2 Timɔte 1:16 - Fana Ngbangɔ 1987

¹⁶ Nzapa ama bɛ vundu tɛ Onezifɔre, nga na nda se wa tɛ lo ma ke! Ta sanga ma, Onezifɔre azu na bɛ mbi fani sĩni. Ta kamɛnɛ agbɔ̃ lo na lo bɔlɔkɔ mɛ mbi li ma.

2 Timɔte 1:16 Iomraidhean Croise

Matie 25:17

Wa kwa mɛ alua wɔrɔ ngbangbo sɛ, ade nga buze nga ma se tɛ fɔ̃ lo. Lo lua wɔrɔ ngbangbo sɛ, lo kpã na ndo omɛ gbia tɛ lo ahɛ̃ lo.

Matie 5:7

“Dengɔ bɛ ati na azi ko la ndoma vundu tɛ afɔ̃ la, Ta sanga ma, Nzapa ama nga gbanda vundu tɛ la!

Awa Pangɔ Kwa 21:33

La kota gbia tɛ aturugu ai tɛrɛ lo ka gunda Polo, ahɛ̃ nyɔ, la azi agbe lo na ngo nwa sɛ. So pɛni, lo hũnda Polo ya: “Mɔ na? Ye mɛ mɔ li nɛ?”

Awa Pangɔ Kwa 28:20

Ĩ ba nda mɛ mbi ili ĩ ya, ĩ si ge tɛ mbi, ko e tɛnɛ nga tɛnɛ la. Wa mbi ti wa bɔlɔkɔ na lo tɛ Zo mɛ Ayuda ndolɛndɛrɛ lo ya, lo na gangɔ.”

1 Kɔrinto 16:18

Ala sa nguru bɛ mbi, nga ma se mɛ ndo nga ala sa na nguru bɛ ĩ nvɛni. Ale ĩ gonda gi tɛrɛ azi ko.

Efɛzɛ 6:20

Mbi du wa pangɔ kwa tɛ Yezo Kristo, ya mbi pa Nzɔ̃ Pa hɛ̃ azi. Abɛ se mbi ge ya bɔlɔkɔ ko, mbi ndopa nga bo ni. Wa ĩ hũnda Nzapa ya, mbi pa ni na kpengba bɛ, nga ma se mɛ mbi lengbi ti pangɔ ni.

2 Timɔte 1:12

Ko na lo ni la mbi ndohũ apenɔ olo mɛ. Kanda mbi ndodu bo na kpengba bɛ, ta sanga ma, mbi hĩnga zo mɛ mbi ndokpã bɛ mbi ndo lo. Mbi hĩnga nga nzɔ̃ni ya, lo na nguru ti batangɔ Nzɔ̃ Pa mɛ ndo lo zia na ti mbi, ngbĩi nga ka ngoi mɛ gbanda lá ti fangɔ ngbanga alengbi.

2 Timɔte 1:17

Ngoi mɛ ndo lo si ge Roma ko, lo hɛ̃ ndo tɛrɛ lo, lo gi mbi ngbĩi, lo lua mbi.

2 Timɔte 1:18

Gbia Nzapa ama bɛ gbanda vundu tɛ lo na lá ti fangɔ ngbanga ma ke! Akwa zu mɛ ndo Onezifɔre ali hɛ̃ mbi ka Efɛzɛ ko, mɔ hĩnga nga ni nzɔ̃ni sĩ.

2 Timɔte 1:8

Wa ale ta kamɛnɛ agbɔ̃ mɔ na ngoi mɛ mɔ ndopa lo tɛ Gbia tɛ e Yezo ma, ta kamɛnɛ agbɔ̃ nga mɔ na lo tɛ mbi mɛ mbi li bɔlɔkɔ na lo tɛ lo ma. Kanda ale mɔ hũ pɛnɔ na lo ti Nzɔ̃ Pa nga ma mbi, ko mɔ gbe bɛ mɔ na nguru mɛ Nzapa ahɛ̃ mɔ.

2 Timɔte 4:19

Pa hɛ̃ Prisiyɛ na ya lo Akilasi ya, mbi bala la. Pa nga hɛ̃ Onezifɔre na azi ti nda se wa tɛ lo ya, mbi bala nga la.

Filemɔ 1:20

Nyi bua, ti biani, mbi gbɔ̃ gɛrɛ mɔ ya, mɔ li hɛ̃ mbi nzɔ̃ ye na lo tɛ Gbia Yezo Kristo, wa Onezimɛ adiri ka tɛ mɔ. Zu nga na bɛ mbi na lo tɛ Yezo Kristo.

Filemɔ 1:7

Nyi bua, yengɔ mɛ mɔ ndoye na azi mɛ ndɛ̃ mɛ adu azi tɛ Nzapa ko, ahɛ̃ mbi dengɔ bɛ sĩ, azu nga na bɛ mbi sĩ, ta sanga ma, mɔ sa nguru bɛ la.

Aebreo 10:34

Ĩ ndoma ndo vundu tɛ awa bɔlɔkɔ na lo ti apɛnɔ tɛ la. Ngoi mɛ ndo azi agbɔ̃ aye tɛ ĩ na ti ĩ ko, ĩ ye ndo na dengɔ bɛ ya, ala mu ni na ti ĩ. Ta sanga ma, ĩ hĩnga ya, ĩ na anzɔ̃ ye mɛ andongbã buru na buru.

Aebreo 6:10

Nzapa ndoli ye na seni, kwa mɛ ndo ĩ li hɛ̃ ayata ĩ awa Kristo, ko ĩ dɛ ĩ li ni kpɔ ko, ta bɛ lo na lingɔ na ni ma. Kwa ni ndofa yengɔ mɛ ĩ ye na lo.