2 Timɔte 1:12 - Fana Ngbangɔ 1987

¹² Ko na lo ni la mbi ndohũ apenɔ olo mɛ. Kanda mbi ndodu bo na kpengba bɛ, ta sanga ma, mbi hĩnga zo mɛ mbi ndokpã bɛ mbi ndo lo. Mbi hĩnga nga nzɔ̃ni ya, lo na nguru ti batangɔ Nzɔ̃ Pa mɛ ndo lo zia na ti mbi, ngbĩi nga ka ngoi mɛ gbanda lá ti fangɔ ngbanga alengbi.

2 Timɔte 1:12 Iomraidhean Croise

Matie 12:21

Ko azi ti lɛ sese zu alɛndɛrɛ gbanda lo.”

Matie 24:36

Yezo apa ya: “Ta zo kɔi ahĩnga gbanda bi ni, bere ngoi ni ko ma. Abɛ nga aangelo mɛ ka yayu, abɛ nga mbi Nyi Nzapa ko, ta mbi hĩnga nga ngoi ni ko ma. Bo To mbi kɔi la ahĩnga ngoi ni ko.

Matie 7:22

Ngoi mɛ gbanda lá ti fangɔ ngbanga alengbi ko, azi gba apa gbanda hɛ̃ mbi ya: ‘Gbia, Gbia, e pa ndo nyɔ Nzapa na nguru tɛ mɔ, e toma ndo asiɔ tɔrɔ na ya tɛrɛ azi na nguru tɛ mɔ, e li ndo nga aye ti kpɛnɛ ma wo ma na nguru tɛ mɔ!’

Luka 10:12

Mbi pa hɛ̃ ĩ ya, na lá ti fangɔ ngbanga gbanda ko, azi ti kɔdɔrɔ ni ko alua gbanda etumbu mɛ aɔ etumbu tɛ azi ti Sɔdɔmɛ.”

Luka 23:46

Yezo ade kɔngɔ kpengbani ya: “Baba, mbi zia tɔrɔ tɛrɛ mbi na yamba ti mɔ.” Lo ĩ tɛnɛ so wɛ ko, lo kpi.

Yoanɛ 17:15

Ta mbi hũnda mɔ ya, mɔ hã la so lɛ sese olo mɔ zi ma, kanda mbi hũnda mɔ ya, mɔ bata la, so ala ti na gbe ti Satana.

Yoanɛ 6:44

Se ta To mbi mɛ ato mbi azi lege hɛ̃ zo ma ko, ta zo ni alengbi ti gangɔ na se bɛ lo ge tɛ mbi ma. To mbi la azi lege hɛ̃ lo, lo ga ge tɛ mbi, ko gbanda na lá ti fangɔ ngbanga ko, mbi so lo na pɛ kwa.

Awa Pangɔ Kwa 13:46

La Polo na Barnabasi apa hɛ̃ la na kpengba bɛ ya: “Adu ya, ale e pa tɛnɛ tɛ Nzapa hɛ̃ ĩ uzu. Wa nga ma la ĩ kɛ̃ ni ĩ nvɛni, ĩ fa ngbanga ti tɛrɛ ĩ ya, ta ĩ lengbi ti luangɔ du ti kaka na lo ni ma ko, e na nɔngɔ ka tɛ azi mɛ ta Ayuda ma ya, e pa tɛnɛ ni hɛ̃ la.

Awa Pangɔ Kwa 13:50

Kanda Ayuda awa akota azi ti kɔdɔrɔ, na awe ti ndima mɛ ndovɔrɔ Nzapa, la ala zu ato nda hɛ̃ngɔ pɛnɔ hɛ̃ Polo na Barnabasi, atoma la so ya kɔdɔrɔ tɛ la.

Awa Pangɔ Kwa 21:13

La Polo agbinya hɛ̃ e ya: “Nda to mɛ ĩ ndoto nɛ? Nda mɛ ĩ separa sangɔ mi bɛ mbi nɛ? Bɛ se agbɔ̃ mbi, aho mbi ka Yeruzalɛmɛ na lo tɛ Gbia Yezo ko, mbi ye.”

Awa Pangɔ Kwa 7:59

Ngoi mɛ ala so ndoboroka Etieni ko, Etieni so ndosambela Nzapa ya: “Gbia Yezo, wa mu tɔrɔ tɛrɛ mbi!”

Awa Pangɔ Kwa 9:16

Mbi nvɛni na fangɔ lo na se mɛ lo na hũngɔ na pɛnɔ na lo tɛ mbi.”

Roma 1:16

Mbi ndopa Nzɔ̃ Pa tɛ Yezo Kristo na gwalo. Nzɔ̃ Pa ni na nguru tɛ Nzapa, ko nguru ni ndoso azi zu mɛ aye lo tɛ Yezo Kristo. Ayuda la aso uzu, wa azi mɛ ta Ayuda ma aso tɛ la gesi.

Roma 9:33

Tɛ́nɛ ni adu Yezo Kristo, ko Buku tɛ Nzapa ndopa lo ti tɛ́nɛ ni ko ya: “Ĩ ba, tɛ́nɛ mɛ azi ndota li gɛrɛ la na ni, ko andokinda la ko, Mbi kpã ni nga ma tɛ́nɛ ti nda ngɔrɔ da ka kɔdɔrɔ ti Siona. Zo ko la aye lo ti tɛ́nɛ ni ko, Ta kamɛnɛ na gbɔ̃ngɔ lo ma.”

1 Kɔrinto 1:8

Gbia tɛ e Yezo Kristo gbanda la ali ya, ĩ kpengba na ya lo yengɔ tɛ ĩ ngbĩi ĩ si ka ndani gbɔ, so gbanda abela ĩ, na lá ti diringɔ tɛ lo.

1 Kɔrinto 3:13

Na ngoi mɛ gbanda Nzapa afa na ngbanga tɛ azi ko, kwa tɛ zo kɔi kɔi asi gbanda yango. Ta sanga ma, na lá ni ko gbanda ko, Nzapa atara gbanda kwa tɛ zo kɔi kɔi na wá, ko wá afa gbanda ya, kwa ni nzɔ̃ni, bere siɔni.

Filipɛ 1:20

Ye mɛ mbi ye, ko mbi ndoku na bɛ mbi fufu la, ale ta mbi li ye kɔi mɛ alengbi ti sangɔ kamɛnɛ lɛ mbi ma. Kanda na olo, bere na ngoi zu mɛ na gangɔ ko, mbi ye na bɛ mbi kɔi ya, se mbi ngbã lɛ mbi ngɛ̃, bere se mbi kpi ko, ale mbi du na kpengba be, wadila azi atɔndɔ Yezo Kristo na lo tɛ mbi.

Filipɛ 3:10

Ye mɛ mbi ye bo la, ale mbi hĩnga Yezo Kristo, mbi hĩnga nga nguru mɛ ndo lo so na ni na pɛ kwa, ale mbi hũ pɛnɔ nga ma se tɛ lo, mbi kpi nga kwa nga ma se tɛ lo.

Filipɛ 3:21

Ngoi mɛ gbanda lo ga ko, lo gbinyangbi gbanda tɛrɛ e mɛ e na ni ge lɛ sese, ati nga ma tɛrɛ lo ti ndima. Lo li gbanda nga so na nguru mɛ lo na ni ti lɛngɔ gbia na ndo aye zu.

Filipɛ 3:8

Ko ta adu bo aye ni ko la mbi ndomu ni nga ma ye mɛ gɛgɛrɛ ma, kanda aye zu mɛ mbi na ni la mbi ndomu ni nga ma ye mɛ gɛgɛrɛ. Ta sanga ma, se mbi hĩnga Gbia tɛ mbi Yezo Kristo ko, oko aɔ aye mɛ ndɛ̃ zu. Na lo tɛ lo ko, mbi kɛ̃ aye mɛ ndɛ̃ zu. Mbi ndomu aye ni ko nga ma ambumbusɛ ye ya, mbi hĩnga Yezo Kristo nzɔ̃ni,

1 Tɛsalɔnikɛ 2:16

Ala ndogi kɔdɛ ti gbanzingɔ e ya, azi mɛ ta Ayuda ma ko, ta e pa tɛnɛ tɛ Nzapa hɛ̃ la ma, so Nzapa aso azi ni ko. La siɔ ye tɛ la ndobu gi bungɔ na ndo angbina siɔ ye mɛ ndo ala ya lingɔ ni gã. Ko Nzapa apia ndo ali ngɔnzɔ hɛ̃ la wɛ.

1 Tɛsalɔnikɛ 5:4

Aya bua, kanda tɛ ĩ ko, ta ĩ nga ma azi ko la ndodu na ya mbingo ma, ko ale ta lá ni ko agbagbara sɛ gbanda ĩ, nga ma se mɛ wa nzĩ ndogbagbara na azi ma.

1 Timɔte 6:20

Ee Timɔte, ló mɛ Nzapa azia na yamba ti mɔ ko, bata ni nzɔ̃ni. Gɛgɛrɛ tɛnɛ, na tɛnɛ mɛ ta ndode bɛ Nzapa ma ko, ta mɔ dɔ nyɔ mɔ ya ni ma. Ta mɔ dɔ nga nyɔ mɔ na ya lo ti nvɛnɛ mɛ azi ndoha ma. Ala ndoili lo ni ko ya, adu hĩngangɔ ndo. Kanda ta adu bɛta hĩngangɔ ndo ma.

2 Timɔte 1:14

Nzɔ̃ Pa mɛ ndo Nzapa azia na yamba ti mɔ ko, bata ni na nguru tɛ Tɔrɔ Santo ko la na ya tɛrɛ e na mɔ.

2 Timɔte 1:16

Nzapa ama bɛ vundu tɛ Onezifɔre, nga na nda se wa tɛ lo ma ke! Ta sanga ma, Onezifɔre azu na bɛ mbi fani sĩni. Ta kamɛnɛ agbɔ̃ lo na lo bɔlɔkɔ mɛ mbi li ma.

2 Timɔte 1:18

Gbia Nzapa ama bɛ gbanda vundu tɛ lo na lá ti fangɔ ngbanga ma ke! Akwa zu mɛ ndo Onezifɔre ali hɛ̃ mbi ka Efɛzɛ ko, mɔ hĩnga nga ni nzɔ̃ni sĩ.

2 Timɔte 1:8

Wa ale ta kamɛnɛ agbɔ̃ mɔ na ngoi mɛ mɔ ndopa lo tɛ Gbia tɛ e Yezo ma, ta kamɛnɛ agbɔ̃ nga mɔ na lo tɛ mbi mɛ mbi li bɔlɔkɔ na lo tɛ lo ma. Kanda ale mɔ hũ pɛnɔ na lo ti Nzɔ̃ Pa nga ma mbi, ko mɔ gbe bɛ mɔ na nguru mɛ Nzapa ahɛ̃ mɔ.

2 Timɔte 2:9

Na lo ti Nzɔ̃ Pa ni la agbe mbi na nzingiri, mbi ndohũ pɛnɔ ma bere mbi wa lingɔ siɔ ye. Mbi la agbe mbi, kanda ta agbe tɛnɛ tɛ Nzapa ma.

2 Timɔte 4:8

Ko na olo ko, Gbia Nzapa abata mbana gɛrɛ mbi ka yayu so kungɔ na mbi. Lo mɛ wa fangɔ ngbanga na seni ko, lo hɛ̃ mbi gbanda mbana gɛrɛ mbi na lá ti fangɔ ngbanga, na lo mɛ ya, lo mu mbi ka lɛ lo ya, mbi bɛta zo. Ta bo mbi kɔi gbanda la lo hɛ̃ mbi mbana gɛrɛ mbi ma. Kanda azi zu mɛ aye ya, lo na diringɔ gangɔ, ko ala ndoku lo ko, lo hɛ̃ nga la gbanda mbana gɛrɛ la.

Tito 3:8

Tɛnɛ ko la mbi tɛnɛ ko, adu bɛta tɛnɛ. Ko mbi ye ya, atɛnɛ mɛ mbi tɛnɛ ko, ha ni kpengbani, wadila azi ko la aye lo tɛ Nzapa ahɛ̃ tɛrɛ la na lingɔ anzɔ̃ kwa. Ba ye mɛ nzɔ̃ni, ko andoza nga azi la.

Aebreo 12:2

Ale e ndoba bo Yezo, lo la lo li ya, e ye lo tɛ ni, ko lo ndoli nga ya, e ngbã bo na yengɔ lo tɛ ni ngbĩi e si ka ndani gbɔ. Ngoi mɛ ndo aye hongɔ lo ka ndo krusi ko, lo gbe ndo bɛ lo, ta kamɛnɛ agbɔ̃ ndo nga lo na lo ti gi tɛrɛ kwá ni ko ma, na lo mɛ ya, lo hĩnga ndo ya, ni na luangɔ dengɔ bɛ ka tɛ Nzapa. Na olo mɛ ko, lo du na ndo kɔti ti Nzapa, ka ndo mɛ Nzapa ndole gbia tɛ lo da.

Aebreo 2:18

Ko na olo mɛ ko, Yezo alengbi ti zangɔ azi mɛ Satana ndotara bɛ la, na lo mɛ ya, Satana atara ndo nga bɛ lo nvɛni, lo hũ nga ndo pɛnɔ.

Aebreo 7:25

Na lo ni la lo lengbi ti songɔ azi mɛ ndoi tɛrɛ la ka tɛ Nzapa ti ndo lo. Lo lengbi ti songɔ la ti buai, ta sanga ma, lo ndongbã lɛ lo ngɛ̃ buru na buru so sambelangɔ Nzapa na lo tɛ la.

1 Petro 1:5

na lo mɛ ya, ĩ ye lo tɛ lo, ko lo ndobata ĩ na nguru tɛ lo ya, na ngoi mɛ gbanda sese awe ko, ni so ĩ, ko azi zu ahũ na lɛ la.

1 Petro 4:16

Wa se azi ahɛ̃ zo pɛnɔ, na lo mɛ ya, lo wa Kristo ko, ale ta zo ni ama kamɛnɛ ma. Kanda ale lo hɛ̃ sia kɔli hɛ̃ Nzapa, na lo mɛ ya, lo lua ili ni ko na lo tɛ Yezo Kristo.

1 Petro 4:19

Na lo ni ko, azi ko ndohũ pɛnɔ nga ma se mɛ bɛ Nzapa aye ko, ale ala baba bo lingɔ nzɔ̃ ye, ala hɛ̃ nga tɛrɛ la zu hɛ̃ lo mɛ wa lingɔ la. Ta lo ndoweza kapa tɛ lo ma.

Yudɛ 1:24

Nzapa alengbi ti batangɔ ĩ ya, ta ĩ ti na ya siɔ lo ma. Lo lengbi nga ti kpongɔ siɔ ye tɛ ĩ zingɔ, mungɔ ĩ, lingɔ na ni ka ya ndima te lo na kota dengɔ bɛ.