2 Timɔte 1:10 - Fana Ngbangɔ 1987

¹⁰ Ko lo fa nzɔ̃ bɛ ni na olo, na ngoi mɛ Wa songɔ e Yezo Kristo aga. Yezo Kristo abi ndo nda nguru tɛ kwá, ko na lo ti Nzɔ̃ Pa, lo fa ndo e na lege ti luangɔ du ti kaka.

2 Timɔte 1:10 Iomraidhean Croise

Luka 11:36

Se tɛrɛ mɔ kwɛ zu adu na ya vuru ndo, ta nyi ndo mɛ angbã ya mbingo adu da ma ko, afa ya, tɛrɛ mɔ kwɛ zu na dungɔ na ya vuru ndo, nga ma se ko mɔinda ndoza, ko mɔ ndohũ na ndo ngbɛ̃.”

Luka 13:7

La lo pa hɛ̃ wa kwa ti yaka vinɔ ni ya: ‘Ba, aɔ na olo buru ta, mbi ndoga so kɔngɔ le figie, ko ta mbi ndohũ ni ma. Dɛ ni mɔ bi tise! Kɛkɛ olo ndomu ndo sanga sanga ya nɛ?’

Luka 2:11

na bi olo ko, adú fɛrɛ hɛ̃ ĩ Wa songɔ azi ka kɔdɔrɔ tɛ Davidi. Lo la Mɛsia, lo nga Gbia.

Yoanɛ 1:9

Wa vurungɔ na ndo mɛ ndo aga ge lɛ sese, avuru na ndo hɛ̃ azi zu ko, bo lo kɔi la beta wa vurungɔ na ndo.

Yoanɛ 14:6

Yezo agbinya hɛ̃ lo ya: “Mbi nga ma lege mɛ agwe ka tɛ To mbi, mbi beta lo tɛ Nzapa, mbi ndohɛ̃ nga beta du. Zo ko la aye singɔ ka tɛ To mbi ko, ale lo ɔ uzu ti ndo mbi.

Yoanɛ 20:31

Kanda aye ti kpɛnɛ mɛ asu so ya buku olo mɛ ko, asu ni ya, ĩ di, ko ĩ ye ya, Yezo lo Mɛsia, lo nga Nyi Nzapa, wadila ĩ lua beta du ti ndo lo, na lo ti lo yengɔ tɛ ĩ.

Yoanɛ 4:42

La ala pa hɛ̃ wali ko ya: “Ta mɔ da bɛ mɔ ya, e ma bo tɛnɛ mɛ mɔ tɛnɛ na lo tɛ Yezo, la e ye lo tɛ lo ma. Kanda na olo ko, e ye lo tɛ lo, na lo mɛ ya, e nvɛni e ma nga lo na ma e, ko e hĩnga ya, lo Wa songɔ azi ti lɛ sese biani.”

Yoanɛ 5:40

Ta ĩ ndoye gangɔ ge tɛ mbi ya, ĩ lua beta du ma.

Awa Pangɔ Kwa 13:23

Mbanga tara Davidi kɔi ndo la Yezo, Nzapa akpã ndo lo Wa songɔ awa Izrayɛlɛ, ko adu se mɛ ndo Nzapa ako na kapa hɛ̃ la la.

Awa Pangɔ Kwa 5:31

Nzapa aya lo ka yayu, akpã lo na ndo kɔti ti lo, akpa lo Gbia, akpã nga lo Wa songɔ azi. Lo li ndo so ya, Yezo azi lege hɛ̃ awa Izrayɛlɛ, ala gbinya bɛ la, wa Nzapa aka le lo ndo siɔ ye tɛ la.

Roma 16:26

ko na olo ko, abuku mɛ ndo awa pangɔ nyɔ Nzapa asu, afa Nzɔ̃ Pa ni yango. Ko Nzapa mɛ lo kaka ahɛ̃ nyɔ ya, apa Nzɔ̃ Pa ni hɛ̃ azi ti le sese zu, wadila ala ye lo tɛ Yezo Kristo, ko ala ma nga nyɔ mɛ ni hɛ̃.

Roma 2:7

Azi ko la ndohɛ̃ tɛrɛ la so lingɔ nzɔ̃ ye, ndogi nga ya, Nzapa ahɛ̃ ani ndima, agonda ani, ahɛ̃ nga ani du mɛ ta ndowɛ ma ko, Nzapa ahɛ̃ gbanda la du ti kaka.

Roma 3:31

Ko oko afa ya, nga ma la e ye lo tɛ Yezo Kristo ko, e mu ndia nga ma gɛgɛrɛ ye? Ipɔ, ta seni la ma! Kanda e ye ya, nda ndia dazu.

Roma 6:6

E hĩnga nzɔ̃ni ya, ngoi mɛ ndo Yezo Kristo akpi ka ndo krusi ko, du tɛ e ti gã akpi nga ya, siɔ gwɛ̃ ti tɛrɛ e akpi, ko ta e ti e du ambɛ ti lingɔ siɔ ye ma.

1 Kɔrinto 15:26

Wa kɛ̃ngɔ Yezo mɛ gbanda Nzapa anwɔ lo na nda ni gbɔ la: kwá.

1 Kɔrinto 4:5

Nda mɛ ale ta ĩ pia ĩ fa ngbanga tɛ zo uzu ti bi mɛ ndo Nzapa ako ma la. Kanda ĩ ku Gbia Yezo, lo na diringɔ gangɔ. Ngoi mɛ gbanda lo ga ko, lo fa gbanda alo mɛ na olo ka ya mbingo yango. Lo si nga gbanda na dangɔ bɛ tɛ azi yango. Lo li gbanda so, wa Nzapa agonda zo kɔi kɔi, ko gondangɔ ni alengbi na kwa mɛ zo kɔi kɔi ali.

2 Kɔrinto 5:4

Biani, ngoi mɛ e dɛ lɛ e ngɛ̃ na tɛrɛ e ti lɛ sese ko, e ndodema tɛrɛ e, nga ma e yɔ kumba mɛ ndonɛ ndororo. Ta adu ya, e ye ya, Nzapa aha tɛrɛ e azi ma, kanda e separa ya, lo hɛ̃ e fana tɛrɛ, wadila tɛrɛ e mɛ ndokpi agbinyangbi ati tɛrɛ mɛ ndongbã kaka buai.

Galatia 5:4

Ĩ azi ko la ĩ ndoda bɛ ĩ ya, ĩ na tingɔ abɛta azi ka lɛ Nzapa, na lo mɛ ya, ĩ ndotɔndɔ ndia ko, tɛ ĩ na Kristo awe. Ta Nzapa ati li nzɔ̃ bɛ hɛ̃ ĩ ma.

Efɛzɛ 1:18

Mbi ndohũnda lo ya, lɛ ĩ azi yango ngbɛ̃, wadila ĩ hĩnga anzɔ̃ ye mɛ ĩ lengbi ti lɛndɛrɛngɔ ni. Adu anzɔ̃ ye mɛ ndo lo Nzapa lo pa ya, ĩ na luangɔ ni. Lo pa ndo ni na ngoi mɛ ndo lo ili na ĩ. Mbi ndohũnda lo ya, ĩ hĩnga ya, anzɔ̃ ye mɛ lo bata hɛ̃ azi tɛ lo ko, adu nzɔ̃ni buai.

Efɛzɛ 1:9

e hĩnga na lo mɛ ndo lo hɔndɛ na azi gã. Lo hɛ̃ ndo nyɔ lo ya, ni li gbanda ló ni ko na se bɛ ni ti ndo Yezo Kristo.

2 Tɛsalɔnikɛ 2:8

Siɔ Zo ni ko aga gbanda na nguru tɛ Satana. Ko lo li gbanda aye ti kpɛnɛ ndɛ̃ ndɛ̃ ndɛ̃, nga na aye ti ndima mɛ adu aye ti nvɛnɛ. Lo li gbanda asiɔ ye na se kɔdɛ ndɛ̃ ndɛ̃ ndɛ̃ so handangɔ azi mɛ gbanda Nzapa asa la ka lifɛlo. Nzapa asa la gbanda kai, na lo mɛ ya, ala ndokɛ̃ yengɔ lo bɛta lo tɛ lo. Se adu ya, ala ye ni ko, ale Nzapa aso la. Siɔ Zo ni ali gbanda aye ko zu, ko na ngoi mɛ gbanda Gbia Yezo adiri aga na ndima tɛ lo ko, lo ulu gbanda mbo tɛrɛ Siɔ Zo ni, ko mbo ni aho lo.

2 Timɔte 1:1

Mbi Polo mɛ ndo Nzapa asara mbi na se bɛ lo nvɛni akpa ya, mbi du wa pangɔ kwa tɛ Yezo Kristo la mbi to mbɛti olo hɛ̃ mɔ Timɔte mɛ nyi mbi ti kpɔ̃ bɛ mbi. Mbi bala mɔ. Nzapa ahɛ̃ mbi kwa ya, mbi pa hɛ̃ azi lo ti bɛta du mɛ ndo lo ko kapa ni hɛ̃ azi mɛ ala na Yezo ati bo kɔi. To e Nzapa na Gbia tɛ e Yezo Kristo ali bɛ nzɔ̃ bɛ hɛ̃ mɔ, ama bɛ vundu tɛ mɔ, ali bɛ nga ya, bɛ mɔ adu pii ma ke!

2 Timɔte 1:8

Wa ale ta kamɛnɛ agbɔ̃ mɔ na ngoi mɛ mɔ ndopa lo tɛ Gbia tɛ e Yezo ma, ta kamɛnɛ agbɔ̃ nga mɔ na lo tɛ mbi mɛ mbi li bɔlɔkɔ na lo tɛ lo ma. Kanda ale mɔ hũ pɛnɔ na lo ti Nzɔ̃ Pa nga ma mbi, ko mɔ gbe bɛ mɔ na nguru mɛ Nzapa ahɛ̃ mɔ.

2 Timɔte 4:1

Mbi gbɔ̃ gɛrɛ mɔ na ili Nzapa, nga na ili Yezo Kristo mɛ gbanda afa ngbanga tɛ azi mɛ lɛ la ngɛ̃, nga na tɛ awa kwáni. Na ili Yezo mɛ gbanda aga so lɛngɔ gbia ko, mbi gbɔ̃ gɛrɛ mɔ ya,

2 Timɔte 4:8

Ko na olo ko, Gbia Nzapa abata mbana gɛrɛ mbi ka yayu so kungɔ na mbi. Lo mɛ wa fangɔ ngbanga na seni ko, lo hɛ̃ mbi gbanda mbana gɛrɛ mbi na lá ti fangɔ ngbanga, na lo mɛ ya, lo mu mbi ka lɛ lo ya, mbi bɛta zo. Ta bo mbi kɔi gbanda la lo hɛ̃ mbi mbana gɛrɛ mbi ma. Kanda azi zu mɛ aye ya, lo na diringɔ gangɔ, ko ala ndoku lo ko, lo hɛ̃ nga la gbanda mbana gɛrɛ la.

Tito 2:11

Ale du tɛ azi tɛ Nzapa adu gi tɛrɛ oko, ta sanga ma, Nzapa afa nzɔ̃ bɛ tɛ lo so songɔ azi zu.

Tito 2:13

Ale e li so na ngoi mɛ e ndoku lá ti dengɔ bɛ mɛ e ndolɛndɛrɛ. Lá ni ko adu lá mɛ gbanda Wa songɔ e Yezo Kristo mɛ kota Nzapa tɛ e adiri na ni.

Tito 3:4

kanda ngoi mɛ ndo Nzapa mɛ Wa songɔ e afa ya, ni ndoli azi nzɔ̃ni, ni ndoye nga la ko,

Aebreo 10:32

Ale ĩ da bɛ ĩ na ngoi ko ndo ĩ da uzu, na ngoi mɛ ndo Nzapa azi lɛ ĩ. Ĩ hũ ndo apɛnɔ ma wo ma na ngoi ni ko, ko ĩ gbe nga ndo bɛ ĩ na ya apɛnɔ ni.

2 Petro 1:1

Mbi Simɔ Petro mɛ wa kwa tɛ Yezo Kristo, mbi mɛ nga wa pangɔ kwa tɛ lo la mbi su mbɛti olo mɛ hɛ̃ ĩ azi mɛ ĩ ye lo tɛ Yezo Kristo nga ma se mɛ e ye na ni. Mbi bala ĩ. Lo tɛ lo mɛ e na ĩ e ye ko, adu ngbondoni. E lua ngbondo lo ni ko, na lo mɛ ya, Yezo Kristo lo bɛta zo, lo Nzapa tɛ e, lo nga Wa songɔ e.

2 Petro 1:11

Na lo ni gbanda la lo zi lege yango hɛ̃ ĩ ya, ĩ si ka Kɔdɔrɔ ti kaka mɛ Gbia tɛ e Yezo Kristo ndole gbia da, lo mɛ nga Wa songɔ e.

2 Petro 1:3

Yezo na nguru tɛ Nzapa, ko lo hɛ̃ e aye zu mɛ alengbi ti zangɔ e na ya du tɛ e ya, e li ye mɛ ndode bɛ Nzapa. Na lo ti nguru ni ko la e hĩnga Nzapa mɛ aili e ya, e du azi tɛ ni na lege ti aye ti ndima mɛ lo li, nga na lege ti nguru tɛ lo.

2 Petro 2:20

Se ambanga azi azia lingɔ asiɔ ye ti lɛ sese mɛ ndogbɛ̃ azi, na lo mɛ ya, ala hĩnga Gbia tɛ e Yezo Kristo mɛ Wa songɔ e, wa so pɛni, ala ti diri na ndo asiɔ ye mɛ ndo ala zia wɛ ko, asiɔ ye ni ko na bingɔ la ambɛ fani mɛ ndɛ̃. Ko du tɛ la ti gesi na dungɔ siɔni ɔngɔ du tɛ la ti uzu.

2 Petro 3:18

Kanda ale ĩ ngbã bo na maingɔ na ya lo yengɔ tɛ ĩ, wadila Gbia tɛ e Yezo Kristo mɛ Wa songɔ e andoli nzɔ̃ bɛ hɛ̃ ĩ, ko ĩ hĩnga nga lo nzɔ̃ni. É gonda Gbia tɛ e na olo, é gonda nga lo buru na buru zu! Seni la.

2 Petro 3:2

Mbi separa ya, ĩ da bɛ ĩ na atɛnɛ mɛ ndo abɛta awa pangɔ nyɔ Nzapa apia apa. Mbi separa ya, ĩ da nga bɛ ĩ na ndia mɛ ndo Gbia tɛ e Yezo Kristo mɛ Wa songɔ e alu, la awa pangɔ kwa tɛ lo aha na ĩ.

1 Yoanɛ 1:2

Ngoi mɛ Tɛnɛ ni ĩ ga ĩ si na popo tɛ azi ko, e hũ lo. Nda mɛ e ndopa lo tɛ lo hɛ̃ ĩ, ko e ndotɛnɛ nga hɛ̃ ĩ ya, lo du ti kaka, lo na To e Nzapa ndodu ndoni kɔi ka yayu, so pɛni, Nzapa ato lo hɛ̃ e ya, e hũ lo la.

1 Yoanɛ 4:14

E nvɛni, e hũ ndo na lɛ e ya, To e Nzapa ato ndo Nyi lo ya, lo du Wa songɔ azi ti lɛ sese, ko adu lo ni la e ndopa hɛ̃ azi.

Suma 18:1

So pɛni, mbi hũ angelo mɛ ndɛ̃ alo ka ndozu azu ge tise. Lo na nguru ma wo ma, ndima ti tɛrɛ lo asũ nga ma lá, alengbi na lɛ sese kwɛ zu.

Suma 2:7

“Zo ko la ma lo adu da ko, ale lo ma tɛnɛ mɛ Tɔrɔ Santo atɛnɛ hɛ̃ awa Eklezia! Azi ko la agbe bɛ la na ya apɛnɔ, anwɔ ni ko, gbanda ko, ni hɛ̃ la lege, ala tɛ le kɛkɛ mɛ ka lɛ yaka tɛ Nzapa. Adu le kɛkɛ mɛ ndohɛ̃ zo bɛta du.”

Suma 20:14

La mbi hũ agbɔ̃ kwá, amu nga ndo tɛ lo, asa la ka ya wá mɛ lɛ ni kotani nga ma lɛ kpo. Lɛ wá ni ko adu ndo mɛ gbanda azi akpili kwá ti sɛ da.

Suma 22:14

Dengɔ bɛ ati na azi ko la akpo abɔngɔ tɛ la, ala lengbi ti ɔngɔ ti nyɔ ngise, lingɔ ka ya kɔdɔrɔ na lo ni. Ala lengbi ti tɛngɔ le kɛkɛ mɛ ndohɛ̃ zo bɛta du.

Suma 22:17

La Tɔrɔ Santo ana wali tɛ Nyi Ngasã Ngbaga apa ya: “Ga!” Zo ko la ama tɛnɛ ni ko, ale lo pa nga ya: “Ga!” Zo ko la gwɛ̃ ngu agbɔ̃ lo ko, ale lo ga lo nyɔ ni. Zo ko la aye nyɔngɔ ngu mɛ ndohɛ̃ zo bɛta du ko, lo lua ni gɛgɛrɛ.