2 Timɔte 1:13 - Fana Ngbangɔ 1987

¹³ Abɛta tɛnɛ mɛ ndo mbi pa hɛ̃ mɔ ko, mu bo ni, mɔ pa hɛ̃ azi. Ye lo tɛ Yezo bɛ mɔ kɔi, ko mɔ ye nga azi na nguru mɛ e na ni, na lo mɛ ya, e na Yezo Kristo e ti bo kɔi.

2 Timɔte 1:13 Iomraidhean Croise

Roma 2:20

Mɔ wa fangɔ ye na azi mɛ ta ahĩnga ye kɔi ma, mɔ wa hangɔ lo na azi mɛ ta le la adɛ azi na lege tɛ Nzapa ma. Mɔ ndopa ya, mɔ hĩnga ye zu, na lo mɛ ya, mɔ hĩnga ndia tɛ Mɔizɛ, ndia ni afa nga mɔ na beta lo.

Roma 6:17

E gonda Nzapa, ta sanga ma, ndo uzu ko, ĩ ndo ambɛ ti lingɔ siɔ ye, kanda na olo, ĩ ndoma nyɔ Nzapa na be ĩ kɔi, ko ye mɛ aha na ĩ ko, ĩ ndoli ni na seni.

Filipɛ 1:27

Ye kɔi mɛ bo ngbondoni lo mɛ: ale sé du tɛ ĩ adu bo nga ma se mɛ Nzɔ̃ Pa tɛ Yezo Kristo apa na ni. Na lo ni ko, bɛ se mbi ga so bangɔ ĩ bere se ta mbi ga ma ko, mbi ye bo mangɔ ya, ĩ ngbã bo na yengɔ lo tɛ Yezo Kristo, ko bɛ ĩ adu kɔi, ko ĩ bombi nga tɛrɛ ĩ so lingɔ kwa, wadila Nzɔ̃ Pa tɛ lo agwe ngoi zu uzu uzu.

Filipɛ 4:9

Aye mɛ ndo mbi ha na ĩ la ĩ ye lo ni ko, ĩ li ni. Atɛnɛ mɛ ndo ĩ ma na nyɔ mbi, na aye mɛ ndo ĩ hũ, mbi li ko, ĩ li nga ni, wadila Nzapa mɛ ndoli ya, bɛ e adu pii, adu ndoni kɔi na ĩ.

Kɔlɔsɛ 1:4

Ta sanga ma, e ma pa ti yengɔ mɛ ĩ ye na lo tɛ Yezo Kristo, nga na pa ti yengɔ mɛ ĩ ye na azi tɛ Nzapa zu,

1 Tɛsalɔnikɛ 5:21

Tɛnɛ zu mɛ azi ndotɛnɛ ko, ĩ gi nda ni kpa. Se ĩ hũ ya, adu nzɔ̃ tɛnɛ mɛ alo ka tɛ Nzapa ko, ĩ bata ni ka bɛ ĩ.

1 Timɔte 1:10

azi mɛ ndoli siɔ ye ti kamɛnɛ, akɔli mɛ ndofɔnɔ na afɔ̃ la akɔli ma bere afɔ̃ la ni ati awe la, azi mɛ ndoka afɔ̃ la na ngere ya, ala ti ambɛ, azi mɛ ndopa nvɛnɛ, azi mɛ ndonyɔ ngɛ na nvɛnɛ, nga na azi mɛ ndoli aye mɛ ndɛ̃ zu mɛ ta alengbi na bɛta lo tɛ Nzapa mɛ andoha ma.

1 Timɔte 1:14

Gbia tɛ e Yezo Kristo ali nzɔ̃ bɛ tɛ lo ma wo ma hɛ̃ mbi, lo zi lege hɛ̃ mbi, la mbi ye lo tɛ lo, mbi ye nga lo.

1 Timɔte 6:3

Se zo aha lo mɛ ndɛ̃, se ta lo ye abɛta tɛnɛ tɛ Gbia tɛ e Yezo Kristo ma, se ta lo ye nga lo mɛ e ndoha na lo ti se li ye mɛ ndode bɛ Nzapa ma ko,

2 Timɔte 1:1

Mbi Polo mɛ ndo Nzapa asara mbi na se bɛ lo nvɛni akpa ya, mbi du wa pangɔ kwa tɛ Yezo Kristo la mbi to mbɛti olo hɛ̃ mɔ Timɔte mɛ nyi mbi ti kpɔ̃ bɛ mbi. Mbi bala mɔ. Nzapa ahɛ̃ mbi kwa ya, mbi pa hɛ̃ azi lo ti bɛta du mɛ ndo lo ko kapa ni hɛ̃ azi mɛ ala na Yezo ati bo kɔi. To e Nzapa na Gbia tɛ e Yezo Kristo ali bɛ nzɔ̃ bɛ hɛ̃ mɔ, ama bɛ vundu tɛ mɔ, ali bɛ nga ya, bɛ mɔ adu pii ma ke!

2 Timɔte 1:14

Nzɔ̃ Pa mɛ ndo Nzapa azia na yamba ti mɔ ko, bata ni na nguru tɛ Tɔrɔ Santo ko la na ya tɛrɛ e na mɔ.

2 Timɔte 2:2

Tɛnɛ mɛ ndo mbi tɛnɛ hɛ̃ azi ma wo ma, ala aye lo ni ko, mu bo tɛnɛ ni ko, mɔ ha na abɛta azi mɛ ala lengbi ti hangɔ na azi mɛ ndɛ̃.

2 Timɔte 3:14

Wa tɛ mɔ ko, alo mɛ ndo aha na mɔ, nga na alo mɛ ndo mɔ ye lo ni na bɛ mɔ kɔi ko, gbɔ̃ ni ka ka ka. Mɔ hĩnga ya, azi ko ndo aha mɔ na alo ni ko ko, ala du abɛta azi.

2 Timɔte 4:3

Ta sanga ma, na mbanga ngoi gbanda ko, ta azi ti ye gbanda mangɔ bɛta, lo tɛ Nzapa mɛ andoha ma. Ala li tɛ la gbanda ye mɛ bɛ la nvɛni asepara. Na lo ni ko, ala bombi gbanda awa hangɔ ye so gunda la gba ya, ala ha ani na ye mɛ ani ye mangɔ.

Tito 1:9

Ale lo kpã bɛ lo ngĩi na ndo bɛta lo tɛ Nzapa mɛ aha na lo. Se lo li so, wadila lo lengbi ti sangɔ nguru bɛ azi mɛ ndɛ̃ na lege ti hangɔ la na bɛta lo ni ko, ko lo lengbi nga ti fangɔ na awa kɛ̃ngɔ bɛta lo ni ya, ala yu ndo.

Tito 2:1

Tɛ mɔ ko, ha azi na lo mɛ alengbi na bɛta lo tɛ Nzapa.

Tito 2:8

Tɛnɛ tɛnɛ tɛ Nzapa na seni, so zo adi mɔ. Li so wadila kamɛnɛ agbɔ̃ awa kɛ̃ngɔ mɔ, na lo mɛ ya, ta ala lua e na siɔ ye kɔi ma.

Aebreo 10:23

Nzapa ako kapa hɛ̃ e, ko ta lo na wezangɔ kapa ni ma. Na lo ni ko, ale e ngbã bo na lɛndɛrɛngɔ kapa mɛ e ndopa lo ni, ta e dɛ kitɛ ni ma.

Aebreo 3:6

Yezo Kristo lo Nyi Nzapa, lo bɛ li azi zu ti ya da tɛ Nzapa, ko lo li ndo kwa tɛ lo bɛ lo kɔi. Se e ngba bo na kpãngɔ bɛ e na ndo ye mɛ e ndolɛndɛrɛ, e ngbã nga na gbengɔ bɛ e, wadila e du azi ti ya da tɛ Nzapa.

Aebreo 4:14

E na kota gbia tɛ awa lungɔ Nzapa na ye, lo ma ndo ngbĩi lo si ka gbɛlɛ Nzapa nvɛni, lo Nyi Nzapa, ili lo la Yezo. Na lo ni ko, lo tɛ lo mɛ e ye, la e ndopa hɛ̃ azi ko, ale e ngbã bo na yengɔ lo ni kpengbani.

Yudɛ 1:3

Aya bua, mbi ndoli ndo kpengbani ya, mbi su hɛ̃ ĩ mbɛti, na lo ti songɔ mɛ Nzapa aso na mbi, aso nga na ĩ. Ko ngoi mɛ mbi ndoda bɛ mbi nga so ko, mbi hũ ya, nzɔ̃ni ale mbi su hɛ̃ ĩ mbɛti, mbi sa nguru bɛ ĩ, wa ĩ li kpengbani, ĩ bata tɛnɛ tɛ Nzapa mɛ ndo ĩ ye lo ni. Adu tɛnɛ mɛ ndo lo hɛ̃ azi tɛ lo fani kɔi ti buai.

Suma 2:25

Kanda ye ko la aha na ĩ ko, ĩ bata ni nzɔ̃ni nga ka lá ko gbanda ni diri ni ga.

Suma 3:11

Angbã yakere ni ga. Ale ĩ gbɔ̃ lo tɛ ni kpengbani, so zo agbula mbana gɛrɛ ĩ na ti ĩ.

Suma 3:3

Wa ĩ da bɛ ĩ na ló mɛ ndo aha na ĩ, nga na tɛnɛ tɛ Nzapa mɛ ndo ĩ ma. Ale ĩ tɔndɔ ni, ko ĩ gbinya bɛ ĩ. Se ta ĩ du na kpengba lɛ ma ko, ni ga ni buta ĩ nga ma se tɛ wa nzĩ, ko ta ĩ na hĩngangɔ ngoi ti gangɔ tɛ ni ma.