “Ĩ ba beta wa Izrayɛlɛ la ndoga, ta lo ndopa nvɛnɛ bɛ yakere ma.”

Awa Pangɔ Kwa 16:1

Polo asi ndo ka kɔdɔrɔ mɛ ili ni la Dɛrbɛ. So pɛni, lo lo ndo ko, lo gwe ka kɔdɔrɔ mɛ ndɛ̃ mɛ ili ni la Listrɛ. Lo ĩ si kai ko, lo tã kɔli kɔi mɛ aye lo tɛ Yezo, ili kɔli ni la Timɔte. Ta Timɔte mɛ wa dúngɔ Timɔte ndo wa Yuda mɛ aye lo tɛ Yezo. Ko to Timɔte tɛ lo ndo zo ti sese ti Grɛsɛ.

Awa Pangɔ Kwa 26:26

Gbia Agripa ahĩnga tɛnɛ olo zu, ko na olo ko, mbi ndotɛnɛ ni na kpengba bɛ ge gbɛlɛ lo. Mbi hĩnga nzɔ̃ni ya, lo hĩnga atɛnɛ olo kɔi kɔi, ta sanga ma, ta tɛnɛ olo asi ndo na gbe mbingo ma.

Roma 14:14

Nga ma la mbi e na Gbia Yezo e ti bo kɔi ko, mbi hĩnga nzɔ̃ni nvɛni ya, ta mbanga tɛ kɔi mɛ siɔni da ma. Kanda se zo ada bɛ lo ya, mbanga tɛ kɔi adu siɔni, wa se lo ti tɛ ni ko, afa ya, lo li siɔni.

Roma 14:5

Mbanga zo ndoda bɛ lo ya, ambanga bi adu ngbondoni aɔ abi mɛ ndɛ̃, ko zo mɛ ndɛ̃ ndoda tɛ lo bɛ lo ya, abi zu bo kwɛ kɔi. Ko ale zo kɔi kɔi ahĩnga bo ya, dangɔ bɛ tɛ ni adu nzɔ̃ni.

Roma 15:14

Aya bua, tɛ mbi ko, mbi hĩnga nzɔ̃ni ya, ĩ ndoli anzɔ̃ ye sĩ. Mbi hĩnga ya, ĩ hĩnga alo zu mɛ ĩ lengbi ti hĩngangɔ ni. Mbi hĩnga nga ya, ĩ lengbi nga ti wangɔ afɔ̃ ĩ.

Roma 4:21

Lo hĩnga ndo biani ya, Nzapa alengbi ti lingɔ ya, kapa ko ndo lo ko hɛ̃ ni na tingɔ na seni.

Roma 8:38

Mbi hĩnga nzɔ̃ni ya, ta ye kɔi alengbi ti gbanzingɔ Nzapa ya, lo zia yengɔ e ma: abɛ aho e, abɛ e du lɛ e ngɛ̃, abɛ nga atɔrɔ mɛ na nguru, ndole nga gbia ka lɛ ndozu ko, ta ye kɔi alengbi ti gbanzingɔ Nzapa ya, lo zia yengɔ e bɛ gbɔ ma. Ta bɛ nga aye ti ngoi olo, bere aye ti ngoi mɛ na gangɔ gbanda,

2 Kɔrinto 6:6

Ye mɛ afa ya, e awa kwa tɛ Nzapa lo mɛ: bɛ e vuruni, e hĩnga bɛta lo tɛ Nzapa, e na yɔngɔrɔ bɛ, e na nzɔ̃ bɛ, e na Tɔrɔ Santo ya tɛrɛ e, e ndoye afɔ̃ e na bɛ e kɔi,

1 Timɔte 1:5

Mbi pa hɛ̃ mɔ ya, mɔ gbanzi la, wadila ala ye afɔ̃ la. Ti nɛngɔ ya, ala ye afɔ̃ la ko, ale bɛ la adu vuruni, ale ala li ye mɛ ala hĩnga ya adu nzɔ̃ni, ale ala ye nga lo tɛ Nzapa na bɛ la kɔi.

1 Timɔte 4:6

Se mɔ ha alo ko hɛ̃ ayata mɔ awa Kristo, wadila mɔ ti nzɔ̃ wa kwa tɛ Yezo Kristo, ko mɔ na fangɔ ya, mɔ kpengba na lo ti tɛnɛ tɛ Nzapa mɛ e ye lo ni, nga na lo ti bɛta lo tɛ lo mɛ mɔ ndotɔndɔ na Seni.

2 Timɔte 1:12

Ko na lo ni la mbi ndohũ apenɔ olo mɛ. Kanda mbi ndodu bo na kpengba bɛ, ta sanga ma, mbi hĩnga zo mɛ mbi ndokpã bɛ mbi ndo lo. Mbi hĩnga nga nzɔ̃ni ya, lo na nguru ti batangɔ Nzɔ̃ Pa mɛ ndo lo zia na ti mbi, ngbĩi nga ka ngoi mɛ gbanda lá ti fangɔ ngbanga alengbi.

2 Timɔte 3:15

Ato na ngoi ko ndo mɔ dɛ nyingambi, anɔ ngbĩi asi na lá olo ko, mɔ hĩnga atɛnɛ ti ya Buku tɛ Nzapa. Atɛnɛ ni ko alengbi ti sangɔ ndara bɛ mɔ ya, mɔ ye lo tɛ Yezo Kristo, wa Nzapa aso mɔ.

Aebreo 11:13

Azi ko zu angbã ndo bo na lo yengɔ lo tɛ Nzapa ka bɛ la, akpili na ni. Ta ala lua ndo aye mɛ Nzapa ako kapa ni hɛ̃ la ma. Kanda ala du ndo ka yɔngɔrɔni, ahũ aye ni ko bo na lɛ la, ko bɛ la ade ndo na lo ni. Ko ala pa ndo ya, ge lɛ sese ko, ani du nga awa ndɛ̃, ani du nga ma azi mɛ akpɛlɛ kɔdɔrɔ tɛ la.

Aebreo 6:9

Aya bua, bɛ se e tɛnɛ nga so ko, ta e ndokpã bɛ e ngbũ na lo tɛ ĩ ma. E hĩnga ya, ĩ ndodɔ nɔ na nzɔ̃ lege mɛ adu lege ti songɔ kwá.

1 Petro 1:22

Ĩ ndotɔndɔ bɛta lo tɛ Nzapa, la bɛ ĩ ati vuruni ya, ĩ ye ayata ĩ awa Kristo na bɛ ĩ kɔi. Wa ale ĩ yengbi sĩ nvɛni na bɛ ĩ kɔi.