2 Timɔte 1:14 - Fana Ngbangɔ 1987

¹⁴ Nzɔ̃ Pa mɛ ndo Nzapa azia na yamba ti mɔ ko, bata ni na nguru tɛ Tɔrɔ Santo ko la na ya tɛrɛ e na mɔ.

2 Timɔte 1:14 Iomraidhean Croise

Luka 16:11

Se ta ĩ li nwa ti lɛ sese na seni ma ko, ta zo ahɛ̃ ĩ gbanda bɛta nwa ya ĩ bata ma.

Yoanɛ 14:17

Ta azi ti lɛ sese alengbi ti luangɔ lo ma, na lo mɛ ya, ta ala lengbi ti hũngɔ lo ma, ta ala lengbi nga ti hĩngangɔ lo ma. Kanda ĩ la ĩ hĩnga lo, na lo mɛ ya, lo ndodu ndoni kɔi na ĩ, ko lo na dungɔ ka ya bɛ ĩ.

Roma 3:2

Ayuda aɔ azi mɛ ta Ayuda ma na lege sĩni. Ti uzu, Nzapa azia ndo tɛnɛ tɛ lo na yamba ti Ayuda.

Roma 8:11

Se Tɔrɔ Santo tɛ Nzapa mɛ ndo aso Yezo Kristo na pɛ kwa adu na ya tɛrɛ ĩ, wa Nzapa aso nga gbanda tɛrɛ ĩ na pɛ kwa. Lo li gbanda so na nguru tɛ Tɔrɔ Santo tɛ lo mɛ na ya tɛrɛ ĩ.

Roma 8:13

Ta sanga ma, se ĩ li ye na se gwɛ̃ ti tɛrɛ ĩ ko, ĩ kpili gbanda. Wa na lo nguru tɛ Tɔrɔ Santo, se ĩ zia siɔ ye mɛ ĩ ndoli buai ko, gbanda ko ĩ so.

Roma 8:9

Kanda tɛ ĩ ko, ta ĩ ndoli ye na se gwɛ̃ ti tɛrɛ ĩ ma, ĩ ndoli ye na se nyɔ Tɔrɔ Santo, na lo mɛ ya, Tɔrɔ Santo tɛ Nzapa na ya tɛrɛ ĩ. Zo ko la ta na Tɔrɔ tɛ Yezo Kristo na ya tɛrɛ lo ma ko, ta lo nga zo tɛ Yezo Kristo ma.

1 Kɔrinto 3:16

Ĩ hĩnga nzɔ̃ni ya, tɛrɛ ĩ adu nga ma da mɛ Nzapa ndodu da, ko Tɔrɔ Santo tɛ lo ndodu ka ya bɛ ĩ.

1 Kɔrinto 6:19

Ĩ hĩnga biani ya, tɛrɛ ĩ adu nga ma da mɛ Tɔrɔ Santo ndodu dazu. Nzapa ahɛ̃ ĩ Tɔrɔ Santo, ko Tɔrɔ Santo ndodu ka ya tɛrɛ ĩ. Ta tɛrɛ ĩ adu ti ĩ nvɛni ma, tɛrɛ ĩ adu ti Nzapa.

1 Kɔrinto 9:17

Se adu ya, mbi nvɛni ndo la mbi ye lingɔ kwa olo ko, ale mbi ndokpã bɛ mbi na ndo luangɔ faranga. Kanda nga ma la Nzapa ahɛ̃ mbi nyɔ ya, mbi li kwa ni ko, ale mbi li bo kwa ni.

2 Kɔrinto 5:16

Na lo ni, ato na olo ko, ta e ti ndohĩnga zo na lege ti sé du tɛ lo mɛ e ndohũ na lɛ e ma. Ndo uzu ko, se mɛ ndo e ndohũ na Kristo la, kanda na olo ko, ta se mɛ e ndohũ na lo la ma.

Galatia 2:7

Kanda ala hũ ya, se ko la Nzapa ahɛ̃ Petro kwa ya, lo pa Nzɔ̃ Pa hɛ̃ Ayuda ko, se mɛ nga Nzapa ahɛ̃ mbi kwa ya, mbi pa Nzɔ̃ Pa hɛ̃ azi mɛ ta Ayuda ma la.

Efɛzɛ 2:22

Nga ma la ĩ na Yezo Kristo ĩ ti bo kɔi ko, ĩ nga ĩ du nga ma atɛnɛ mɛ awa na da, ko Tɔrɔ Santo tɛ Nzapa ndodu ya da ni.

Efɛzɛ 5:18

Ta ĩ nyɔ kana agbɔ̃ ĩ ma, so agbɛ̃ du tɛ ĩ. Kanda ale ĩ ye ya, Tɔrɔ Santo asa nguru bɛ ĩ sĩ ngoi zu.

Kɔlɔsɛ 4:11

Mbanga kɔli kɔi mɛ ili lo Yezo, andoili nga lo ya Yustusi ko, lo bala nga ĩ. Na popo tɛ Ayuda mɛ agbinya bɛ la aye lo tɛ Yezo Kristo ko, bo azi ko ota la e na la e ndoli kwa ti lo Lɛngɔ Gbia tɛ Nzapa. Ala zu ndo na bɛ mbi sĩ.

1 Tɛsalɔnikɛ 5:19

Ta ĩ gbanzi Tɔrɔ Santo ya, lo zia lingɔ kwa ka ya bɛ ĩ ma.

1 Timɔte 1:11

Bɛta lo ni alo na ya Nzɔ̃ Pa tɛ Nzapa mɛ na ndima, lo mɛ nga na dengɔ bɛ, ko Nzapa azia ni na yamba ti mbi ya mbi pa.

1 Timɔte 6:20

Ee Timɔte, ló mɛ Nzapa azia na yamba ti mɔ ko, bata ni nzɔ̃ni. Gɛgɛrɛ tɛnɛ, na tɛnɛ mɛ ta ndode bɛ Nzapa ma ko, ta mɔ dɔ nyɔ mɔ ya ni ma. Ta mɔ dɔ nga nyɔ mɔ na ya lo ti nvɛnɛ mɛ azi ndoha ma. Ala ndoili lo ni ko ya, adu hĩngangɔ ndo. Kanda ta adu bɛta hĩngangɔ ndo ma.

2 Timɔte 1:12

Ko na lo ni la mbi ndohũ apenɔ olo mɛ. Kanda mbi ndodu bo na kpengba bɛ, ta sanga ma, mbi hĩnga zo mɛ mbi ndokpã bɛ mbi ndo lo. Mbi hĩnga nga nzɔ̃ni ya, lo na nguru ti batangɔ Nzɔ̃ Pa mɛ ndo lo zia na ti mbi, ngbĩi nga ka ngoi mɛ gbanda lá ti fangɔ ngbanga alengbi.

2 Timɔte 2:2

Tɛnɛ mɛ ndo mbi tɛnɛ hɛ̃ azi ma wo ma, ala aye lo ni ko, mu bo tɛnɛ ni ko, mɔ ha na abɛta azi mɛ ala lengbi ti hangɔ na azi mɛ ndɛ̃.

1 Petro 1:22

Ĩ ndotɔndɔ bɛta lo tɛ Nzapa, la bɛ ĩ ati vuruni ya, ĩ ye ayata ĩ awa Kristo na bɛ ĩ kɔi. Wa ale ĩ yengbi sĩ nvɛni na bɛ ĩ kɔi.