2 Timɔte 1:3 - Fana Ngbangɔ 1987

³ Mbi ndohɛ̃ sia kɔli hɛ̃ Nzapa mɛ mbi ndoli kwa hɛ̃ lo na vuru bɛ, nga ma se ko ndo akotara mbi ali nga na kwa hɛ̃ lo. Ngoi zu mɛ mbi ndovɔrɔ Nzapa ko, mbi ndoda bɛ mbi na mɔ bi na lá.

2 Timɔte 1:3 Iomraidhean Croise

Luka 2:37

Kɔ lo akpi ti lo, ko lo la so pɛ kwá tɛ kɔ lo ngbĩi lo ti na buru sui miambe ndoni siɔ. Lo ndonɔ ndo lá kwɛ lá kwɛ ka ya kota da Nzapa. Ko lo ndovɔrɔ ndo Nzapa bi na lá, lo ndokɛ̃ ndo tɛ so vɔrɔngɔ Nzapa.

Awa Pangɔ Kwa 22:3

“Mbi wa Yuda, adú mbi ka Tarsi, ka sese ti Silisia, kanda akã ndo mbi ge Yeruzalɛme. Wa hangɔ mbi na ye ndo la Gamaliɛlɛ. Mbi manda tɔndɔngɔ andia tɛ akotara e na seni na gbe ti lo. Mbi ndoli ndo kwa hɛ̃ Nzapa na gonvɛnɛ, nga ma se mɛ ĩ zu ĩ ndoli na olo mɛ.

Awa Pangɔ Kwa 23:1

Polo aba awa fangɔ ngbanga toka toka, apa hɛ̃ la ya: “Aya bua, mbi ndodu ndo na vuru bɛ ngoi zu ka gbɛlɛ Nzapa, ko vuru bɛ ni ade bo na lá olo kpɔ.”

Awa Pangɔ Kwa 24:14

Wa ba bo ye mɛ mbi ye lo ni ge gbɛlɛ mɔ lo mɛ: mbi ndoli kwa hɛ̃ Nzapa mɛ ndo akotara e avɔrɔ, mbi mu nga lege tɛ Gbia Yezo, ko azi olo ndomu tɛ la lege ni ka lɛ la ya, ta adu beta lege ma. Kanda mbi ye lo zu ko la asu ka ya buku ti ndia, mbi ye nga nyɔ Nzapa mɛ ndo awa pangɔ nyɔ lo asu.

Awa Pangɔ Kwa 24:16

Nda mɛ mbi ndoli kpengbani ya, ale mbi du na vuru bɛ ngoi zu ka gbɛlɛ Nzapa, nga ka gbɛlɛ azi la.

Awa Pangɔ Kwa 26:4

“Ayuda zu ahĩnga sé du tɛ mbi, ato na ngoi mɛ ndo mbi dɛ nyi kɔli. Ala hĩnga se mɛ mbi to nda maingɔ ka popo tɛ azi tɛ mbi, na ngoi mɛ ndo mbi ka Yeruzalɛmɛ.

Awa Pangɔ Kwa 27:23

Nzapa tɛ mbi mɛ mbi ndoli kwa hɛ̃ lo ato mbanga angelo tɛ lo, ko angelo ni asi gbɛlɛ mbi fɛrɛ na bi olo,

Roma 9:1

Tɛnɛ mɛ mbi na tɛnɛngɔ hɛ̃ ĩ ko, adu beta tɛnɛ, na lo mɛ ya, mbi zo tɛ Kristo, ko ta tɛnɛ tɛ mbi adu nvɛnɛ ma. Kɔdɛ tɛ mbi mɛ Tɔrɔ Santo gbia ni ndofa nga na mbi ya, tɛnɛ ni adu beta tɛnɛ.

2 Kɔrinto 1:12

Ĩ ba ye mɛ e lengbi ti gondangɔ tɛrɛ e na lo ni lo mɛ: e hĩnga nzɔ̃ni ge ya bɛ e ya, na ya du tɛ e ge lɛ sese, mai bo du mɛ e du ka popo tɛ ĩ ko, du ni adu bɛtani, adu nga mbiri mbiri. Ko Nzapa la ali ya, du ni ko adu so. Wa ta du tɛ e adu so, na lo ti ndara tɛ azi ti lɛ sese ma, kanda adu na lo ti nzɔ̃ bɛ tɛ Nzapa.

Galatia 1:14

Afɔ̃ mbi Ayuda ma wo ma mɛ ndo buru tɛ mbi na tɛ la kɔi ko, mbi ɔ ndo la na tɔndɔngɔ ndia ti ló Nzapa tɛ e Ayuda. Mbi ndohɛ̃ ndo tɛrɛ mbi sĩ so tɔndɔngɔ sé du tɛ akotara e.

Efɛzɛ 1:16

mbi ndohɛ̃ sia kɔli hɛ̃ Nzapa ngoi zu na lo tɛ ĩ. Na ngoi sambela tɛ mbi ko, mbi ndosambela nga hɛ̃ ĩ.

1 Tɛsalɔnikɛ 3:10

Bi na lá, e ndohũnda Nzapa na bɛ e kɔi ya, lo zi lege hɛ̃ e, e nvɛni e diri e nɔ e ba ĩ, ko e ha ĩ na ye mɛ ta ĩ dɛ ĩ hĩnga ma, wa lo yengɔ tɛ ĩ ati kpengbani buai.

1 Timɔte 1:19

Ngbã bo na yengɔ lo tɛ Yezo Kristo, ngbã nga na vuru bɛ. Ambanga azi akɛ̃ ndo batangɔ bɛ la vuruni, ko na lo ni ko, lo yengɔ tɛ la akpi kpɔɔ.

1 Timɔte 1:5

Mbi pa hɛ̃ mɔ ya, mɔ gbanzi la, wadila ala ye afɔ̃ la. Ti nɛngɔ ya, ala ye afɔ̃ la ko, ale bɛ la adu vuruni, ale ala li ye mɛ ala hĩnga ya adu nzɔ̃ni, ale ala ye nga lo tɛ Nzapa na bɛ la kɔi.

1 Timɔte 5:5

Wali mɛ we muã nvɛni, ko ta zo ti zangɔ lo da ma ko, lo ndolɛndɛrɛ Nzapa, ta lo ndonzɛ̃ na vɔrɔngɔ Nzapa, nga na hũndangɔ lo bi na lá ya, lo za ni ma.

2 Timɔte 1:5

Mbi ndoda bɛ mbi na mɔ na lo tɛ Yezo mɛ ndo mɔ ye bɛ mɔ kɔi. Lo tɛ Yezo mɛ ndo tara mɔ Loisi mɛ wa dúngɔ ta mɔ, nga na Enisɛ mɛ ta mɔ aye uzu tɛ mɔ. Ko mbi hĩnga biani ya, mɔ ye nga lo tɛ Yezo.

2 Timɔte 3:15

Ato na ngoi ko ndo mɔ dɛ nyingambi, anɔ ngbĩi asi na lá olo ko, mɔ hĩnga atɛnɛ ti ya Buku tɛ Nzapa. Atɛnɛ ni ko alengbi ti sangɔ ndara bɛ mɔ ya, mɔ ye lo tɛ Yezo Kristo, wa Nzapa aso mɔ.

Aebreo 13:8

Se ko ndo la Yezo da uzu ko, se mɛ lo da na olo la, ko se mɛ nga gbanda lo ngbã na ni ngoi zu la.